YOSUA 24:8 - WUKE SUSI WATTI'U AL᷊AL᷊USASSA

⁸ Ana see i Ya'u nangapiddi yamiu watukku wanuan taumatan Amori apan uatana'a su samba'a da'in Sal᷊ukku Yordan. I mangitou namangalo si yamiu, arawe i Ya'u napaauntungi yamiu. I yamiu naapangaṛo wanuan mangitou, wuṛṛu i Ya'u namate si mangitou.

YOSUA 24:8 Referans Kwoze

NEHEMIA 9:22

I'o mangonggollu auntunganna si mangitou su anambon araratuanna wuṛṛu walahanna su passarannu leta'i mangitou. Hesybon wanuan Ratu Sihon, niwanuanni mangitou; Basan wanuan Ratu Og, niatanaanni mangitou.

YOSUA 13:10

wuṛṛu na'oman sara watukku passarannu leta'u Amon, nasutta anambon soa apan dorone buatte niparentanni Sihon, ratun Amori, apan uatana'a su Hesybon.

TAHIUL᷊E 2:32

Ne i Sihon nirumantate ringannu anambon tantarane inai mamangalo si ite maranin soan Yahas.

SASABANGNGA 23:23

Mala'eka-U sarun malliu ṛoro si yamiu wuṛṛu mangapiddi yamiu watukku wanuan balahannu Amori, Het, Feris, Kanaan, Hewi wuṛṛu Yebus, wuṛṛu i mangitou sarun Ta'u pateanna.

AMOS 2:9

Salaiwe aroddi, ei uma-U, ete ana waugu i yamiu i Ya'u namate taumatan Amori apan mal᷊angkassa ere punnu cemara wuṛṛu matohassa ere punnu terpentin.

AMOS 2:10

I yamiu buatte Ta'u niapidda sinumbangnga wuassu Mesir, wuṛṛu Ta'u niehetta niumamattu wadda'u anne appattu pul᷊o su tonane al᷊annune. Leta'u taumatan Amori buatte Ta'u nionggolla si yamiu maola'a wanuanu sassane.