ZAKARIA 1:15 - WUKE SUSI WATTI'U AL᷊AL᷊USASSA

¹⁵ Arawe i Ya'u tuminiten massa'u su manga walahanna apan uapendamma mal᷊annabba wuṛṛu matammudda. Ana waugu sutempo i Ya'u naṛṛaddannu asasa'u-U su uma-U, manga walahanna udde mannamba asasusan uma-U.

ZAKARIA 1:15 Referans Kwoze

YEREMIA 51:24

Mawu nabbisara, “Pa'ellete ringannu matanu sassane erepa i Ya'u orassa indi mabbal᷊issa Babel wuṛṛu tumanangnge al᷊awo'u al᷊al᷊eo apan niola'i mangitou su Yerusalem.

YESAYA 54:8

Tumba'u tal᷊angkadio'a i Ya'u manantangngu ana waugu asasa'u-U apan bahewalla. Arawe ringannu darangngu tutune i Ya'u mandangngu si'o.” Ete aroddi wisaran Duata Mananal᷊amannu.

ZAKARIA 1:11

Anambon awal᷊o udde nangalae su mala'ekatta, “I yami buatte namal᷊intaddu ahewallu runia, inauranna runia indi mal᷊annabba wuṛṛu matammudda.”

ZAKARIA 1:2

Mawu namarenta si ya'u tadea'u mabbisara arendi su uman-Ne, “Sutempo nanangkal᷊iu i Ya'u, Mawu Apan Lembontaṛṛino, tumaniten nasa'u su iupungngu al᷊amonanu.

DARALO 69:26

Wala'e paddasananni mangitou mal᷊annaba, wuṛṛu manga rasanni mangitou taweddu matana'a.

AMOS 6:1

Nasilakate i yamiu apan mabbiakka matemangnga su Sion, wuṛṛu i yamiu apan uapendamma mal᷊angnganna su Samaria – i yamiu ei manga matatimmaddu walahannu Israel apan apianne indi, i yamiu apan inanaramanne raddantannu tumanangnge paddoronganna tul᷊unganna!

YEHEZKIEL 26:2

“Ei taumata apan mattate, tumana'u Tirus buatte naggio lapiddu mabbisara, ‘Yerusalem naṛṛimunsa'e! Auatanne sulal᷊ummu madagangnga nawul᷊ite! I tou tate maola'a ro'appi ite lai!’ ”

DARALO 137:7

Oh Mawu, naungewe inolaannu taumatan Edom sutempo Yerusalem nihohakka. I mangitou nabbisara, “Ṛaa'e, ṛaa'e maddatingngu manga rapappakke!”

DARALO 123:4

Wotongngete i yami aal᷊uandahannu taumata ala, wuṛṛu aadio'annu manga taumata mawunga.

ZAKARIA 6:8

Wua'udde mala'ekatta udde nabbisara si ya'u, “Awal᷊o apan inai watukku Babel udde buatte napa'ompo'u asasa'u Mawu.”

AYUB 30:13

I mangitou namal᷊aatta lal᷊angku tadea'u ipamate si ya'u; tawe saran sangkatou apan nanal᷊are sutempo i mangitou mammangalo.

YEREMIA 30:16

Arawe orassa indi sarangakanambone apan nangaluppa si'o sarun allupanna, wuṛṛu anambon seennu sarun ṛootanna su pamuanganna. I Ya'u sarun mangallanga iangana'a apan nangallanga si yamiu, i Ya'u sarun mangaṛṛo si sai apan nangaṛṛo si yamiu.

YEREMIA 50:33

Mawu Apan Lembontaṛṛino nabbisara, “Taumatan Israel wuṛṛu taumatan Yehuda ua'ol᷊obba. Sarangkanambone apan nanawanna si mangitou uariagga si mangitou matoha-tohassa wuṛṛu mangke tawe mamallossi mangitou.

HABAKUK 3:12

Ringannu mammasaga I'o mammal᷊intadu runia; manga walahanna ringannu niṛṛinda-Nu ana waugu al᷊al᷊oson naungnga.

ZAKARIA 14:12

Mawu sarun mandantan al᷊aṛṛusa'itta apan maata'utta su anambon balahanna apan buatte napapangalo nando'appa Yerusalem. Mata wuṛṛu lila mangitou, ewe'e lai ahewallu watanganni mangitou sarun mawukku'a tantal᷊anna i mangitou ta'e wiakka.