YOSUA 21:27 - WUKE SUSI WATTI'U AL᷊AL᷊USASSA

^27-33 Sambau amonanna waine su lal᷊ummu ṛuanganni Lewi eteudde amonanni Gerson. Manga alahanna su lal᷊ummu amonanni Gerson nionggol᷊annu mapul᷊o tallu soa ringannu manga leta'u wadda'a. Wuassu ṛuanganni Manasye samba'an ra'i i mangitou nanengkamma darua soa eteudde; Beestera wuṛṛu Golan, sambau soa tatal᷊anganna su leta'u Basan. Wuassu ṛuanganni Isakhar i mangitou nanengkamma appata soa eteudde: Kisyon, Dobrat, Yarmut wuṛṛu En-Ganim. Wuassu ṛuanganni Asyer i mangitou nanengkamma appata soa, eteudde: Misal, Abdon, Helkat wuṛṛu Rehob. Wuassu ṛuanganni Naftali i mangitou nanengkamma tatallu soa, eteudde; Hamat-Dor, Kartan wuṛṛu Kedes, sambau soa tatal᷊anganna su Galilea.

YOSUA 21:27 Referans Kwoze

1 TAWARIKH 6:71

Manga amonannu ṛuanganni Gerson naasomba tahia manga ampungnga manansunna indi ringannu manga wadda'u nannal᷊o maranine: Su wageangngu leta'u ṛuanganni Manasye, samba'an timukku Sal᷊ukku Yordan: Golan su Basan wuṛṛu Asytarot.

YOSUA 20:8

Su wageangngu ra'in Sal᷊ukku Yordan su penenteannu wadda'u anne samba'a ra'in Yerikho, i mangitou nanantunnu manga soa manansunna indi maola'a soa tatal᷊anganna: Soa Bezer su wageangngu leta'i Ruben, soa Ramot su Gilead su leta'a wageangngi Gad, wuṛṛu soan Golan su Basan, leta'a wageangngi Manasye.

TAHIUL᷊E 4:43

Su ṛuanganni Ruben buatte nisaddia soan Bezer su panenteannu wadda'a; su ṛuanganni Gad soan Ramot su wageangngu leta'u Gilead, wuṛṛu su ṛuanganni Manasye soan Golan su wageangngu leta'u Basan.

TAHIUL᷊E 1:4

Udde nariaddi napawe i Musa mamaddon Sihon, ratun taumatan Amori, apan uaparenta su soa Hesybon, wuṛṛu Og, ratun Basan, apan uaparenta su manga soa Asytarot wuṛṛu Edrei.

YOSUA 21:6

Amonanni Gerson naasomba mapul᷊o tallu soa wuassu wageangngu leta'u ṛuanganni Isakhar, i Asyer, i Naftali wuṛṛu ṛuanganni Manasye su samba'an da'in Sal᷊ukku Yordan.

1 TAWARIKH 6:47

i Mahli, i Musi, i Merari, i Lewi.