ZAKARIA 14:16 - WUKE SUSI WATTI'U AL᷊AL᷊USASSA

¹⁶ Wua'udde anambon taumata apan ta'e wiakka suwallattu manga walahanna apan namangalo Yerusalem, sarun inai watukku soa udde massubba Ratu, Mawu Apan Lembontarṛṛino, wuṛṛu tadea'u maddamean Andeangngu Rasannu Rongnga.

ZAKARIA 14:16 Referans Kwoze

YESAYA 66:23

Suapan Bul᷊anna wakku wuṛṛu suapan allon Sabat anambon umattu taumata sarun dumanta massubba si Ya'u su Yerusalem.

YOEL 2:32

Arawe isai-sai apan maddorongnga aontollu Mawu, sarun iapasal᷊amatta. Mawu nabbisara, “Su Yerusalem manga taumata apan Ta'u nipile sarun masal᷊amatta.”

SONDAPPA 19:16

Su jubah-Ne wuṛṛu su palang-Nge uawoṛṛetta aranna indi, “Ratun al᷊awo'u ratu, wuṛṛu Mawun al᷊awo'u mawu.”

SONDAPPA 11:13

Ne su tempo udde nariaddite linukka apan masaddata. Sepermapul᷊o wuassu soa udde naṛṛimunsa'a, wuṛṛu pitu ṛiwu taumata nate ana waugu linukka udde. Manga taumata waine lembon matta'utta, see i mangitou nadalote awawantugu Ruata su surga.

ROMA 11:26

Ete aroddi anambon taumatan Yahudi sarun masal᷊amatta. Ana waugu sulal᷊ummu Wuke Susi uawoṛṛetta arendi, “Ratun Punnu Sal᷊amatta sarun rumanta wuassu Sion; I Tou sarun manubbussa anambon al᷊al᷊eon papapulunni Yakub.

ROMA 11:16

Amungkangngu roti sampaddi apan paarorone buatte nionggola su Ruata, udde atappasanne rotine sarangkanambone udde nionggola su Ruata lai. Wuṛṛu amungkangngu ṛamuttu alu udde lai pussa'an Duata udde atappasanne manga rannane lai pussaa-Ne.

ROMA 11:5

Aroddi lai orassa indi: Pia sire pira manga taumata apan buatte nipilen Duata ana waugu al᷊aman-Ne.

WATTI'U MANGA RASUL 15:17

tadea'u taumata apan lambene udde maddea'a Mawu, su sampunna ringannu walahanna waine apan wal᷊ine Yahudi apan suete niwagoang-Ku maola'a pussaa-U.’ Ete aroddi wisara Mawu,

YOHANES 7:2

Su tempo udde maranite Allo Wahewa Rasannu Rongnga.

YOHANES 1:49

“Iamangnga Huru,” unni Natanael, “Iamangnga eteudde Ana'u Ruata! Ete Iamangnga Ratum walahannu Israel!”

LUKAS 19:38

I mangitou u'ui, “Nial᷊amatanna Ratu apan nirumanta ringannu arannu Mawu! Paddarame su surga wuṛṛu awawantuga su Ruata!”

MALEAKHI 1:14

Niawontohante iapa taṛṛa wahia apan mangngonggollu sasamba si Ya'u winatangnga apan tawe aregane, amungkangngu suwallattu winatangnga papadul᷊iananna pia binatangnga apan mapia apan buatte nipa'irene si Ya'u! Ana waugu ete i Ya'u Ratu Mawantuga, wuṛṛu aaddatannu anambon balahanna.”

ZAKARIA 9:7

I mangitou tate lai uminassa ṛemessa apan ta'e pia daṛṛane ara'e anna waine apan ipappalli. Anambon taumata apan natantangnga sarun maola'a uma-U wuṛṛu olaanna sambau wageangngu ṛuangannu Yehuda. Ekron sarun maola'a reengannu uma-U, ere taumatan Yebus sutempon dorone.

HOSEA 12:9

‘I ite orassa indi ala,’ unni mangitou. ‘I ite naantungnga! Tawe saran sangkatou apan wotongnge mangansilla manungku i ite naasomba paa'ala udde ringannu olangnge mallinga.’

YEREMIA 51:57

I Ya'u sarun mapawu'annu manga mangangumbele parenta su Babel – manga mapapande, mamamiaṛṛa'a wuṛṛu tantara. I mangitou sarun tate mapabbangunna apia, matiille saran mal᷊annu-l᷊annu. I Ya'u buatte nabbisara; ete i Ya'u ratu, i Ya'u Mawu Apan Lembontaṛṛino.

YEREMIA 48:15

Moab wuṛṛu manga soane buatte niṛṛimunsa'a, wuṛṛu manga umbasanna apan apianne buatte nipate. I Ya'u buatte nabbisara. I Ya'u ratu, Mawu Apan Lembontaṛṛino.

YEREMIA 46:18

I Ya'u Ruata apan biakka, i Ya'u ratu, Mawu Apan Lembontaṛṛino. Ere Wowon Tabor nanampal᷊iu manga wowone waine, wuṛṛu Wowon Karmel ual᷊iatta'a su wowon tahal᷊oangnga, etearoddi atohanne i tou rumanta mamangalo si'o.

YESAYA 6:5

Wua'udde i ya'u nabbisara, “Nasilakate! Tate antimma lai si ya'u, ana waugu moṛṛongku kotore ana waugu rosa, wuṛṛu i ya'u uatana'e su pattangngannu walahanna ereudde lai. Sallaiwe aroddi, ringannu mata'u sassane i ya'u buatte naasilo Ratu, Mawu Apan Lembontaṛṛino!”

EZRA 3:4

I mangitou lai nallagu Allo Wahewallu Rasannu Rongnga, uasul᷊ungngu atoranna; wuṛṛu miallo-miallo mangngonggollu sasamba apan buatte nitantunna su allo udde.

2 TAWARIKH 8:13

Manga sasamba udde nionggola tumuṛṛuttu titan Musa napawe pia allo wahewalla; allon Sabat, allo wahewallu Wul᷊anna Wakku, wuṛṛu atallune allo wahewalla santonna paassa, eteudde allo wahewalla Roti Tawe Ragine, allo wahewallu Pangitinganna, wuṛṛu allo wahewallu Rasannu Rongnga.

DARALO 66:4

Ahewallu runia niumal᷊intudda massubba Si'o, i mangitou mangngantari maddalo Si'o.”

YESAYA 18:7

Sarun a'omanna tempone manga sasamba iapasingkatta su Mawu Apan Lembontaṛṛino wuassu wanua udde apan sasabbiannu manga sal᷊ukka, wuassu pabbawalage apan matohassa waṛṛani, wuassu manga taumatane apan mal᷊angkassa wuṛṛu pisine al᷊ussa wuṛṛu ia'ata'utta su ahewallu runia. I mangitou sarun dumanta su Wuiddu Sion, watukku tampa Mawu Apan Lembontaṛṛino sassubbanna.

YESAYA 19:21

Mawu sarun mapal᷊iatta'u watangan-Ne su walahannu Mesir, wuṛṛu i mangitou sarun maaillal᷊a wuṛṛu massubba si Tou, lapiddu mangapiddu aonggolla wuṛṛu sasamba si Tou. I mangitou sarun maddiandin Tou ringannu sasalu wuṛṛu mappaamattu riandi udde.

YESAYA 27:13

Sutempo udde sarun iapatuntingikka trompetta wahewalla ipamaggo apia anambon taumatan Israel apan niramme su Asyur wuṛṛu su Mesir. I mangitou sarun dumanta su Yerusalem massubba Mawu su wuid-De apan na'ukkassa.

MIKHA 4:2

I mangitou sarangkanambone sarun mabbisara, “Wette i ite umawitte watukku wuiddu Mawu watukku Wal᷊en Duatan Israel! I Tou sarun manantiro si ite apa apan ṛinone olaani ite. I ite sarun tumantalongnga lal᷊an-Ne ana waugu al᷊aṛṛa'u Mawu nirumanta wuassu Yerusalem; wuassu Sion i Tou nabbisara su uman-Ne.”

ZAKARIA 14:9

Ne Mawu sarun mamarenta maola'a ratu su ahewallu runia; suapan taumata sarun massubba si Tou ere Ruata wuṛṛu maaillal᷊a si Tou ringannu aranna apan uasul᷊ungnga.