YOSUA 23:14 - WUKE SUSI WATTI'U AL᷊AL᷊USASSA

¹⁴ Orassa indi nia'omante tempone i ya'u sarun mate. I yamiu sarangkanambone, sangkatou-sangkatou masingkatta atonna manungku Mawu Ruatanu sueten ngonggolu al᷊awo'u apapia apan buatte nipa'ire-Ne. Al᷊awo'u pa'aire-Ne buatte nitipussa, tawe saran sambau apan tawe niatipussa.

YOSUA 23:14 Referans Kwoze

LUKAS 21:33

Langitta wuṛṛu runia sarun mawul᷊i, arawe manga wisara-U sidutu ma'oman sara mal᷊annu-l᷊annu.”

1 MARARATU 2:2

“Nia'omante tempone i ya'u nate. Ṛinone i'o mangngimanna wuṛṛu waṛṛani.

MANNANASE 9:10

Pammanarate al᷊awo'u manaranu ringannu anambon auatannu. Ana waugu sal᷊immurine tate lai ṛingiranna wuṛṛu manara. Tate apende wuṛṛu asingkatta su runian taumata nate. Wuṛṛu ete poiaroddi i'o sarun inai.

REENGANNA 23:19

Ruata tawe ere taumata apan hampa sumassilla wuṛṛu apulune mangngawusu. Amungkangngu Ruata maddiandi i Tou sarun mangatonna! Napawe i Tou mabbisara, udde sarun matipussa!

1 MARARATU 8:56

“Dalo su Mawu apan buatte nangonggollu atatammudda su uman-Ne ere buatte niriandi-Ne wuassu allang-Nge i Musa. Sarangkanambone apan mapia apan niriandi-Ne mangke natipussa.

1 SAMUEL 3:19

I Samuel a'atambanna ahewalle. Mawu uarundinganna si tou wuṛṛu na'ola'a anambon wisaran Samuel udde atonna matipussa.

MANNANASE 12:5

I'o matta'utta suma'a su tampa apan matanggakka wuṛṛu ṛinone umamatta ringannu maaddunna. Utangngu pia owanne wuṛṛu leddanu wawol᷊enganna sutempo umamatta. Ne nawul᷊ite al᷊awo'u naungnga wuṛṛu apulu. I ite mattuddate tampa tatanaanni ite apan panginsueanne, manga taumata lullal᷊o wuṛṛu sussangitta su al᷊o'engngu lal᷊anna.

SASABANGNGA 3:8

Ana waugu udde i Ya'u sumossokke mamallossi mangitou wuassu liman taumata Mesir wuṛṛu mangapiddi mangitou sumabangnga wuassu wanua udde mattuddan sambau wanua apan mal᷊alangnga. Letangnge ala wuṛṛu masuwukka, wuṛṛu orassa indi wawanuannu balahannu Kanaan, balahannu i Het, i Amori, i Feris, i Hewi wuṛṛu i Yebus.

IBRANI 9:27

Ruata suete nanantuna manungku taumata mate tumba'u paassa wuṛṛu wua'udde parikisannu Ruata.

AYUB 30:23

I ya'u masingkatta, I'o nangapi'u su runian papate, tampan al᷊awo'u apan biakka niammulla.

YEHEZKIEL 20:28

I Ya'u nangapiddi mangitou su leta'a apan buatte niriandi-U si mangitou. Sutempo i mangitou maasilo manga wuidda apan matanggakka wuṛṛu manga aal᷊uanna apan mapaṛṛampunga, i mangitou mangonggollu sasamba su manga tampa udde. I mangitou napasa'u-U ana waugu manga sasamba itattambunna wuṛṛu anggore sasamba mangitou.

PANDARIADDI 47:29

Napawe maraniten tempone mate, i tou namago si Yusuf, anangnge udde, ana see nabbisara si tou, “Addoa'e limanu su wallatu palangku wuṛṛu passalu manungku i'o tawe mallabingku isindi su Mesir.