YOSUA 1:8 - WUKE SUSI WATTI'U AL᷊AL᷊USASSA

⁸ Wuken tita udde ṛinone masokka iwasanu su al᷊aṛṛana'-U. Wasa'e wuke udde allo wuṛṛu ṛabbi, tadea'u i'o sidutu tuttuṛṛuta manga tita apan uawoṛṛetta sul᷊alumme. Amungkangu i'o tuttuṛṛuta sarangkanambone udde, ne wiakku sarun mal᷊uassa wuṛṛu maaola'a sarangkanambone.

YOSUA 1:8 Referans Kwoze

DARALO 119:15

I ya'u maapulu mangurumma manga parenta-Nu, wuṛṛu manutukka manga tatantiro-Nu.

DARALO 19:14

Paarauaawe i ya'u wuassu rosa apan nipattatudda, ariewe pabbala'a i ya'u tataṛinoanne. Ne i ya'u naola'e tawe sangkulle, wuṛṛu nal᷊iute wuassu pasasal᷊a mawakkata.

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

AMSAL 3:1

Ariewe paabul᷊iane sarangkanambone apan buatte ta'u niaṛṛa'a si'o, ana'u. Naungewe sidutu parenta'u,

TAHIUL᷊E 29:9

Ne i yamiu ṛinone matammuda tuttuṛṛuta al᷊awo'u pa'aire-Ne indi tadea'u i yamiu mahessi su al᷊awo'u inasaharannu.

YOHANES 14:21

Taumata apan tuttuṛṛutta manga parenta-U wuṛṛu ma'ola'a, i tou marangngu si Ya'u. Iamang-Ku sarun mandangngu taumata apan mandangngu si Ya'u. I Ya'u lai sarun mandangngu taumata udde wuṛṛu mapaal᷊iatta'u riri-U si Tou.”

LUKAS 11:28

Arawe Mawu Yesus sinumimbakka, “Nangillembon lal᷊umanna'a lai su taumata apan maddaringikka wisaran Ruata wuṛṛu mappaamattu al᷊aṛṛang-Nge!”

MATIUS 7:24

“Ei, taumata apan maaringikka wisara-U indi, wuṛṛu tuttuṛṛutta, i tou ere taumata pande apan napararisikku wal᷊ene su wowon batu.

DARALO 119:11

Al᷊aṛṛanang-Ngu ta'u sahipunanna sulal᷊ummu naungku, tadea'u i ya'u tawe marosa su saruan-Nu.

DARALO 119:97

Aroddi arangnguangku tita-Nu; ta'u iraṛṛingidda su al᷊o'engngu allo.

MATIUS 7:21

“Tawe anambon taumata apan mammaggo si Ya'u, ‘Mawu, Mawu,’ sarun maola'a lal᷊oṛṛon araratuannu Ruata, arawe tumba'u manga taumata apan tuttuṛṛutta apulun Iamangku su surga.

YOHANES 13:17

Amungkangngu i yamiu maasingkatten sarangkanambone indi, al᷊al᷊uassa si yamiu apan suete na'ola'a manara udde.

YOSUA 1:7

Tumba'u ṛinone i'o atonna-tonna mangimanna wuṛṛu waṛṛani. I'o ṛinone uanaungnga tadea'u i'o tuttuṛṛuta anambon tita apan nionggoli Musa allang-Ku udde si'o, imbaṛṛangnga abul᷊ianannanu ne i'o sarun ma'aola'a sarangkanambone.

TAHIUL᷊E 30:14

Imbaṛṛangnga maiwal᷊o aroddi, ana waugu parenta udde tumaniten maraninu. I yamiu masingkatte wuṛṛu wotongnge mabbisara su liuddu pua, nariaddi ete ma'ola'a.

TAHIUL᷊E 5:29

Ore amungkangngu i mangitou sidutu uapendamma aroddi! Ore amungkangngu i mangitou sidutu mangngadatta si Ya'u wuṛṛu tuttuṛṛutta anambon tita-U, na'oman sara i mangitou wuṛṛu papapulunni mangitou su al᷊al᷊uassa saran mal᷊annu-l᷊annu!

DARALO 119:99

Pasasunna'u nangillembo wuassu pasasunnan manga huru'u, ana waugu i ya'u maṛingiddu manga parenta-Nu.

YESAYA 59:21

I Ya'u nakkiinnu pa'aire ringanni yamiu: I yamiu onggol᷊annu taṛṛino-U wuṛṛu al᷊aṛṛa-U saran mal᷊annu-l᷊annu. Ara'e lai ionggolla su manga anangngu tadea'u i mangitou lai wotongnge mangaṛṛa'u udde su ana'a pulunne orassa indi maddatingngu saran mal᷊annu-l᷊annu.”

TAHIUL᷊E 5:32

Tuṛṛa-tuṛṛangku, paatuṛṛutta ringannu mapia al᷊awo'u parentan Mawu Ruatanu si'o. Imbaṛṛangnga lumawangnga saran sambau wuassu manga parenta udde.

TAHIUL᷊E 31:11

i yamiu ṛinone mabbasa manga tita indi ringannu tingikka ma'ikkata su manga taumatan Israel apan dumanta massubba Mawu Ruatanu su tampa apan nipile-Ne.

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.

MATIUS 12:35

Taumata apan mapia mannaggon inolaanna apan mapia, ana waugu i tou napenen apapia.

DARALO 40:10

Sulal᷊ummu ammul᷊annu al᷊aṛṛanang-Ngu i ya'u mammasingkatu watti'u al᷊al᷊uassa manungku I'o buatte nanal᷊amatta si yami. Ringannu tawe illil᷊one olangnge udde iapasingkata, I'o masingkatu sarangkanambone udde, oh Mawu.

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

SONDAPPA 22:14

Lal᷊umanna'a su taumata apan nabbansala jubahne na'oman sara nawaresi, ana waugu i mangitou wotongnge umanna wuassu alum pabbawiakka wuṛṛu sumutta sulal᷊ummu soa udde sumabbi ngarane.

PANDARIADDI 24:63

Su sambau wawallo i tou sinumabbangnga wuassu rasanne inai u'a'amatta su wawail᷊anne, ana see i tou naasilo manga unta inawarea.

TAHIUL᷊E 31:24

Ana see i Musa namoṛṛettu titan Duata sulal᷊ammu sambau wuke. I tou namoṛṛetta ringannu maadunna wuassu panattaṛṛanne naddatingngu panginsueanne.

YOSUA 8:34

Wua'udde i Yosua nabbasa ma'ikka-ikkata anambon tita ere uawoṛṛeta sulal᷊ummu Wuken Tita, nasutta manga al᷊amatta wuṛṛu manga wawontoga.

TAHIUL᷊E 5:1

I Musa nangammulu anambon balahanna Israel, ana see nabbisara si mangitou, “Manga tuṛṛangnga, paddaringikke manga tita apan ta'u ionggola allo indi. Urumete manga tita udde, wuṛṛu paatuṛṛutte ringannu maadunna.

TAHIUL᷊E 29:8

Leta'i mangitou niaṛṛon kite wuṛṛu tinahian kite su ṛuanganni Ruben, i Gad wuṛṛu sambageanganna ṛuanganni Manasye.

2 TAWARIKH 26:5

Zakharia eteudde sangkatou mananantiro su pangangimanne. Su al᷊o'engngu i Zakharia ta'e mabbiakka, Uzia ringannu matuṛṛutta mattaṛṛamawu Mawu na'oman sara Mawu nangal᷊amatta si tou.