YOSUA 11:6 - WUKE SUSI WATTI'U AL᷊AL᷊USASSA

⁶ Mawu nabbisara si Yosua, “Arie pa'ata'utti mangitou. Su allo ere indi lai tiṛṛabbi, i mangitou sarangkanambone buatte Ta'u nipate ana waugu Israel. Awal᷊on mangitou sarun Ta'u iapaallome, wuṛṛu manga keretan pangalo mangitou ṛinone soṛṛowanna.”

YOSUA 11:6 Referans Kwoze

YOSUA 10:8

Mawu nabbisara si Yosua, “Arie pa'ata'utti mangitou. Auntunganna buatte Ta'u nionggola si'o, ana waugu tawe sangkatou wuassi mangitou maaro'appa si'o.”

2 SAMUEL 8:4

I Daud naasametta 1.700 su atoune tantara uasa'e awal᷊o wuṛṛu 20.000 su atoune tantara u'amattu ledda. I tou napaallomen anambon awal᷊o, nallambe sambageanganna, natimu su maṛṛasutta keretan pangalo.

1 SAMUEL 11:9

Ana see su daroloṛṛanna wuassu Yabesh niapasingkatta arendi: “Wal᷊oa'a su tumana'u Yabesh, manungku tiṛṛabbi marua allo maṛṛangattu allattune, i mangitou sarun maasomba aontolla.” Napawe tumana'u Yabesh naasengkamma tanata indi, i mangitou lembon lulluassa.

YOSUA 11:9

I Yosua namangalo si mangitou uasul᷊ungngu parentan Mawu; i tou npaal᷊omen mangitou, wuṛṛu nanoṛṛobba manga keretan pangalo mangitou.

HOSEA 14:3

Pabbelengke ringannu Mawu wuṛṛu apira'e aal᷊iomanna indi maola'a sasambanu si Tou, “Mawu, ampungewe al᷊awo'u rosan kami, wuṛṛu sengkampe aal᷊iomanni yami indi, ne i yami sarun maddalo Si'o ere buatte pina'ireng kami.

YESAYA 31:1

Nasilakate taumata apan inai watukku Mesir see maddorongnga sasumbala! I mangitou mangngantima atatohassu tantaran pangalo Mesir ringannu tantaran awal᷊o wuṛṛu awal᷊one mangkatohassa se'e lai keretane manambo. Arawe i mangitou tawe mangimanna Mawu, Ruata na'ukassa su Israel wuṛṛu tawe maisumabala su Mawu.

YESAYA 30:16

Ewe'e i yamiu lai maṛṛingidda mallinda'u watanganni yamiu wuassu seetta ringannu uasa'e awal᷊o apan mal᷊ihakka. Mapia! Atonna i yamiu ṛinone tumal᷊angnga! I yamiu maṛṛingidda awal᷊onu udde mal᷊ihakka tatal᷊angnge, wutte'e manga mangangenggennu mallihaṛṛanna marau tatal᷊angnge.

AMSAL 20:7

Al᷊aṛṛana'a naauntungnga amungkangngu pia iamangnga apan mapia wuṛṛu mabbiakka matul᷊idda.

DARALO 46:11

Wisara-Ne, “Pangillol᷊ote mapapangalo; asingkatawe, i Ya'u indi Ruata, i Ya'u mawantuga suwallatu manga walahanna, mawantuga su ahewallu runia.”

DARALO 46:9

Wette, pa'ellege apa apan nimanaran Mawu; aroddi maatiangnga manara-Ne su runia!

2 TAWARIKH 20:16

Tiṛṛabbi sutempo i mangitou sumaate su lal᷊anna uasendekka su Zis, pangaloite i mangitou. I yamiu sarun masasaruanni mangitou su pentakku wawal᷊anne su saruannu wadda'a maranin Yeruel.

YOSUA 3:5

I Yosua nabbisara su ṛuangannu Israel, “Ṛinone i yamiu mapaaukkasu watangannu ana waugu tiṛṛabbi Mawu sarun ma'ola'a al᷊aṛṛindu'a su pattanganni yamiu.”

TAHIUL᷊E 7:16

Suapan balahanna apan itantillu Mawu Ruatanu sulal᷊ummu taṛṛinonu ṛinone pateanna; arie umakkanni mangitou. Imbaṛṛangnga massubba manga Mawu mangitou, ana waugu pallal᷊aghu udde mandantan asasilaka si yamiu.

YOSUA 11:5

Anambon manga ratu udde na'ammula wuṛṛu suadio'a nirumantta ana see natana'a maranin ana'u Sal᷊ukku Merom tadea'u inai mamangalo Israel.

YOSUA 11:7

Ne i Yosua ringannu anambon tantarane namangalote seetta udde ringannu namaṛṛindu'a maranin ana'u Sal᷊ukku Merom.

MAL᷊AṚṚUUNGNGA 7:9

Ṛabbi udde Mawu nabbisara si Gideon, “Apu'ote, Gideon! Inaite pamangalo paddasanannu taumata Midian. I Ya'u sarun mapaauntungi yamiu wuassi mangitou.

YEHEZKIEL 39:9

Tumana'u manga soan Israel sarun sumabbanga abbi mangammullu manga ahidda apan natantangnga, eteudde allungnga wuṛṛu hal᷊ele, darangeanna wuṛṛu anaanna see ta'inna papuulla. Sarangkanambone udde niola'i mangitou alu papputunganna, wuṛṛu udde wotongnge ipaatta pitu tonna.

NAHUM 2:13

“I Ya'u indi seennu,” unnu Mawu Apan Lembontaṛṛino. “Manga keretanu sarun Ta'u soṛṛowanna abbi. Tantaranu sarun mate sulal᷊ummu pangallo, wuṛṛu i Ya'u sarun manganu al᷊awo'u saranapa apan buatte nianunu wuassu taumata waine. Manga darongngu daroloṛṛannu sarun aringiṛṛanna apia.”

2 MARARATU 6:16

“Arie pa'ata'utta,” sasimbakki Elisa. “Taumata uasamba'a si ite mannamboanne wuassu uasamba'a si mangitou.”

DARALO 46:10

I Tou napaaddon pangalo su ahewallu runia, al᷊ati'anna wuṛṛu tambakka niṛṛimunsang-Nge, manga allunga mal᷊imbulunna nitutung-Nge.