ZAKARIA 1:16 - WUKE SUSI WATTI'U AL᷊AL᷊USASSA

¹⁶ Orassa indi i Ya'u mabbelengke su Yerusalem tadea'u mangonggollu pangangampunga su soa udde. Wal᷊e-U sarun iapararisikka apia wuṛṛu soan Yerusalem sarun isul᷊e apia.”

ZAKARIA 1:16 Referans Kwoze

ZAKARIA 8:3

I Ya'u sarun mabbelengnga su Yerusalem, soa-Ku apan susi udde. Yerusalem sarun tumelengnga sambau soa apan satia, wuṛṛu wuiddu Mawu Apan Lembontaṛṛino sarun isaggo Wuidda susi.

ZAKARIA 4:9

Wisara-Ne, “I Zerubabel buatte nangaddon rapappakku Wal᷊e-U, wuṛṛu i tou sarun manginsue ahewallu wal᷊en udde. Napawe udde mariaddi, uma-U sarun maasingkatta manungku ete i Ya'u apan nandolokku Zakaria ringanni mangitou.

YEHEZKIEL 47:3

Lapiddu mangnguukka ringannu ta'innu auukke, esakka udde nangapi'u nanantuṛṛutta pangangeleṛṛannu sal᷊ukka udde watukku ra'i araune 500 metere, see nandolo'u tinumumbe. Sutampa udde al᷊al᷊ummu ua'ene tumba'u sara ambul᷊al᷊u.

YEHEZKIEL 40:3

I ya'u niapiddu Mawu isudde wuṛṛu niasiloangku sangkatou esakka apan lullendappa ere witu'a uarisikka marani ngara wahewalla. I tou uaagassa tal᷊i auukka wuassu linen see lai alu auukka.

AYUB 38:5

Isaite apan manantunnu ahewallu runia? Isaite namataddu tal᷊i pinanguukka si tou? I'o masingkattu sasimbakke?

HAGAI 1:14

Etearoddi Mawu nangal᷊oren naungngu Gubernure Zerubabel, Imam Bahewa Yosua see anambon taumata apan buatte nabbelengnga wuassu pamamuanganna, tadea'u i mangitou sarangkanambone mammanara mabbangunna Wal᷊en Mawu Apan Lembontaṛṛino, Ruatan mangitou.

YEHEZKIEL 48:35

Ahewallu darandunga udde al᷊o'engnge si'o kilometere. Wuṛṛu manatakka orassa indi taumata nanagon soa udde: “PIA Mawu ISUDDE!”

YESAYA 34:11

Manu'a tamingnga wuṛṛu landak sarun mamanua isudde, mammeo wuṛṛu gagak sarun matana'a poiaroddi. Mawu sarun ma'ola'a leta'a udde al᷊iba'ukka wuṛṛu tawe loṛṛone ere taambe niriaddi paarorone.

YESAYA 12:1

Sarun dumanta tempone i yamiu mangantari: “Mawu, i ya'u ma'adiangkamanna Si'o, ana waugu I'o nalluassa si ya'u. Dorone I'o massa'u si ya'u, arawe orassa indi nompo'e asasa'u-Nu.

ZAKARIA 2:4

Mala'ekatta paarorone nabbisara su mala'ekatta aruane, “Roote paal᷊ihakka ringannu umbasanna udde, wuṛṛu wal᷊oa'a si tou manungku Yerusalem sarun masaddattu taumata wuṛṛu winatangnga papadul᷊iananna na'oman sara tawe mariaddi olaanna darandungnga ipamaliwutta.

ZAKARIA 10:6

“Tumana'u Yehuda sarun Ta'u tohasanna, umattu Israel sarun Ta'u iapaasal᷊amatta. Ta'u iapidda i mangitou mabbelengnga watukku wanuane ana waugu i Ya'u marangngu si mangitou. I mangitou sarun Ta'u olaanna ere walahanna apan tawe Ta'u niawusuanna. Ete i Ya'u Mawu Ruata mangitou, al᷊awo'u rosane sarun Ta'u ellehanna apia.

YEREMIA 30:18

Mawu nabbisara apia: “I yamiu, uma-U sarun Ta'u iakkanna wuṛṛu Ta'u isul᷊e olangnge su wanuanu sassane. Yerusalem sarun iapararisikka apia, wuṛṛu wal᷊en araratuanne apianna.

ZAKARIA 2:5

Mawu buatte naddiandi manungku i Tou sassane sarun maola'a darandungnga putungnga apan uapal᷊iwutta soa udde tadea'u mallu'adda wuṛṛu i Tou sarun matana'a poiaroddi sulal᷊ummu al᷊awo'u taṛṛino wuṛṛu awawantu-Ne.”

ZAKARIA 2:6

Mawu nabbisara su uman-Ne, “I Ya'u buatte nanal᷊iawukki yamiu su al᷊awo'u pappi'uanne. Arawe orassa indi ei manga taumata niwuangnga, tal᷊angke wuassu Babel wuṛṛu pabbelengke su Yerusalem.