YOSUA 21:43 - WUKE SUSI WATTI'U AL᷊AL᷊USASSA

⁴³ Etearoddi Mawu nangonggolu ahewallu leta'a su ṛuangannu Israel apan buatte pina'ire-Ne ringannu sasalu su iupungngu al᷊amonan mangitou. Napawe naapanganute wanua udde, ṛuangannu Israel namanuate poiaroddi.

YOSUA 21:43 Referans Kwoze

PANDARIADDI 13:15

i ya'u sarun mangonggolla si'o wuṛṛu su papulunnu ahewallu leta'a apan a'ellehannu udde tadea'u maola'a pussaanu saran mal᷊annu-l᷊annu.

PANDARIADDI 28:4

Antimanna Mawu mangal᷊amatta si'o wuṛṛu papapulunnu, ere lai Tou buatte nangal᷊amatta si Abraham, wuṛṛu antimanna i'o manahuanna leta'a apan wawanuannu indi, apan buatte nionggolu Ruata si Abraham!”

DARALO 44:3

I'o sassane nallimbuakka manga walahanna tadea'u al᷊aṛṛanang-Ngu mamanua su wanuan mangitou. Manga walahanna waine nisilaka-Nu, arawe al᷊aṛanang-Ngu niwalanu mabbalaga.

TAHIUL᷊E 11:31

Tate mal᷊annu lai yamiu lumewessa su Sal᷊ukku Yordan wuṛṛu mamanua su leta'a apan nionggolu Mawu Ruatanu si yamiu. Napawe i yamiu buatte naatahuanna leta'a udde wuṛṛu namanua isudde,

SASABANGNGA 3:8

Ana waugu udde i Ya'u sumossokke mamallossi mangitou wuassu liman taumata Mesir wuṛṛu mangapiddi mangitou sumabangnga wuassu wanua udde mattuddan sambau wanua apan mal᷊alangnga. Letangnge ala wuṛṛu masuwukka, wuṛṛu orassa indi wawanuannu balahannu Kanaan, balahannu i Het, i Amori, i Feris, i Hewi wuṛṛu i Yebus.

TAHIUL᷊E 17:14

“Amungkangngu leta'a apan nionggolu Mawu Ruatanu si yamiu naola'e pussaanu, wuṛṛu i yamiu uatana'e isudde asinungka i yamiu mapulun sangkatou ratu ere lai manga walahanna apan uatana'a su al᷊indongannu.

PANDARIADDI 12:7

Mawu naipasilon batangan-Ne si Abram wuṛṛu nabbisara si tou, “Ete indi wanua apan Ta'u ionggolla su papapulunnu.” Ana see i Abram napararisikku sambau mezbah hunan Mawu apan buatte naipabilon batangan-Ne si tou.

TAHIUL᷊E 34:4

Ana see Mawu nabbisara si Musa, “Eteudde leta'a apan Ta'u pina'ire si Abraham, si Ishak wuṛṛu si Yakub apan tinantilla su papapulunni mangitou. I Ya'u namasilo si'o, Musa, arawe tawe mamalanu inai poiaroddi.”

REENGANNA 33:53

Leta'a udde ṛinone aṛṛoanni yamiu wuṛṛu wanuanni yamiu, ana waugu udde Ta'u ionggola si yamiu.

NEHEMIA 9:8

Niasangkal᷊an-Nu i tou satia Si'o wuṛṛu matuṛṛutta. Ana see niolang-Ngu ringanni tou paaire apan matohassa. Leta'u Kanaan, Het wuṛṛu Amori, leta'u Feris, Yebus wuṛṛu Girgasi, sarangkanambone udde I'o mangonggolla si tou; maola'a tampa tatanaannu anambon papapulunne. Wua'udde I'o nanipussu, paaire udde si tou, ana waugu I'o matul᷊idda wuṛṛu satia.

NEHEMIA 9:24

Papapulunni mangitou namaddon leta'u Kanaan; tumanangnge poiaroddi niapasuṛṛubawa-Nu. Uman-Nu I'o nangonggollu taṛṛino walate apulun naungnge su saruannu manga walahanna Kanaan wuṛṛu manga ratune.

TAHIUL᷊E 12:29

“Mawu Ruatanu sarun mamate manga walahanna apan utana'a su wanua udde, na'oman sara i yamiu wotongnge matana'a wuṛṛu mamanua su wanua udde.

YOSUA 1:6

Ṛinone i'o mangimanna wuṛṛu waṛṛani, ana waugu i'o sarun mamiaṛṛa'u walahanna indi ana waugu i mangitou matana'a su wanua apan Ta'u pina'ire su iupungu al᷊amona mangitou.

MAL᷊AṚṚUUNGNGA 11:24

Wuṛṛu orassa indi, udde anuannu apia? Leta'a apan nionggoli Kamos, mongannu udde, si'o wotongngete sidutu tatahuananni yamiu. Arawe apa apan buatte nionggolu Mawu, Ruatan kami si yami, udde sarun tahuananni yami.

1 SAMUEL 12:8

Sutempo i Yakub wuṛṛu amonanne nirumanta su Mesir, wuṛṛu taumatan Mesir mannansara si mangitou, al᷊amonanu sinumal᷊ande naiontolla su Mawu, ne Mawu nandolokki Musa wuṛṛu i Harun. Ruan katou taumata udde nangapiddu al᷊amonanu sinumabbangnga wuassu Mesir wuṛṛu nantul᷊ungngi mangitou namanua su wanua indi.

2 TAWARIKH 20:8

I mangitou natana'e isindi wuṛṛu napararisikku sambau wal᷊en tampa pasasubbanna Si'o. I mangitou masingkatta

DARALO 78:55

Su saruannu al᷊aṛṛanang-Nge i Tou nallimbuakka tumana'a isudde ana see i Tou nattahia wanua udde su anambon ṛuangannu walahannu Israel, al᷊aṛṛanang-Nge, na'oman sara i mangitou napamanua su manga rasannu seetta.

DARALO 105:8

I Tou sidutu uanaungnga paaire-Ne, paaire-Ne iapaamatta saran mal᷊annu-l᷊annu.

YEREMIA 32:23

Arawe napawe i mangitou nirumanta watukku wanua indi wuṛṛu napaangaṛṛo, i mangitou tate tate lai tumuṛṛutta manga parenta-Nu, wuṛṛu tawe mabbiakka tumuṛṛuttu manga al᷊aṛṛang-Ngu. Sarangkanambone apan niparenta-Nu si mangitou tawe saran sambau apan niola'i mangitou. Ana waugu udde I'o nandantan al᷊awo'u asasilaka indi si mangitou.