Biblia Todo Logo
Bib sou entènèt

- Piblisite -




YOSUA 7:21 - WUKE SUSI WATTI'U AL᷊AL᷊USASSA

21 Su wallatu manga saranapa apan niapiddi ite, i ya'u naasilo sambau juba apan mapia atonna, niola'a su Babilonia, wuṛṛu lai sal᷊a'a awakkane iraṛṛangngo dua kilo, wuṛṛu sambua wul᷊awanna satenga kilo pia lebbene. I ya'u ma'apulu atonna manga saranapa udde, ne ta'u nianu wuṛṛu niwuni sulal᷊ummu leta'a su rasangku: sal᷊aane niaddo al᷊iu wowane.”

Gade chapit la Kopi




YOSUA 7:21
35 Referans Kwoze  

Wua'udde, amungkangngu apulune apan lal᷊eo udde tuṛṛutanna, ne lumappute rosa; wuṛṛu amungkangu rosa nahurangke, ne inul᷊eanne papate.


Wua'udde Mawu Yesus nabbisara su anambon taumata isudde, “Paatehamma wuṛṛu paariaga, arie ma'oman sara i yamiu manaṛṛia'u. Ana waugu wiakku taumata tawe uaantimma wuassu pa'a'alane, salaiwe darotongnga uarundu'a.”


Riagaiwe i ya'u tadea'u tawe mangenggenna pawangnge, onggol᷊ewe i ya'u wiakka tumuṛuttu apulu-Nu.


Ana waugu i mangitou maddiri umamatta su lal᷊anna matul᷊ida, ne i mangitou nial᷊iwune. I mangitou niumamatta su lal᷊anni Bileam ana'i Beor dorone. Bileam indi mangke maapulu maasomba roitta wuassu inolaanne apan lal᷊eo.


Tambuna'e manga paal᷊uanna apan sassubbanni mangitou. Arie umanggangu sal᷊a'a ara'e wul᷊awanna apan ua'ele si tou wuṛṛu imbaṛṛangnga manganu hunanu sassane. Amungkangngu i yamiu lumawangnga parenta udde i yamiu sarun mate, ana waugu Mawu Ruatanu udde maddantinnu pasasubba paal᷊uanna.


Imbaṛṛanga wiakku paparentannu awawal᷊iun roitta, arawe ṛinone i yamiu mal᷊uassa ringannu saranapa apan tatahuananni yamiu. Ana waugu Ruata suete nabbisara, “I Ya'u tawe mapaawalanu ara'e manantangi yamiu.”


Taumata apan wal᷊iu apulune mal᷊ihakka maala; i tou wagga manungku paasiangnga mal᷊ihakke maṛṛia'e si tou.


Su sambau tempo wawallote, napawe i Daud napu'ote wua natiilla, i tou u'a'amatta su atuppu wal᷊en araratuanna apan ratakke udde. Wua' isudde i tou naasilo sangkatou wawine tantal᷊anna mandeno, wuṛṛu lai wawine udde tumaniten maṛṛamaga.


al᷊aṛṛana'u Ruata ma'ellega manungku mangka maṛṛuala udde mangkaṛṛamaga. Ana see i mangitou na'awingke manga maṛṛuala apan ipaapulu mangitou.


Wawine udde na'ellega manungku alu udde maṛṛansangnga, wuṛṛu wuane ellehanna matemangnga annananna. Ne i tou naṛṛingidda apiawe eteapa amungkangngu i tou mabbal᷊i pande. Ana waugu udde i tou nani'o wuan kalu udde, ana see niumanna, wuṛṛu awingnge lai nionggol᷊anna, ana see awingnge lai niumante.


Ana waugu udde, tantanga'e paa'apulun dunia apan maawinasa ririnu, ere sandaga, manga inolaanna apan tawe matataṛṛino, apulu naungnga, tawe masabare, apulu apan lal᷊eo, wuṛṛu awawal᷊iu (ana waugu awawal᷊iu udde nassul᷊ungngu massubba paal᷊uanna).


Panutukka paapia-pia: taumata apan pallal᷊agune sussandaga, ara'e tawe matataṛṛino, ara'e wal᷊iu (pallal᷊agu ereudde nassul᷊ungngu lai massubba paal᷊uanna), taumata udde tawe masutta su walahanna apan paparentanni Kristus wuṛṛu Ruata.


Ete i yamiu udde al᷊aṛṛana'u Ruata. Ana waugu udde, manga inolaanna sussandaga wuṛṛu ipaaddirin Mawu, ara'e awawal᷊iu tawe ṛinone olaanna su wallatti yamiu. Arie ma'oman sara taumata waine pia sasimbakka ipabbisara manungku i yamiu ma'ola'a inolaanna ereudde lai.


Tawedu uawuni apan tawe aasiloanna, wuṛṛu tawedu apan iadappingnga apan tawe asingkatanna.


Niawontohante i'o! I'o napaalan amonannu ringannu auntunganna apan niasombangannu ringannu araṛṛagissa, tadea'u wal᷊enu sassane mal᷊angnganna wuṛṛu maliu wuassu asasusa wuṛṛu asasilaka.


Nasilakate taumata apan mattinsahadda mammunin hol᷊age su Mawu! I mangitou ma'inolaanna ringannu mal᷊anna-l᷊annabba, wuṛṛu massunna manungku tawe saran sangkatou apan ua'ellega ara'e masingkattu inolaanni mangitou.


I yamiu mabbisara manungku i yamiu buatte na'ola'a pa'aire su papate wuṛṛu nakkiinnu riandi su runian taumata nate. I yamiu maapendamma atonna manungku asasilaka apan sarun dumanta udde tawe maṛṛia'a su watangannu, ana waugu i yamiu mapaattu waṛṛutiaalla ara'e wawahia ipallindumma watangannu.


Arie pabbala'a anggore mamono'a si'o, salaiwe saṛṛene tumaniten maanemma wuṛṛu aasiloanna lullendappa sulal᷊ummu halasi see mangngelekka ringannu piane sulal᷊ummu tonggol᷊anna.


Paariagai mapia-pia naungngu, ana waugu ete naungngu apan manantunnu lal᷊annu pabbiaṛṛannu.


Ringannu sasalu i ya'u buatte naddiandi maṛṛuala wakku tawe aellehangku ringannu paapulu.


Imbaṛṛangnga numemma darotongngu taumata waine, wal᷊ene, awingnge, manga allangnge, winatangnge, keledaine, ara'e sarangkanambone apan tatahuananne.”


Paarorone araratuanne naddatingngu Babel, Erekh wuṛṛu Akad, soa tatallu udde su Babilonia.


“Atonna,” unni Akhan, “I ya'u buatte na'ola'a rosa susaruannu Mawu, Mawu Ruatan Israel. Ete indi ta'u niola'a:


Ana see mal᷊iha-l᷊ihakka i Yosua nandolokku taumata watukku rasanni Akhan. Nasemakke manungku manga saranapa apan isassingada udde sarangkanambone uaraddo poiaroddi, niwuni sulal᷊ummu leta'a sal᷊aane niaddo al᷊iu wowane.


Siri appata apan maradda'a pisi udde na'omate su winggin paddasananna, ana see sinumuttate su sambau rasanna. I mangitou inumanna, na'inumma isudde wuṛṛu nanganu wul᷊awanna, sal᷊a'a see lai manga laubba wua'udde inaite niwuni. Wua'udde i mangitou nabelengke apia wuṛṛu sinumuttate su rasanna waine, ana see na'ola'a inolaanna apan uasul᷊unga.


Napawe pamamate udde nal᷊iudda, manga ana'i Yakub waine nangaṛṛo soa udde maola'a wawal᷊issa ana waugu tuari mangitou buatte nilal᷊eo awawantuge.


Atonna taumata apan maddea'a pabbawiakka ringannu mappaattu araṛṛagissa sarun mamaekku niawane sassane.


Swiv nou:

Piblisite


Piblisite