YOSUA 9:10 - WUKE SUSI WATTI'U AL᷊AL᷊USASSA

¹⁰ wuṛṛu su ola'u apa apan niolange su saruannu ruan katou ratun Amori su samba'an da'in Yordan eteudde i Sihon ratun Hesybon wuṛṛu i Og ratun Basan apan uatana'a su Asytarot.

YOSUA 9:10 Referans Kwoze

YOSUA 12:4

Ratu waine apan mawaddon taumatan Israel eteudde i Ratu Og wuassu wanua Basan, apan uatana'a su Asytarot wuṛṛu Edrei. I tou suwallatu sangkatou apan nallambe wuassu walahannu Refaim.

TAHIUL᷊E 2:30

Arawe i Ratu Sihon tawe namalan kite sumabbi wanuane udde. Mawu Ruatanu napa'aattiku naungnge wuṛṛu mappandumma tadea'u i ite wotongnge mamaddon i tou. Wageangngu letangnge ta'e datanaanni ite naddatingngu orassa indi.

TAHIUL᷊E 1:4

Udde nariaddi napawe i Musa mamaddon Sihon, ratun taumatan Amori, apan uaparenta su soa Hesybon, wuṛṛu Og, ratun Basan, apan uaparenta su manga soa Asytarot wuṛṛu Edrei.

1 TAWARIKH 6:71

Manga amonannu ṛuanganni Gerson naasomba tahia manga ampungnga manansunna indi ringannu manga wadda'u nannal᷊o maranine: Su wageangngu leta'u ṛuanganni Manasye, samba'an timukku Sal᷊ukku Yordan: Golan su Basan wuṛṛu Asytarot.

PANDARIADDI 14:5

Su tonna appul᷊one appata, Kedorlaomer wuṛṛu manga hawene nirumanta ringannu tantara mangitou wuṛṛu napaarugin taumatan Refaim su Asyterot-Karnaim, taumatan Zuzim su Ham, taumatan Emim su Syawe-Kiryataim,

REENGANNA 20:14

Wua'udde wuassu Kades, i Musa nandolokku manga daroloṛṛanna niapasaruanna ratun Edom. Unni mangitou, “Yami wuassu manga ṛuangannu Israel apan ta'e pia pa'aaukku tuṛṛangnga ringanni Tuangku. I Tuangnga asinungka masingkatu asasusa apan naṛṛia'a si yami.

YOSUA 2:9

wuṛṛu nabbisara sitarua, “I ya'u masingkatta Mawu buatte nangonggolu wanua indi si yamiu. Anambon taumata isindi matta'utti yamiu.

YOSUA 9:9

I mangitou sinumimbakka, “Yami nirumanta wuassu wanua apan marau atonna, Tuanga, ana waugu yami naaringikka su ola'u Mawu Ruata apan sasubbannu manga Tuanga. Yami naaringikka anambon inolaanne su Mesir,

YOSUA 9:11

Manga piaṛṛange wuṛṛu anambon tumana'u wanuan kami nanaddia wal᷊unni yami inawarea maisasomba manga Tuanga, wuṛṛu mamasingkatta manungku yami masuṛṛubawa su manga Tuanga. Ana waugu udde, yami sumal᷊ande asasaṛṛionto'u naungngu manga Tuanga tadea'u ma'ola'a pa'aire ringanni yami.

YOSUA 13:31

Wua'udde nasutta lai samba'a wuassu leta'u Gilead, see Asytarot wuṛṛu Edrei, darua inangngu soa wageangngu leta'a paparentanni Ratu Og su Basan. Ahewallu leta'a udde nionggola su sambageanganna wuassu ṛuanganna papapulunni Makhir, ana'i Manasye.

YOSUA 2:10

Yami buatte naaringkka watti'a su ola'u ereapa Mawu napaamaran Tahal᷊oangngu Gelagah su saruanni yamiu, su tempo i yamiu nanantangngu Mesir. Yami lai naaringikke ereapa i yamiu namate si Sihon wuṛṛu si Og, ratun balahannu Amori udde su samba'an da'in Sal᷊ukku Yordan.