YUDAS 1:24 - WUKE SUSI WATTI'U AL᷊AL᷊USASSA

²⁴ Ruata, apan wotongnge mallu'adda si yamiu ana see tawe manawo, wuṛṛu wotongnge mangapiddu su araratuan-Ne apan mawantuga ringannu al᷊al᷊uassa apan tawe urangnge,

YUDAS 1:24 Referans Kwoze

2 TIMOTIUS 4:18

Wuṛṛu i ya'u napallose wuassu papate. Atonna Ruata sarun mamallosa wuassu al᷊awo'u pandumma apan lal᷊eo su riri'u. I Tou sarun mangapi'u ringannu sal᷊amatta sulal᷊ummu araratuan-Ne su surga. Ṛinone i Tou wantuhanna saran mal᷊annu-l᷊annu! Amin.

EFESUS 3:20

Ringannu taṛṛinon Duata apan maṛṛimadda mammanara sulal᷊ummu naungngi ite, Ruata wotongnge ma'ola'a mannamboanne wuassu apa apan wotongnge doronganni ite ara'e iraṛṛingiddi ite.

KOLOSE 1:22

Arawe orassa indi, ringannu papaten Anang-Nge, Ruata na'ola'a paa'aukki yamiu ringanni Tou maola'a mapia apia. Ringannu olangnge udde i yamiu wotongnge iapidda sumaruanna Ruata sulal᷊ummu asasuungnga, atatul᷊idda wuṛṛu tawe sal᷊ane.

EFESUS 5:27

Ringannu aroddi Kristus napararisikku jamaatta udde ringannu mawantuga wuṛṛu na'ukkassa su saruan-Ne, ringannu tawe sangkule ara'e angngone.

2 KORINTUS 4:14

I yami pia antimma manungku Ruata apan buatte napaawiakku Mawu Yesus, sarun mapaawiakki yami lai ringannu Mawu Yesus, wuṛṛu mangapiddi yamiu wuṛṛu i yami su saruan-Ne.

SONDAPPA 14:5

Tawe saran paassa i mangitou mangawusu; wuṛṛu i mangitou tawe anggone saran adio'a.

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

1 PETRUS 4:13

Ewe'e ṛinone i yamiu mamendama al᷊al᷊uassa ana waugu uatataṛṛanga suaddio'a ringanni Kristus. Ne napawe awawantugi Kristus niapaal᷊iatta'a, i yamiu sarun lumuassa.

2 KORINTUS 11:2

I ya'u luṛṛintulunu, ere Ruata sassane lai luṛṛintulun kamiu. I yamiu ere sangkatou maṛṛuala apan ta'e susi wuṛṛu buatte nipa'ire'u iapaawingngu sangkatou umbasanna, eteudde Kristus.

2 KORINTUS 4:17

Wuṛṛu asasusa apan tawe tumaniten mawakkata indi, apan tumba'u papendamanni yami tal᷊an kadio'a, sarun mangonggolu hessine si yami sambau al᷊al᷊uassa apan wahewalla wuṛṛu tawe pangudusanne. Al᷊al᷊uassa udde maggewal᷊anna marau amungkangngu isul᷊ungngu asasusa udde sassane.

MATIUS 5:12

Manga nabi apan nabbiakka su tempo i yamiu taambe su runia, nisansara lai ereudde. Luasse wuṛṛu lala'e, ana waugu lal᷊antakke manambonisaddia Mawu si yamiu.”

ROMA 14:4

Isai tuṛṛangnga, na'oman sara tuṛṛangnga mamarikissa allangngu taumata waine? Mawae ete allangnga udde nema'a ara'e dirumarisikka, udde singkaten mawune. Wuṛṛu atonna allangnga udde sarun dumarisikka matul᷊ida, ana waugu Mawu wotongnge mapararisikki tou matul᷊ida.

DARALO 21:6

Ana waugu tul᷊ungannu Mawu i tou nabbal᷊i aadatanna, I'o na'ola'a si tou tinumelengnga wuṛṛu mawantuga.

YUDAS 1:21

wuṛṛu pabbiakke siddutu sulal᷊ummu darangngun Ruata tantal᷊anna i yamiu ual᷊aṛṛaddo al᷊amatti Yesus Kristus Mawun kite, apan sarun mangongogolu wiakka tutune wuṛṛu saran mal᷊annu-l᷊annu si yamiu.

KOLOSE 3:4

Ne, punnu wiakku apan tutune eteudde Kristus wuṛṛu napawe i Tou asiloanna, ne i yamiu lai sarun rumanta suadio'a ringanni Tou sulal᷊ummu atatulide!

KOLOSE 1:28

Eteudde Kristus apan iwabbatti'i yami su anambon taumata. I yami mapaanaungnga wuṛṛu mangngaṛṛa'a si mangitou sarangkanambone ringannu al᷊awo'u apande. Tuddan kami eteudde tadea'u suapan taumata wotongnge iapidda ringannu Ruata, ere sangkatou taumata apan nahurangke su pangangimanna, ana waugu suete naaukka ringanni Kristus.

LUKAS 9:26

Amungkangngu taumata massili manga'u si Ya'u wuṛṛu al᷊ara'u, Ana'u Taumata lai massili manga'u taumata udde su tempo i Tou rumanta apia ringannu taṛṛino-Ne, wuṛṛu ringannu taṛṛinon Iamangnga wuṛṛu taṛṛino mala'ekatta apan susi!

MATIUS 25:31

“Napawe Ana'u Taumata rumanta ere sangkatou ratu tatantalongannu anambo mala'ekan-Ne, i Tou sarun uma'ianna su adderan araratuanna apan mawantuga.

MATIUS 19:28

Mawu Yesus nabbisara si mangitou, “Pangimante: Su Runia apan Bakku, Ana'u Taumata sarun uma'ianna su adderan araratuanna apan mawantuga. Su tempo udde i yamiu mallal᷊aṛṛenggeng-Ku sarun uma'ianna su mapul᷊o dua adderan araratuanna wuṛṛu makkuungnga mapul᷊o dua walahannu Israel.

DARALO 43:4

Ne i ya'u sarun mattudan mezbah Duata, sumaruanna Ruata punnu al᷊al᷊ua'u. I ya'u sarun mangantari wuṛṛu mannalanga kecapi, ipaddalo Si'o, oh Ruata, Ruata'u.

YAKOBUS 2:10

Taumata apan nilumawanga sambau wuassu wallatu manga tita Ruata, udde atappasanne nilumawangnga sarangkanambone.

2 PETRUS 1:10

Ana waugu udde, manga tuṛṛangnga, pattinsahade lembon maṛṛimadda tadea'u bawago Duata wuṛṛu pamamile-Ne su ririnu udde maola'a lembon matohassa. Amungkangu i yamiu ma'ola'a udde, i yamiu tawe sumoṛṛotta wuassu pangangimannu.

IMAMATTA 14:11

Ana see imam ṛinone mangapiddi tou suadio'a ringannu sasambane udde su saruannu ngaran Dasanna Mawu.