YOSUA 13:33 - WUKE SUSI WATTI'U AL᷊AL᷊USASSA

³³ Arawe ṛuanganni Lewi tawe naasomba leta'a saran kadio'a wuassi Musa. I Musa nabbisara si mangitou manungku tahia apan nionggola si mangitou eteudde wuassu manga sasamba apan nionggola su Mawu Ruatan Israel.

YOSUA 13:33 Referans Kwoze

YOSUA 18:7

Tumba'u ṛuanganni Lewi tawe maassomba tahia leta'a suadio'a ringanni yamiu, ana waugu wageangngi mangitou eteudde maola'a manga imam mangangimbe Mawu. Wuṛṛu suola'u ṛuanganni Gad, i Ruben wuṛṛu sangkawageanganna ṛuanganni Manasye, i mangitou buatte nanengkamma wageangnge su samba'a ra'in Sal᷊ukku Yordan. I Musa allangu Mawu, buatte nangonggolu leta'a udde si mangitou.”

YOSUA 13:14

Ṛuanganni Lewi tawe nanengkamma wageangnge leta'a wuassi Musa, ana waugu Mawu buatte nabbal᷊o si Musa manungku wageangngu ṛuanganni Lewi eteudde wuassu manga sasamba itattambunna su mezbah apan ionggola su Mawu Ruatan Israel.

TAHIUL᷊E 10:9

Ana waugu udde ṛuanganni Lewi tawe nanengkamma leta'a pussa'a ere manga ṛuanganna wal᷊ine, ana waugu ete Mawu wageangnga pussa'an mangitou, ere buatte niwal᷊on Mawu Ruatanu si mangitou.)

REENGANNA 18:20

Mawu nabbisara lai si Harun, “I yamiu tawe maasomba pussa'a sarangkadio'a. Su wanua apan nipa'ire-U udde tawe santampa leta'a apan maola'a tatahuanannu. I Ya'u, Mawu, uddewe wageangngu pussa'anu.”

YOSUA 13:32

Etearoddi i Musa nattahia leta'a su samba'a ra'in Yerikho, su samba'an Sal᷊ukku Yordan, su tempo i tou uatana'a su leta'u Moab.

YEHEZKIEL 44:28

Manga imam nanengkamma manara imam udde maola'a wageangnga si mangitou wuassuapa apan Ta'u nionggolla su Israel maṛṛana'a mappulunna. I mangitou imbaṛṛangnga manahuanna manga apa su Israel: Ete i Ya'u darotongngi mangitou.