YOSUA 4:23 - WUKE SUSI WATTI'U AL᷊AL᷊USASSA

²³ Wattia'a si mangitou manungku Mawu Ruatanu napamaran ua'en Sal᷊ukku Yordan udde si yamiu na'oman sara i yamiu sarangkanambone naddatingnga su samba'ane, ere lai i Tou napaamaran Tahal᷊oangngu Gelagah si yami,

YOSUA 4:23 Referans Kwoze

SASABANGNGA 14:21

Ana see i Musa namatten limane su wowon tahal᷊oangnga, wuṛṛu Mawu na'ola'a anginna ra'i tinumiuppa ringannu ma'ikkata na'oman sara ua'en tahal᷊oangnga neṛṛetta. Su al᷊o'engngu ṛabbi anginna udde tuttiuppa, wuṛṛu namal᷊u tahal᷊oangnga nabbal᷊i leta'a mamara.

YESAYA 43:16

Mawu buatte na'ola'a sambau lal᷊anna sumabbi tahal᷊oangnga, sumabbi ua'e apan matandi'a.

DARALO 78:13

I Tou nama'a tahal᷊oangnga, ana see napal᷊ewessi mangitou; ua'e naipattaalla ere niṛṛappinganna.

NEHEMIA 9:11

Su ipa'ola'a lal᷊anna hunan uman-Nu, tahal᷊oangnga niwaa-Nu; I'o nal᷊ium mangitou niapaamattu wantan tahal᷊oangnga apan masabbu. Manga mangangenggene nawul᷊ussa sulal᷊umme, ua'e apan mal᷊al᷊umma, naal᷊ihidda watu apan nawontolla su tahal᷊oangnga apan maata'utta.

1 MARARATU 8:43

antimanna wuassu atatanaan-Nu su surga I'o maddaringikka aal᷊iomanne wuṛṛu mangonggollu darorongnge. Ringannu aroddi al᷊awo'u walahanna su ahewallu runia maaillal᷊a Si'o wuṛṛu matuṛṛutta Si'o ere uman-Nu Israel. I mangitou sarun maasingkatta manungku wal᷊en apan ta'u niola'a indi uddewe tampa patataṛṛamawuanna Si'o.

SASABANGNGA 15:19

Su tempo taumatan Israel namare tahal᷊oangnga, i mangitou niumamatta su wantane apan mamara. Arawe su tempo manga kereta wuassu Mesir ringannu awal᷊o wuṛṛu sumasa'ene nasutta sulal᷊ummu tahal᷊oangnga, Mawu na'ola'a uaene nangelekka apia na'oman sara i mangitou nilumakkubba.