YOSUA 18:1 - WUKE SUSI WATTI'U AL᷊AL᷊USASSA

¹ Napawe naapangaṛṛote wanua apan pina'iren Mawu, su taumatan Israel sarangkanambone naammula su Silo, ana see i mangitou napararisikku Rasanna Darantan Mawu.

YOSUA 18:1 Referans Kwoze

YOSUA 19:51

Etearoddi i Imam Eleazar, i Yosua ana'i Nun wuṛṛu manga tembonannu amonanna su lal᷊ummu manga ṛuangannu Israel nattahia leta'a su wanua udde ringannu niundi tadea'u ipadorongnga tatantiro wuassu Mawu. Olangnge udde niola'i mangitou su Silo su saruannu ngaran Rasannu Mawu. Ne nasuete patattahia leta'a udde.

1 SAMUEL 1:3

Suapan mattonna i Elkana manantangngu Rama inai mattaṛṛamawu su Silo wuṛṛu mangonggolu sasamba su Mawu Apan Lembontaṛṛino. Apan naola'a imammu Mawu su Silo eteudde i Hofni wuṛṛu i Pinehas, al᷊aṛṛana'i Eli.

YEREMIA 26:6

Amungkangngu i yamiu sidutu uatatana'a lullawangnga, wal᷊en patataṛṛamawuanna indi sarun Ta'u olanna ere Silo, na'oman sara anambon araratuanna su runia mappaattu arannu soan Yerusalem indi maola'a wawontoga.”

DARALO 78:66

I Tou napatal᷊angngu manga seen-Ne, wuṛṛu namaddon mangitou sarangkal᷊o'engnge.

1 MARARATU 14:2

I Yerobeam nabbisarate su awingnge, “Pandiahite inai watukku Silo su wal᷊en Nabi Ahia apan dorone nabbisara manungku i ya'u sarun maola'a ratun Israel. Arawe pa'ilal᷊ihidda tadea'u taumata wagga isai i'o.

1 MARARATU 2:27

Ana see i Salomo napaaddo Abyatar wuassu imam. Ringannu inolaanni Salomo udde apa apan buatte niwal᷊o Mawu su Silo su ola'u papalunni Imam Eli naola'e niasingkatanna.

1 SAMUEL 1:24

Napawe i Samuel nila'asse, i tou niuntudden inangnge watukku Wal᷊en Mawu su Silo. Sutempo udde i tou ta'e addio'a. I Hana nangapiddu sapi esakka uukke tallu tonna, gandumma mapul᷊o su kilone, wuṛṛu sambau pato'a wuassu pisi apan napenen anggore.

MAL᷊AṚṚUUNGNGA 18:31

Paal᷊uanna sassubbanna niola'i Mikha sidutu uaraddo su Lais su al᷊annune Rasannu Mawu ta'e udde su Silo.

1 MARARATU 14:4

Ne inaite awingngi Yerobeam watukku wal᷊en Nabi Ahia su Silo. Nabi udde tate maaillal᷊a ana waugu i tou tumaniten timmade atonna.

MAL᷊AṚṚUUNGNGA 21:19

“Arendi,” unni mangitou, “pia dal᷊anna mapia, eteudde sutempo ramean santonna hunan Mawu su Silo.” (Su samba'an timukka wuassu Silo indi pia soan Betel, wuṛṛu su samba'an waṛṛatta pia dal᷊anna wahewalla wuassu Betel watukku Sikhem, wuṛṛu lai su samba'an sawannakka pia soa Lebona.)

WATTI'U MANGA RASUL 7:45

See rasanna udde niapiddu iupungngu al᷊amonang kite su tempo i mangitou wuṛṛu i Yosua inai mangaṛṛo wanuang kite indi wuassu tatahuanannu manga walahanna apan nilimbuaṛṛannu Ruata su saruanni mangitou. Rasanna udde uaraddo isudde na'oman sara i Daud.

YOSUA 18:2

Ta'e pia pitu ṛuangannu Israel apan taambe naasomba tahia leta'a.

YOSUA 18:8

Ne i Yosua nangonggolu manga tatantiro indi su manga taumata udde, “Roote pa'ellega ahewallu wanua indi ola'ete hambarannu manga passaranne; wua'udde rantate pabelengnga apia ringangku. Mantewe i ya'u mangundi isindi su Silo tadea'u maasingkatta apa apan itantunnu Mawu si yamiu.” Napawe naasengkampe manga tatantiro udde wuassi Yosua, i mangitou inaite namarikissa leta'a udde.

2 SAMUEL 7:6

Ro'en walahannu Israel Ta'u nipallossa wuassu Mesir naddatingngu orassa indi, taambe saran paassa i Ya'u natana'a su sambau wal᷊en, arawe sidutu mammal᷊intadda wuṛṛu mattana'a su sambau rasanna.

NEHEMIA 9:24

Papapulunni mangitou namaddon leta'u Kanaan; tumanangnge poiaroddi niapasuṛṛubawa-Nu. Uman-Nu I'o nangonggollu taṛṛino walate apulun naungnge su saruannu manga walahanna Kanaan wuṛṛu manga ratune.

DARALO 78:60

I Tou nanantangngu rasan-Ne su Silo, tampa atatanaan-Ne suwallatu taumata.

YEREMIA 26:9

Waṛṛani atonna i'o mabbisara sulal᷊ummu arannu Mawu manungku Wal᷊en-Ne indi sarun maola'a ere Silo, wuṛṛu amungkangngu soa indi sarun ṛimunsaanna wuṛṛu maola'a tampa apan tawe atanaanna lai.” Wua'udde niṛṛimpulanannu awadaalla.

YEREMIA 41:5

nirumantate siri ual᷊un pul᷊o taumata wuassu Sikhem, Silo, wuṛṛu Samaria. I mangitou buatte nangiṛṛi omengnga, nanggesa'a laubba, wuṛṛu ringannu mannatta'a awa'i mangitou. I mangitou uaapiddu gandumma wuṛṛu kemenyan ionggolla su Wal᷊en Mawu.

REENGANNA 32:22

na'oman sara wanua udde sumallunga si Tou, ne i yamiu wotongngete mapul᷊e, ne i yamiu nal᷊iute wuassu manaranu su saruannu Mawu wuṛṛu su saruannu manga uṛṛangngu, wuṛṛu Mawu sarun mangonggolu leta'a su samba'an da'i indi maola'a pussaanu.

YOSUA 22:19

Amungkangngu wageangngu letangngu udde lal᷊eo wuṛṛu tawe su tampane olaanna tampan patataṛṛamawuanna su Mawu, pangingkate inawarendi su wageangngu leta'u Mawu, isindi pia Dasannu Mawu. Padorongke samba'a wuassu wageangngi yami, arawe ariete lumawangnga Mawu ara'e lumawangnga si yami manamban sambau mezbah waine, ewe'e piate mezbah Mawu Ruatan kite.

MAL᷊AṚṚUUNGNGA 21:12

Ne suwallatu manga taumata apan uatana'a su Yabes udde, i mangitou naasomba 400 maṛuala apan ta'e pwerawanna. I mangitou nangapiddu manga maṛuala udde watukku paddasananna su Silo apan addone su wanua Kanaan.