YUNUS 1:17 - WUKE SUSI WATTI'U AL᷊AL᷊USASSA

¹⁷ Tantal᷊anna udde Mawu napaarantan sambau inassa apan masallakka apan mangalluppa si Yunus. Ne Yunus natana'e sulal᷊ummu tiannu inassa udde tallu allo tallu ṛabbi al᷊annune.

YUNUS 1:17 Referans Kwoze

MATIUS 12:40

I Yunus uatana'a tallu allo tallu ṛabbi sulal᷊ummu tiannu inassa masallaka. Aroddi lai Ana'u Taumata sarun matana'a tallu allo tallu ṛabbi sulal᷊ummu tiannu runia.

LUKAS 11:30

Su ereapa i Nabi Yunus na'ola'a al᷊aṛṛindu'a su taumatan soa Niniwe, aroddi lai Ana'u Taumata sarun ma'ola'a sambau al᷊aṛṛindu'a su manga taumata tempon indi.

MATIUS 16:4

“Tumaniten dal᷊eo manga taumata tempo indi. I yamiu maddorongnga i Ya'u ma'ola'a al᷊aṛṛindu'a. I yamiu tawe onggol᷊anna saran sambau al᷊aṛṛindu'a, tumba'u al᷊aṛṛindu'i Nabi Yunus.” Napawe suete nabbisara aroddi, Mawu Yesus nanantangke mangitou, see napul᷊ete.

HABAKUK 3:2

I ya'u naaringikka su ola'u inolaan-Nu, ne apendamma mal᷊angnganna namene naungku. Antimanna inolaanna wahewalla udde isule-Nu apia wuṛṛu iapal᷊iattang-Ngu sutempon kami indi. Ṛinone I'o umakkanni yami salaiwe naung-Ngu mal᷊oso.

YUNUS 4:6

Ne Mawu Ruata napaatuwon sambau sasuanna tuttundo apan nassirungnga si Yunus na'oman sara i tou naapendamma mal᷊uassa. Atonna, Yunus mal᷊uassa ringannu sinuananna udde.

PANDARIADDI 1:21

Ne, Ruata nandiadite manga winatangnga wawallu tahal᷊oangnga, wuṛṛu al᷊awo'u hatin arariadianna apan mabbiakka sulal᷊ummu ua'e, see lai al᷊awo'u hatin manu'u arnalanganna. Ruata mal᷊uassa ma'ellega olangnge udde.

YUNUS 2:10

Wua'udde, wuassu parentan Mawu, inassa udde nalluan Yunus su ammaranne.