YOSUA 16:7 - WUKE SUSI WATTI'U AL᷊AL᷊USASSA

⁷ Wua'isudde akkita udde sumossokka watukku Atarot wuṛṛu Naharat, ana see masal᷊a rumurukka Yerikho wuṛṛu masue su Sal᷊ukku Yordan.

YOSUA 16:7 Referans Kwoze

1 TAWARIKH 7:28

Wageangngu leta'a apan nionggola maola'a atatanaanni mangitou eteudde wuassu Betel maddatingngu araune sara Naaran su samba'an ra'i, wuṛṛu su Gezer su samba'an waṛṛatta see lai manga ampungnga maranin manga soa udde. Sulalummu wageangngu leta'a udde nasutta lai soan Sikhem wuṛṛu Aya, see lai manga ampungnga maranine.

YOSUA 6:26

Su tempo udde i Yosua napaasabangu sasingadda indi, “Suapan isai apan pia apulu mapararisikku apia soan Yerikho indi, sarun aṛṛinoannu wawontogu Mawu. Isai apan mangaddon rapappake sarun awul᷊iannu ana'a pahul᷊une wuṛṛu isai apan mangele manga ngarane sarun awul᷊iannu ana'a ṛembonne.”

YOSUA 6:1

Su soan Yerikho manga ngara pasellanganna rariagante ringannu matohassa wuṛṛu niṛṛuudda masaga-sagada tadea'u taumatan Israel tawe maasutta. Tawe saran sangkatou apan iwala sumutta ara'e sumabbanga su soa udde.

YOSUA 3:16

orassa udde lai ua'en sal᷊ukka nattaalla. Marau su ul᷊un sal᷊ukka, ua'ene uaammula su Adam, sambau soa apan addone su sambaan soa Sartan. Ua'e su wageangngu enggesanne apan mangngelekka watukku tahal᷊oangnga Nate tate mangngelekka, na'oman sara ṛuangannu Israel wotongngete ma'aamatta su leta'a mamara uasaruanna soan Yerikho. Manga imam apan uapasanna Wantalu Pa'aire udde sidutu uarisikka su pattangngannu sal᷊ukka na'oman sara ṛuangannu Israel naal᷊ewesse abbi su samba'a.

YOSUA 16:6

ana see masal᷊a watukku Tahal᷊oangnga Tangngane. Mikmetat addone su samba'an sawannakka. Su samba'an ra'i, akkitu passaranna udde mabbeṛṛo watukku Taanat-Silo, ana see sumabbi wuassu samba'an ra'i, mattudda watukku Yanoah.