YOSUA 24:26 - WUKE SUSI WATTI'U AL᷊AL᷊USASSA

²⁶ Anambon tita wuṛṛu manga atoranna udde niwoṛṛetti tou su lal᷊ummu Wuken Tita Mawu. Wua'udde i tou nanganu sambau watu wahewalla su tampa apan apianne su Mawu.

YOSUA 24:26 Referans Kwoze

MAL᷊AṚṚUUNGNGA 9:6

Ne taumatan Sikhem wuṛṛu Bet-Milo na'amulle, ana see inaite watukku punnu alu terpentin apan maṛaubba su Sikhem. Poiaroddi i mangitou nanenegi Abimelekh naola'a ratu.

PANDARIADDI 35:4

Ana see i mangitou manantillu anambon paal᷊uannu monganna si Yakub apan sasahipunanni mangitou wuṛṛu lai ngante-ngante mangitou. Anambon saranapa udde nial᷊in i Yakub su al᷊ungngu alu wahewalla maranin soan i Sikhem.

SASABANGNGA 24:4

Wua'udde i Musa namoṛṛettu anambon parentan Mawu. Tiṛṛabbine marua'allo, i tou napararisikku sambau mezbah ringannu mapul᷊o dua palene su wawal᷊annu wowone udde; suapan palene uaapiddu arannu mapul᷊o dua ṛuangannu Israel.

PANDARIADDI 35:8

Poiaroddi lai Debora, mamamadul᷊i si Ribka, nate ana see nilabbingnga su al᷊ungngu alu wahewalla su samba'an timukku soa udde. Ana waugu udde alu udde nissago “Alu Lal᷊uai”.

PANDARIADDI 31:45

Wua'udde i Yakub nanganu sambau watu wuṛṛu nipasi'a maola'a watu pananaunganna.

1 SAMUEL 7:12

Wua'udde i Samuel napararisikku sambau watu, su passarannu Mizpa wuṛṛu Sen. I tou nabbisara, “Mawu buatte nantul᷊ungngi ite sarangakanambone.” – ana see watu udde nissagone “Watun Tatul᷊ungnga.”