ZAKARIA 11:17 - WUKE SUSI WATTI'U AL᷊AL᷊USASSA

¹⁷ Niawontohante mallal᷊u'adda apan tawe gunane udde! It ou buatte nanantangngu ammul᷊annu dombane. Ta'iakke sarun mabbal᷊i lome wuṛṛu mata aikkatanne mabbal᷊i wuta.”

ZAKARIA 11:17 Referans Kwoze

YEREMIA 23:1

Mawu Ruatan Israel nabbisara, “Nasilakate i yamiu ei piaṛṛangnge apan mammate wuṛṛu mannal᷊iawukku uma-U! I yamiu ṛinone mappadul᷊i uma-U, arawe i yamiu tawe na'ola'a; i yamiu namalane uasal᷊arenga wuṛṛu tinumal᷊angnga. Orassa indi Ya'u sarun makkuumanni yamiu ana waugu al᷊al᷊eonu.

YEHEZKIEL 13:3

Mawu Apan Atanggaṛṛanne nabbisara, “Nasilakate manga nabi apan woddo udde! Ṛingiranne nia'ompante wuassu tinnaune sassane pa'ellege tumaniten awusu atonna.

1 KORINTUS 8:4

Su ola'u hatto u'anna anna apan buatte nionggola sasamba su paal᷊uanna, i ite masingkata manungku paal᷊uanna udde ere ola'u sambau apan tawe baddi'a. Wuṛṛu i ite masingkata lai manungku Ruata tumba'u sambau; tawe bal᷊ine.

YEHEZKIEL 34:2

“Ei taumata apan mattate, tagguete manga ratun Israel, wuṛṛu wal᷊oa'e apa apan i Ya'u, Mawu Apan Atanggaṛṛanne mabbisara si mangitou, ‘Nasilakate i yamiu, ei manga mallal᷊u'addu Israel. I yamiu tumba'u maṛṛingiddu hausannu watangannu sassane, wal᷊ine hausannu manga dombanu.

MATIUS 23:16

Nasilakate i yamiu manga piaṛṛangnge apan buta! I yamiu mangngaṛṛa'a ereindi, ‘Amungkangngu taumata massalu ringannu arannu Wal᷊e Mawu, taumata udde tawe aiitannu sasalune; arawe amungkangngu i tou nassalu ringannu arannu wul᷊awanna sulal᷊ummu Wal᷊e Mawu, i tou aiitannu sasalune udde.’

YEREMIA 23:32

I Ya'u, Mawu, sarun mando'appa manga nabi apan mammasingkattu manga wal᷊iawane apan napenen awusu. I mangitou mangngal᷊iwun uma-U ringannu awusu wuṛṛu wawahia mangitou. I Ya'u tawe nandolokku manga nabi udde. I mangitou mangke tawe gunane su uma-U. I Ya'u, Mawu, buatte nabbisara.”

ROMA 11:7

Nariaddi, ereapate? Walahanna Israel tawe naasomba apa apan radeaanni mangitou. Naasomba udde tumba'u sire pira taumata wuassu ammul᷊anna adio'a apan buatte nipilen Duata. Ingana'a waine sarangkanambone nabbal᷊i mal᷊awangnga su wawaggo Ruata.

YOHANES 12:40

‘I Ya'u mapaawuta mata mangitou, maola'a naungngi mangitou maatikka; tadea'u i mangitou tawe maasilo, ṛingiṛṛanni mangitou tawe maasunna. Tadea'u i mangitou tawe mabelengnga ringang-Ku, see I Ya'u mapaapia mangitou.’ ”

YOHANES 9:39

Mawu Yesus nabbisara, “I Ya'u nirumanta su runia indi, makkuungngu taumata; tadea'u taumata wuta wotongnge maasilo, wuṛṛu taumata ma'asilo, maola'a wuta.”

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

YEREMIA 22:1

Mawu nandolo'u inai watukku wal᷊en araratuannu ratun Yehuda, papapulunni Daud, iapapasingkattu tanata Mawu su ratu, wuṛṛu su manga mammanaran araratuanne, see tumana'u Yerusalem. Eteindi manga wisara Mawu si mangitou,

YESAYA 44:10

Tawe gunane mallanginnu paal᷊uanna iwoso wuṛṛu masubba si tou naola'a monganna!

YESAYA 29:10

Mawu na'ola'a si yamiu a'amatiil᷊anna wuṛṛu mattiilla mal᷊angnga. I Tou nanaappa mata manga nabi wuṛṛu nallindumma hati manga taṛṛa pasi'atta.

YESAYA 9:15

Manga piaṛṛa'u walahannu udde buatte nangal᷊iwu wuṛṛu nanongkakku tumana'u soa.

1 MARARATU 13:4

Sutempo i Yerobeam naaringikka manga wisara udde, i tou nanta'en nabi udde see nangintul᷊i, “Sametta taumata udde!” Arawe ta'iakki Yerobeam lapiddu nanottoga na'oman sara i tou tate maawol᷊engnga apia.

1 SAMUEL 2:31

Paddaringikka, manungku sarun dumanta tempone i Ya'u mamate taumata saṛṛen tumuwo sulal᷊ummu amonannu wuṛṛu ṛuangannu, na'oman sara tawe saran sangkatou esakka sulal᷊ummu amonannu uukke mal᷊o'engnga.

ZAKARIA 10:2

Manga taumata apan maddorongnga tantatiro su manga paal᷊uanna wuṛṛu manga manani'atta, arawe manga sasimbakka apan niasombanganni mangitou uddewe awusu wuṛṛu mangke tawe loṛṛone. Piaddu mannal᷊a'an bal᷊iawa,arawe tatal᷊a'an mangitou tumba'u mangal᷊iwun kamiu, wuṛṛu lal᷊uassa apan nionggolle tawe pangaratianne. Ana waugu udde tumanangnge nassal᷊iawukka ere domba. I mangitou massusa ana waugu tawe piaṛṛangnge.

ZAKARIA 11:15

Ana see Mawu nabbisarate si ya'u, “Pa'ola'e paassa apia ere ola'u i'o mallal᷊u'adda, arawe paassa indi ere sangkatou mallal᷊u'adda apan dal᷊eo.