YUNUS 4:3 - WUKE SUSI WATTI'U AL᷊AL᷊USASSA

³ Orassa indi, oh Mawu, wala'ewe i ya'u mate, ana waugu mappianne i ya'u mate wuassu wiakka.”

YUNUS 4:3 Referans Kwoze

1 MARARATU 19:4

ana see niumamatta watukku wadda'a lol᷊okka al᷊annune allo massallo wuṛṛu nangillol᷊o su sambau punnu alu apan masindumunna. Isudde i tou inuma'ianna wuṛṛu pendamanna i tou mappul᷊ute nate. “I ya'u tate maataṛṛangnga lai, Mawu,” wisarane su Mawu. “Alape niawa'u. I ya'u tawe mapianne wuassu al᷊amona'u!”

MANNANASE 7:1

Aranna mawangngi mappianne wuassu lana maaregga; wuṛṛu allon papate mappianne wuassu allo niariaddianna.

REENGANNA 11:15

Amungkangngu Mawu sidutu ma'ola'a si ya'u arendi, akkanaawe i ya'u; mappianne mamate si ya'u ringannu mal᷊ihakka tadea'u i ya'u tate lai mamasanna asasusa indi.”

YUNUS 4:8

Napawe matannallo sinumabbangke, Ruata nandantan anginna mal᷊oso apan nattiuppa wuassu ra'i. Yunus maraniten napinsanna ana waugu niaṛṛinoannu samakku matannallo apan ereola'u mannutungnga puane. I tou tate ṛingidda wuṛṛu mappulute mate. Wisarane, “Mappianne i ya'u mate sul᷊ungnge wiakka!”

REENGANNA 20:3

apiddu sussamboṛṛe, “Mappianne addonganne yami mate su saruannu Mawu suadio'a ringannu manga tuṛṛangngi yami!

1 KORINTUS 9:15

Arawe taambe saran paassa i ya'u nappaattu manga taṛṛino udde. Wuṛṛu i ya'u namoṛṛettu suratta indi wal᷊inewe lai ringannu pandumanna tadea'u manga taṛṛino udde olaanna orassa indi si ya'u. Mappianne i ya'u mate, sul᷊ungnge'e i ya'u awul᷊iannu inolaanna apan ilallala'u udde.

YEREMIA 8:3

Ne manga taumata apan ta'e wiakka wuassu walahanna apan dal᷊eo indi apan buatte Ta'u nisal᷊iawukka su al᷊awo'u tampa sarun mappulun mate wuassu mabbiakka. I Ya'u, Mawu Apan Lembontaṛṛino, buatte nabbisara.”

YUNUS 4:4

Sasimbakku Mawu, “I'o tawe pinangiananne mabbal᷊i masa'u aroddi.”

MANNANASE 7:9

Arie tumaniten mal᷊ihakka mandona; tumba'u taumata woddo apan mangngune.