YOSUA 23:9 - WUKE SUSI WATTI'U AL᷊AL᷊USASSA

⁹ Manga walahanna apan bahewalla wuṛṛu matohassa buatte nilimbuaṛannu Mawu ana waugu i yamiu, tawe saran sangkatou wuassi mangitou apan botongnge maaroappa si yamiu.

YOSUA 23:9 Referans Kwoze

YOSUA 1:5

Tawe saran sangkatou apan botongnge maawaddonu Yosua, su al᷊o'engngu pabbiaṛṛannu. Ana waugu i Ya'u sidutu su sandiṛṛannu ere lai dorone su sandiṛṛanni Musa. I Ya'u tawe manantangu.

TAHIUL᷊E 11:23

Ne Mawu sarun mallimbuakka anambon balahanna wuassu saruannu, wuṛṛu i yamiu sarun matana'a su leta'a tatahuanannu manga walahanna apan magewal᷊anna wuṛṛu mattohasanna wuassi yamiu.

YOSUA 23:5

Mawu Ruatanu sarun ma'ola'a manga walahanna udde pasisoṛṛota, wuṛṛu tumal᷊angnga i yamiu napawe i yamiu inai mamangalo si mangitou i yamiu sarun manahuanna wanua mangitou, ere buatte pina'iren Mawu Ruatanu si yamiu.

SASABANGNGA 23:30

I mangitou sarun Ta'u limbuaṛṛanna passambageanganna, ma'oman sara manga taumatanu manambote matana'a su leta'a udde.

YOSUA 15:14

Papapulunni Enak eteudde taumatan Sesai, Ahiman wuṛṛu Talmai. I Kaleb nallimbuakka si mangitou sarangkanambone wuassu Hebron.

TAHIUL᷊E 7:24

I Tou sarun manantillu manga ratun mangitou si yamiu. I mangitou sarun pateanni yamiu, wuṛṛu aranni mangitou sarun timbul᷊iananna. Tawe saran sangkatou apan botongnge maataṛṛangnga sumaruanna si yamiu; i mangitou sarangkanambone sarun pateanni yamiu.

WATTI'U MANGA RASUL 7:45

See rasanna udde niapiddu iupungngu al᷊amonang kite su tempo i mangitou wuṛṛu i Yosua inai mangaṛṛo wanuang kite indi wuassu tatahuanannu manga walahanna apan nilimbuaṛṛannu Ruata su saruanni mangitou. Rasanna udde uaraddo isudde na'oman sara i Daud.

SASABANGNGA 23:23

Mala'eka-U sarun malliu ṛoro si yamiu wuṛṛu mangapiddi yamiu watukku wanuan balahannu Amori, Het, Feris, Kanaan, Hewi wuṛṛu Yebus, wuṛṛu i mangitou sarun Ta'u pateanna.

YOSUA 23:8

Arawe i yamiu ṛinone sidutu matuṛutta Mawu, ere lai buatte niola'i yamiu naddatingngu orassa indi.

YOSUA 24:18

Wuṛṛu su tempo i ite sinumutta su wanua indi, Mawu nallimbuakka anambon taumatan Amori apan uatana'a isindi. Nariadi, yami ma'apulu mattaṛṛamawu Mawu, ana waugu ete i Tou Mawu Ruatan kite.”

1 MARARATU 21:26

I Ahab na'ola'a manga rosa apan lembon maarantinna; i tou massubba paal᷊uanna ere apan a'olaannu taumatan Amori, eteudde manga taumata apan buatte nilimbuaṛṛannu Mawu niapasabbangnga wuassu wanua Kanaan sutempo taumatan Israel sinumutta su wanua udde.

2 TAWARIKH 20:7

Tumba'u I'o Ruatan kami. Sutempo al᷊aṛanang-Ngu, walahannu Israel, nirumanta su wanua indi, I'o nallimbuakka manga taumata apan sutempo udde uatana'a isindi. Ana see I'o nangonggolu wanua indi su papapulunni Abraham, hawe-Nu, maola'a leta'a pussa'an mangitou saran mal᷊annu-l᷊annu.