ZAKARIA 11:10 - WUKE SUSI WATTI'U AL᷊AL᷊USASSA

¹⁰ Ana see ta'inna apan ta'u nisaggo “Aakkanna” udde ta'u nianu wuṛṛu ta'u nipaddi tadea'u ipanal᷊are paaire apan niola'u Mawu ringannu anambon balahanna.

ZAKARIA 11:10 Referans Kwoze

ZAKARIA 11:7

I ya'u, Zakaria, ana see nisewannu manga mabbawal᷊u'u domba tadea'u mallu'adda manga domba apan sarun ratanna. I ya'u pia darua ta'inna; iapa sambua ta'u nisaggo “Aakkanna” wuṛṛu iapa sambau lai “Nii'itta”. Wua'udde i ya'u mannattakke mandiaga wuṛṛu mammadul᷊i manga domba udde.

DARALO 89:39

Arawe orassa indi I'o nasa'u ratu, I'o nandamme wuṛṛu nanol᷊a'u taumata apan nipile-Nu.

YEREMIA 14:21

Naungete paaire-Nu, ariewe i yami heloan-Nu; pa'aire-Nu si yami ariewe tawe maola'a. Yerusalem tampa bal᷊en araratuan-Nu apan mawantuga, ariewe heloan-Nu.

LUKAS 21:32

Asingkatewe! Sarangkanambone udde sarun mariaddi tantal᷊anna manga taumata apan wiakka tempo indi taambe nate abbi.

HOSEA 1:9

Mawu nabbisara si ya'u, “Arannu anangngu saggoa'e udde ‘Wal᷊ine Uma-U’, ana waugu taumatan Israel wal᷊ine uma-U, wuṛṛu i Ya'u wal᷊ine Ruatan mangitou.”

DARALO 90:17

Oh Mawu Ruatan kami, al᷊amatewe i yami, tadea'u al᷊awo'u manaran kami pia gessine.

1 SAMUEL 2:30

I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.

DANIEL 9:26

Su panginsueannu tempo udde piaṛṛa'a nipilen Duata udde sarun pateanna, sumbal᷊i i tou tawe sal᷊ane. Ne nirumantate tantaran sangkatou ratu apan matohassa, ana see nakkimunsa'e soa Yerusalem see lai Wal᷊en Mawu. Panguddusannu tempo udde sarun rumanta manawangnga apan mangapiddu pangalo wuṛṛu araṛṛimunsa'a, ere buatte nitantunnu Ruata.

YEHEZKIEL 24:21

iapapasingkattu tanata indi si yamiu: I yamiu mammungan atatohassu Wal᷊e Mawu. I yamiu apulune ma'ellega wuṛṛu inai isudde, arawe Mawu sarun mandal᷊eo Wal᷊en-Ne. Wuṛṛu lal᷊oṛṛon amonannu apan ta'e dario'a, apan uatana'a su Yerusalem, sarun pateanna sulal᷊ummu pangalo.

DARALO 50:2

Wuassu Sion, soa apan aṛṛamahanne, Ruata nirumanta ringannu asasemakka.

REENGANNA 14:34

I yamiu sarun mamasanna manga rosanu, appatu pul᷊o su tonnane al᷊annune; santonna ireengnga allo massallo wuassu appatu pul᷊o su allone apan ipappaatti yamiu ipamarikissa leta'a udde. I yamiu sarun maasingkatta erapa olangnge amungkangngu i Ya'u lumawangnga si yamiu!