ZAKARIA 10:12 - WUKE SUSI WATTI'U AL᷊AL᷊USASSA

¹² I Ya'u sarun manohassa uma-U, i mangitou sarun matuṛṛutta wuṛṛu mattaṛṛamawu si Ya'u. I Ya'u, Mawu, buatte nabbisara.”

ZAKARIA 10:12 Referans Kwoze

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

ZAKARIA 10:6

“Tumana'u Yehuda sarun Ta'u tohasanna, umattu Israel sarun Ta'u iapaasal᷊amatta. Ta'u iapidda i mangitou mabbelengnga watukku wanuane ana waugu i Ya'u marangngu si mangitou. I mangitou sarun Ta'u olaanna ere walahanna apan tawe Ta'u niawusuanna. Ete i Ya'u Mawu Ruata mangitou, al᷊awo'u rosane sarun Ta'u ellehanna apia.

YESAYA 2:5

Ei, papapulunni Yakub, wette i ite umamatte sulal᷊ummu asasemakku Mawu!

2 TIMOTIUS 2:1

Timotius, ana'u! Ṛinone i'o mabbal᷊i matohassa ana waugu al᷊amatta apan nionggolla si ite, ana waugu i ite uaaukka ringanni Kristus Yesus.

MIKHA 4:5

Suapan walahanna su wowon dunia massubba wuṛṛu tuttuṛṛutta su monganne sassane. Arawe i ite sarun tumuṛṛutta su Mawu Ruatan kite wuṛṛu massubba si Tou saran mal᷊annu-l᷊annu.

KOLOSE 3:17

Al᷊awo'u apa apan a'olaanni yamiu ara'e sulal᷊ummu wisara, ṛinone udde olaanna wuṛṛu iwisara sulal᷊ummu arannu Mawu Yesus. Aal᷊iomante su Ruata Iamangnga ana waugu inolaannu Mawu Yesus si yamiu.

KOLOSE 2:6

Manga tuṛṛangnga suete nanengkamma si Kristus Yesus maola'a Mawu. Ana waugu udde ṛinone i yamiu mabbiakka su sambau ringanni Tou,

FILIPI 4:13

Ringannu taṛṛino apan nionggoli Kristus si ya'u, i ya'u pia atatohassa sumaruanna al᷊awo'u asasusa sarangkanambone.

YESAYA 45:24

Manga taumata sarun mabbisara, ‘Atatul᷊idda wuṛṛu atatohassa tumba'u wuassu Mawu!’ Anambon taumata apan maddanting-Ku sarun rumanta ringang-Ku wuṛṛu pansilianna.

PANDARIADDI 24:40

Ana see i tou sinumimbakka, ‘Mawu apan sidutu tattuṛṛutangku, sarun mandolokku mala'ekan-Ne iapatul᷊ungnga tadea'u manaranu pia gessine. I'o sarun maasangkalla awingngu ana'u wuassu wallatu ṛuangangku sassane, eteudde wuassu ana'u tuṛṛangngu iamangku.

EFESUS 6:10

Pangudusanne, ṛinone i yamiu maola'a matohassa ringannu atatohassa apan niasombanganni yamiu wuassu Mawu, ana waugu i yamiu uaaukka ringanni Tou.

ZAKARIA 12:5

Wua'udde manga amonannu Yehuda sarun mabbisara sulal᷊ummu naungnga, “Ete Mawu Apan Lembontaṛṛino apan nangonggollu atatohassa su uman-Ne apan uatana'a su Yerusalem.”

PANDARIADDI 5:24

Ana waugu i Henokh sidutu mabbiaka maranin Duata, i tou nawul᷊i nial᷊appu Ruata.

1 TESALONIKA 4:1

Panginsueanne manga tuṛṛangnga, i yami suete nanul᷊ada si yamiu su ola'u ereapa i yamiu ṛinone mabbiakka malluassa naungngu Ruata. Atonna i yamiu suete nabbiakka ereudde. Arawe orassa indi sulal᷊ummu taṛṛinon Mawu Yesus, i yami sumal᷊ande si yamiu wuṛṛu mamata'i yamiu tadea'u i yamiu lembon maddea'a lai olangnge udde!

1 TESALONIKA 2:12

I yami mannantiro si yamiu, i yami mangngonggolu sasasa si yamiu wuṛṛu i yami mammata'a tadea'u i yamiu mabbiakka aroddi olangnge ma'oman sara maal᷊uassa naungngu Ruata. Ana waugu Ruata suete namaggo si yamiu maola'a lal᷊oṛṛon Dunia Wakkun Duata wuṛṛu mamendamma awawantu-Ge.

YEHEZKIEL 30:24

Ana see Ta'u tohassanna ta'iakku ratun Babel, wuṛṛu Ta'u iaddo hel᷊ele-U su limane. Arawe ta'iakku ratu Mesir sarun Ta'u paddianna ma'oman sara i tou sumal᷊iomanna wuṛṛu mate su saruannu ratun Babel, seenne.