YOSUA 2:10 - WUKE SUSI WATTI'U AL᷊AL᷊USASSA

¹⁰ Yami buatte naaringkka watti'a su ola'u ereapa Mawu napaamaran Tahal᷊oangngu Gelagah su saruanni yamiu, su tempo i yamiu nanantangngu Mesir. Yami lai naaringikke ereapa i yamiu namate si Sihon wuṛṛu si Og, ratun balahannu Amori udde su samba'an da'in Sal᷊ukku Yordan.

YOSUA 2:10 Referans Kwoze

TAHIUL᷊E 2:30

Arawe i Ratu Sihon tawe namalan kite sumabbi wanuane udde. Mawu Ruatanu napa'aattiku naungnge wuṛṛu mappandumma tadea'u i ite wotongnge mamaddon i tou. Wageangngu letangnge ta'e datanaanni ite naddatingngu orassa indi.

REENGANNA 23:22

Ruata apan nangapiddi mangitou sinumabbangnga wuassu Mesir; naal᷊ihidda bantenga mal᷊aṛṛaga i Tou namangalo uasamba'a si mangitou.

YOSUA 4:24

tadea'u anambon taumata su runia maasingkatta aroddi ahewalle taṛṛino Mawu. Wuṛṛu ringannu aroddi yamiu sarun mangaddata Mawu Ruatanu saran mal᷊annu-l᷊annu.”

REENGANNA 20:14

Wua'udde wuassu Kades, i Musa nandolokku manga daroloṛṛanna niapasaruanna ratun Edom. Unni mangitou, “Yami wuassu manga ṛuangannu Israel apan ta'e pia pa'aaukku tuṛṛangnga ringanni Tuangku. I Tuangnga asinungka masingkatu asasusa apan naṛṛia'a si yami.

REENGANNA 24:8

Ruata apan nangapiddi mangitou sinumabbangnga wuassu Mesir, naal᷊ihidda banteng mal᷊aṛṛaga, i Tou namangalo hunan mangitou. Manga walahanna seetta sarun masue allupan-Ne, manga duṛṛin mangitou sarun ṛimunsaan-Ne, wuṛṛu manga anaanni mangitou sarun paddian-Ne.

YOSUA 5:1

Anambon ratun Amori su samba'an baṛṛatu Sal᷊ukku Yordan, wuṛṛu anambon ratun Kanaan su winggin Tahal᷊oangngu Tangngane naaringikka manungku Sal᷊ukku Yordan niapaamara Mawu al᷊annune ṛuangannu Israel tuttumbe sal᷊ukka udde. Ne i mangitou nata'utta wuṛṛu nangilladda waugu taumatan Israel.

DARALO 74:15

I'o napa'elekku al᷊imatan kua'e wuṛṛu sal᷊ukka; sal᷊ukka apan wahewalla niapamara-Nu.

YOSUA 9:10

wuṛṛu su ola'u apa apan niolange su saruannu ruan katou ratun Amori su samba'an da'in Yordan eteudde i Sihon ratun Hesybon wuṛṛu i Og ratun Basan apan uatana'a su Asytarot.

YOSUA 24:12

Su tempo i yamiu inaite mamangalo si mangitou i Ya'u napaatingnganga wuṛṛu napaata'utti mangitou, na'oman sara ruan katou ratun Amori udde tinumal᷊angngi yamiu. Wal᷊ine hal᷊elenu wuṛṛu wal᷊ine anaannu apan naauntungnga si yamiu.