YOSUA 24:27 - WUKE SUSI WATTI'U AL᷊AL᷊USASSA

²⁷ Wua'udde i Yosua nabbisarate anambon taumata udde, “Watu indi maola'a tialan kite. Anambon bisara apan niwisaran Mawu si ite, buatte niwisara su saruannu watu indi. Nariadi ete watu indi apan maola'a tiala su saruanni yamiu, mapaanaungngi yamiu tadea'u tawe lumawanna Ruatanu.”

YOSUA 24:27 Referans Kwoze

LUKAS 19:40

Mawu Yesus sinumimbakka, “Pangimante! Amungkangngu i mangitou mallannaba, manga watu indi lai sarun umui.”

YOSUA 22:34

Panginsueanne ṛuanganni Ruben wuṛṛu i Gad udde nabbisara, “Meddan sasamba indi maola'a tatialan kite sarangkanambone manungku Mawu eteudde Mawu Ruata.” Ne i mangitou nanagon mezbah udde “Tatiala”.

MATIUS 10:33

Arawe isai-sai massinaada su saruannu awada'alla manungku i tou mallal᷊aṛṛenggeng-Ku, i Ya'u lai sarun massinaadi tou su saruannu Iamangku su surga.”

TAHIUL᷊E 31:26

“Anute wuken Titan Duata indi, wuṛṛu sahipunte su sandiṛṛannu wantallu Pa'airen Mawu Ruatanu, tadea'u sidutu sasahipunanna isudde maola'a sambau tatiala su walahannu udde.

YESAYA 1:2

Paddaringikka ei langitta, panutukke ei runia! Mawu nabbisara, “Manga al᷊aṛṛana'a apan buatte nipaddul᷊ianang-Ku namangalo si Ya'u.

AMSAL 30:9

Ana waugu, amungkangngu i ya'u ala, asinungka i ya'u sarun mabbisara manungku i ya'u tate mappandumma si'o. Wuṛṛu napawe i ya'u asiangnga, asinungka i ya'u sarun manna'o ma'oman sara mandal᷊eote aran-Nu.”

AYUB 31:23

I ya'u sarun tawe ma'ola'a aroddi, ana waugu ṛuumannu Ruata tumaniten maata'utta naungku.

1 SAMUEL 7:12

Wua'udde i Samuel napararisikku sambau watu, su passarannu Mizpa wuṛṛu Sen. I tou nabbisara, “Mawu buatte nantul᷊ungngi ite sarangakanambone.” – ana see watu udde nissagone “Watun Tatul᷊ungnga.”

TAHIUL᷊E 32:1

“Padaringikke, ore langitta, i ya'u ma'apulu mabbisara; ei runia, pantaingken tal᷊inga!

TAHIUL᷊E 31:21

wuṛṛu manambo asasusa apan bahewalla sarun maṛṛia'a si mangitou. Arawe antari indi sidutu sarun ia'antari wuṛṛu ipappaatta maola'a tatiala si mangitou. Wuṛṛu lai orassa indi, tantal᷊anna i mangitou taambe niapi-U Ta'u iapidda watukku wanua apan pina'ire-U, i Ya'u masingkattu lal᷊annu ṛingiddi mangitou.”

TITUS 1:16

I mangitou mabbisara manungku i mangitou maaillal᷊a Ruata, wutte'e inolaanni mangitou massinaaddu Ruata. I mangitou maarantinna, wuṛṛu i mangitou tawe tumuṛṛutta, ete i mangitou udde taumata apan tawe maaola'a manarane apan mapia.

TAHIUL᷊E 31:19

Orassa indi woṛṛeta'e antari indi wuṛṛu tantiroa'a su walahannu Israel maola'a sambau tatiala si mangitou.

TAHIUL᷊E 30:19

Orassa indi yamiu wotongnge mamile suwallatu wiakka wuṛṛu mate, suwallatu al᷊amattu Mawu wuṛṛu wontoga. Langitta wuṛṛu runia ta'u wagoanna maola'a tatialane su ipaapuluna Pamilete i yamiu wiakka.

TAHIUL᷊E 4:26

Antimanna langitta wuṛṛu runia allo indi maola'a matatialane manungku amungkangngu i yamiu tawe matuṛṛutta si ya'u, i yamiu sarun mal᷊ihakka mawul᷊i wuassu leta'a apan wawanuanni yamiu su samba'an Sal᷊ukku Yordan udde. Yamu tawe mal᷊annu uatana'a isudde; i yamiu sarun insueanna pateanna.

SONDAPPA 3:8

I Ya'u masingkatu apa a'olaanni yamiu. I Ya'u masingkata manungku i yamiu tawe tumaniten matohassa; i yamiu suete tinumuṛṛuta al᷊aṛṛa-U wuṛṛu matuṛṛuta si Ya'u. Si yamiu suete Ta'u niwu'a sambau ngara, apan tawe iaṛṛu'udi sai-sai lai.

HABAKUK 2:11

Ewe'e lai manga watu su darandungnga mangngintul᷊i mammontoga si'o, wuṛṛu manga diṛṛin bal᷊e uuin bisara udde.

REENGANNA 11:20

arawe sambul᷊anna tuudda al᷊annune i yamiu u'inassa, ma'oman sara i yamiu rumadda'a wuṛṛu mammuta ana waugu inassa udde. Olangnge udde mariaddi ana waugu i yamiu buatte nanol᷊a'u Mawu apan udde su pattangnganni yamiu. Wuṛṛu ana waugu i yamiu buatte nilumuai su saruan-Ne wuṛṛu sunumal᷊iomanna manungku i yamiu buatte nanantangngu leta'u Mesir.”

YOSUA 24:28

Panginsueanne i Yosua nandolokku manga taumata udde niapaapul᷊e; wua'udde i mangitou sarangkanambone nabelengke su leta'i mangitou sambau-sambau.

AYUB 31:28

Rosa ereudde ṛinone maasomba ṛuumanna pateanna; ana waugu Ruata Apan Lembontaṛṛino buatte nissinaadda.

YESAYA 59:13

I yami buatte nassinaadda wuṛṛu nilumawangnga Mawu, wuṛṛu maddiri tumantalongnga Ruatang kami. I yami buatte nangallangnga taumata waine wuṛṛu sinumewadde; ṛingiranni yami niumal᷊iwu, wuṛṛu manga wisaran kami awusu.