YOSUA 4:10 - WUKE SUSI WATTI'U AL᷊AL᷊USASSA

¹⁰ Manga imam sidutu uarisikka su pattangngannu Yordan na'oman sara manga taumata udde buatte nammanara al᷊awo'a apan nirolokku Mawu si mangitou wuassi Yosua. Udde nassul᷊ungngu lai manga tatantiro wuassi Musa si Yosua. Ringannu mal᷊ihakka ṛuangannu Israel tinumumbe Sal᷊ukku Yordan.

YOSUA 4:10 Referans Kwoze

YOSUA 3:13

Man napawe manga imam apan uapasanna Wantalu Pa'aire Mawu naṛṛindaten leddane sulal᷊ummu ua'en sal᷊ukka Yordan udde, ua'e mangngelekka sarun matta'alla; ua'e apan mangngelekka wuassu ul᷊une aṛṛapinganna su sambau tampa.”

2 KORINTUS 6:2

Sulal᷊ummu Wuke Susi, Ruata nabbisara, “Su tempo apan ipaapulu, i Ya'u buatte naddaringikka Si'o, wuṛṛu su allon pananal᷊amatta, i Ya'u buatte nantul᷊ungngu.” Naunge paapia-pia, ete orassa indi tempo apan ipaapulu-U udde. Ete orassa indi tempone ipanal᷊amatta.

YESAYA 28:16

Ana waugu udde, Mawu Apan Atanggaṛṛanne nabbisara arendi, “I Ya'u sarun mangaddon rapappakke apan matohassa wuṛṛu ma'uatta su Sion; sambau watun pi'une apan maarega ringannu woṛṛetta: ‘Isai apan mangngimanna atonna, i tou sarun tawe mawaddo.’

MANNANASE 9:10

Pammanarate al᷊awo'u manaranu ringannu anambon auatannu. Ana waugu sal᷊immurine tate lai ṛingiranna wuṛṛu manara. Tate apende wuṛṛu asingkatta su runian taumata nate. Wuṛṛu ete poiaroddi i'o sarun inai.

AMSAL 27:1

Arie tumaṛṛupassi su ola'u allo tiṛṛabbi, ana waugu i'o wagga apan sarun mariaddi tiṛṛabbi.

DARALO 119:60

I ya'u uasasaṛawutta wuṛṛu tate maṛṛaddo mappaamattu parenta-Nu.

TAHIUL᷊E 31:9

Ana see i Musa namoṛṛettu Titan Mawu Ruata wuṛṛu nionggola su manga imam Lewi apan niapamanara ual᷊u'adda Wantallu Pa'aire, wuṛṛu su manga piaṛṛa'u Israel.

SASABANGNGA 12:39

I mangitou nallol᷊o roti tawe ragine wuassu taponna apan niapiddi mangitou wuassu Mesir. I mangitou nilimbuaṛṛanna wua isudde ringannu namaṛṛindu'a, na'oman sara tawe naasaddia wal᷊unna.

YOSUA 4:9

Su pattangngannu Yordan udde lai, i Yosua nangatokku mapul᷊o dua su waune watu mangke naṛṛino su dararisiṛṛannu manga imam apan uapasanna Wantalu Pa'aire udde. ‘Manga watu udde ta'e isudde sara orassa indi’.

YOSUA 4:11

Napawe sarangkanambone na'omate su samba'an sal᷊ukka, manga imam apan uapasanna Wantalu Pa'aire, niumamatta su saruanni mangitou.

YOSUA 24:11

Wua'udde i yamiu tinumumbete Sal᷊ukku Yordan, wuṛṛu na'omate su Yerikho. Manga taumatan Yerikho namangalo si yamiu, aroddi lai taumatan Amori, taumatan Feris, Kanaan, Het, Girgasi, Hewi wuṛṛu taumatan Yebus. Arawe i Ya'u napaauntungi yamiu wuassi mangitou sarangkanambone.