YOSUA 8:18 - WUKE SUSI WATTI'U AL᷊AL᷊USASSA

¹⁸ Wua'udde Mawu nabbisara si Yosua, “Wattea'e tambakku wuṛṛu timmona'e watukku Ai; soa udde Ta'u itantilla orassa indi si yamiu.” I Yosua tinumuṛṛute parenta Mawu udde.

YOSUA 8:18 Referans Kwoze

AYUB 15:25

Etearoddi pal᷊addu taumata apan lullawangnga Ruata, wuṛṛu waṛṛani lumawangnga Apan Lembontaṛṛino.

AYUB 39:23

Ahidda apan papasannannu sumasa'ene uahal᷊egeṛṛanna wuṛṛu lullendappa aṛṛinoannu semakka.

1 SAMUEL 17:45

Arawe i Daud sinumimbakka, “I'o rumanta mando'appa si ya'u ringannu hal᷊ele, sambeangnga wuṛṛu wangkao, arawe ya'u rumanta mando'appa si'o ringannu arannu Mawu Apan Lembontaṛṛino, Ruatan tantaran Israel apan aal᷊uandahannu udde.

1 SAMUEL 17:41

Manga pira tempo wua'udde i Goliat apan niliuṛṛo roannu mangangapiddu allungnga, niumamatte mangundanin Daud.

1 SAMUEL 17:6

Leddane lai lal᷊indumannu papi'unna ledda wuassu witua.

YOSUA 8:7

Su tempo udde ṛinone i yamiu sumabbanga wuassu tampa pa'imbuniannu, wuṛṛu mangaṛṛo soa udde. Mawu Ruatanu sarun manantilla si yamiu.

SASABANGNGA 14:16

Wattea'a ta'innu su wowon tahal᷊oangnga. Ne ua'e sarun matahia darua wuṛṛu taumatan Israel wotongnge lumewessa tahal᷊oangnga ringannu umamatta su wantane apan namarate.

SASABANGNGA 8:5

Mawu nabbisara si Musa, “Doloṛṛa'e i Harun mamal᷊aattu ta'inne su manga sal᷊ukka, manga enggesanne wuṛṛu manga li'u tadea'u manga aakka sumapputta wuṛṛu mamene leta'u Mesir.”

YOSUA 8:17

Anambon taumata su Ai nampassabanga nangenggena taumatan Israel, na'oman sara soa udde niwala wawu'anna aroddi, tawe mandariagane.

YOSUA 8:19

Aroddi i Yosua namatten limane, tantara apan uaimbuni udde mal᷊iha-l᷊ihakka sinumabbanga wuṛṛu namangalo soa udde, ana se'e niaaṛṛote. I mangitou lapiddu nanoṛṛoba soa udde.

YEHEZKIEL 30:25

Atonna, ratu Mesir sarun Ta'u iapaal᷊ome, arawe ratun Babel sarun Ta'u tohasanna. Napawe i Ya'u mangonggollu hal᷊ele-U si tou, wuṛṛu i tou mamatte watukku Mesir, i mangitou sarun maasingkatta manungku ete i Ya'u Mawu.

SASABANGNGA 8:1

Ana see Mawu nabbisara si Musa, “Roote saruanna ratu wuṛṛu wal᷊oa'a si tou tanata-U indi; ‘Wala'awe al᷊aṛṛana-U inai mattaṛṛamawu si ya'u.