ZAKARIA 10:11 - WUKE SUSI WATTI'U AL᷊AL᷊USASSA

¹¹ Napawe i mangitou tumumbe tahal᷊oangngu asasusa, i Ya'u, Mawu sarun mamuulla manga lua'a; ne ṛanassu Sal᷊ukku Nil mabbali mamara-mara. Walahannu Asyur apan mawunga sarun iapawawo, wuṛṛu Mesir apan matohassa sarun iapawul᷊i taṛṛinone.

ZAKARIA 10:11 Referans Kwoze

YEHEZKIEL 30:13

Mawu Apan Atanggaṛṛanne nabbisara, “I Ya'u sarun makkimunsa'a manga paal᷊uanna wuṛṛu manga monganna su Memfis. Tate lai ratu su Mesir. Anambon tumanangne sarun Ta'u olaanna matta'utta.

YESAYA 43:2

Napawe i'o mamare ua'e, i Ya'u sarun uaṛundinganna si'o, i'o tawe mawontolla sulal᷊ummu manga asasusanu. Napawe umamatta su putungnga, i'o tawe mal᷊oso, manga wawono'a mawakkatta tawe maasilaka si'o.

SONDAPPA 16:12

Napawe wua'udde mala'ekatta aiannume nallal᷊innu lal᷊oṛṛon cawanne watukku Sal᷊ukku Efrat apan wahewalla udde. Ne sal᷊ukka udde namara na'oman sara manga ratu wuassu samba'an ra'i wotongnge sumabbi umamatta.

ZEFANYA 2:13

Wua'udde Mawu sarun mappaattu taṛṛino-Ne ipakkimunsa'a Asyur. Soa Niniwe sarun olaanna mal᷊annabba wuṛṛu wadda'a apan lol᷊okka.

YESAYA 51:10

I'o lai apan napaamaran tahal᷊oangnga, ua'en laudda apan mal᷊al᷊umma. I'o na'ola'a lal᷊anna malliu ua'e udde, tadea'u manga taumata apan iapasal᷊amatta wotongnge tumumbe.

YESAYA 14:25

Taumatan Asyur su Israel wanua-U, sarun Ta'u pateanna, wuṛṛu apan uatana'a su manga wowone sarun Ta'u ṛindanna. I Ya'u sarun mamallossu pabbawala-U wuassu patataṛṛuallanga wuṛṛu wuassu winabbawa apan iwabbata'i mangitou ṛatangannu taumatan Asyur.

DARALO 114:5

Pia apa, ei tahal᷊oanga, na'oman sara i'o tinumal᷊anga, wuṛṛu Sal᷊ukku Yordan nattaalla nangelekka?

DARALO 114:3

Tahal᷊oangngu Gelagah naasilo si Tou ana see tinumal᷊angnga, Sal᷊ukku Yordan nattaalla mangngelekka.

EZRA 6:22

Pitu allo al᷊annune i mangitou ringannu lullala'a mallagu Ramean Roti Tawe Ragine. I mangitou lembon lulluassa ana waugu Mawu buatte na'ola'a ratun Asyur mapia naungnge si mangitou na'oman sara nassumbala si mangitou sulal᷊ummu manara napararisikku apia Wal᷊en Mawu, Ruatan Israel.

2 MARARATU 2:14

ana see juban Elia udde niwal᷊atta su ua'e lapiddu nabbisara, “Suapate Mawu, Ruatan Elia udde?” Napawe i tou buatte namal᷊attu juba su ua'en sal᷊ukka udde, ua'e udde natahia darua wuṛṛu i tou niumamatte su samba'a.

2 MARARATU 2:8

I Elia namallossu jubane, ana see nilul᷊unna wuṛṛu niwal᷊atta su ua'en sal᷊ukka udde. Ne ua'en sal᷊ukka udde natahia darua, na'oman sara itaruan Elisa wotongnge naamatta su mamaranne.

YESAYA 51:9

Darisikke oh Mawu, ontol᷊ete i yami, papaasal᷊amata'awe i yami ringannu taṛṛino-Nu. Darisikke ere sutempo dorone sutempo I'o nakkimunsa'a si Rahab wuṛṛu nangusu'a nagan tahal᷊oangnga udde na'oman sara nate.

PANDARIADDI 8:1

Ruata tawe maabul᷊in Nuh wuṛṛu al᷊awo'u winatangnga su sampunna ringanni tou sulal᷊ummu apalla udde. Ruata napatiuppu anginna, na'oman sara ua'e udde mannatakke u'eṛṛotta.

YESAYA 19:16

Sarun a'omanna tempone walahannu Mesir maola'a ere wawine apan matal᷊o wuṛṛu matta'utta. I mangitou mangngiladdu atata'utta maasilo Mawu Apan Lembontaṛṛino mamatten lima-Ne makkuumanni mangitou.

YESAYA 44:27

Ete i Ya'u nabbisara su wantan tahal᷊oangnga: Asahatte! Ya'u maapulu mapaamara manga sal᷊ukki yamiu.