YOHANES 9:39 - WUKE SUSI WATTI'U AL᷊AL᷊USASSA

³⁹ Mawu Yesus nabbisara, “I Ya'u nirumanta su runia indi, makkuungngu taumata; tadea'u taumata wuta wotongnge maasilo, wuṛṛu taumata ma'asilo, maola'a wuta.”

YOHANES 9:39 Referans Kwoze

YOHANES 3:19

I Tou niapaasal᷊a ana waugu inolaanna indi: Asasemakka udde nirumantate su runia, arawe taumata lembo maapulun ararandumma wuassu asasemakka, ana waugu pallal᷊agu mangitou lal᷊eo.

YOHANES 12:46

I Ya'u nirumanta su runia indi maola'a sambau asasemakka, tadea'u anambon taumata apan mangngimanna si Ya'u tawe matana'a sulal᷊ummu ararandumma.

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

1 YOHANES 2:11

Arawe taumata apan maddantinnu tuṛṛangnge, udde sulal᷊ummu araranduma. I tou u'amatta sulal᷊ummu araranduma, wuṛṛu wagga watukuapa amatanne, ana waugu araranduma udde naawuta si tou.

LUKAS 4:18

“Ghaṛṛaho Mawu sidutu ringang-Ku, ana waugu i Tou suete namile si Ya'u iapapasingkattu Watti'u Al᷊al᷊uassa su taumata asiangnga. I Tou nandolo-U iapawatti'u pamamallossa su taumatan ṛuumanna wuṛṛu aaul᷊e su taumata wuta; wuṛṛu ipamallossu taumata allangnga

LUKAS 1:79

aroddiwe lai Tou nangonggolu semak-Ke su anambon taumata apan mabbiakka sulal᷊ummu ararandumma wuṛṛu su atata'utta. I Tou mangngehetta si ite su lal᷊anna apan matudda m paddarame.”

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

EFESUS 5:14

Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”

YOHANES 9:25

“Apa i Tou marosa ara'e tawe,” sasimbakku taumata udde, “i ya'u wagga. Arawe ete sambau asingkatangku; i ya'u dorone wuta, arawe orassa indi ya'u naasilote.”

YOHANES 8:15

I yamiu mammarikissa taumata ringannu apulun taumata; i Ya'u tawe mamarikissa saran sangkatou.

YOHANES 3:17

Ana waugu Ruata nandolokku Anang-Nge wal᷊ine maṛṛuungngu runia indi, arawe manal᷊amatta runia indi.

LUKAS 13:30

Atonna-tonna, pia taumata panginsueanne sarun maola'a taumata paarorone, wuṛṛu pia taumata apan paarorone sarun maola'a panginsueanne.”

LUKAS 7:21

Su tempo udde, Mawu Yesus napaapian taumata nambo, wuṛṛu nallimbuakka anambon ghaṛṛaho lal᷊eo see na'ola'a taumata wuta naasilo.

LUKAS 2:34

I Simeon nangal᷊amatta si mangitou wuṛṛu nabbisara si Maria, inangngu ana'a udde, “Ana'a indi suete nipilen Ruata sarun mamate wuṛṛu manal᷊amatta anambon taumatan Israel. I Tou sarun maola'a tatiala wuassu Ruata, apan sarun ipaseettu taumata nambo,

MATIUS 11:5

Taumata wuta naasilo, taumata lome naa'amatta, taumata raddangnge paro napia, taumata wengella naaringikka, taumata nate nabbiakka apia, wuṛṛu Watti'u Al᷊al᷊uassa wuassu Ruata niapasingkatta su manga taumata asiangnga.

MATIUS 6:23

Arawe amungkangngu matanu mal᷊abukka, ahewallu wadangngu marandumma lai. Nariaddi amungkangngu sol᷊o sulal᷊ummu wadangnga udde marandumma, lembo nabbasa lai ararandumma udde!”

YESAYA 44:18

Tumaniten boddo manga taumata ereudde! I mangitou mannutubbu mata wuṛṛu naungngi mangitou na'oman sara tawe maasunna manga apa.

YESAYA 6:9

Ana see i Tou nandolo'u inai mangapiddu tanata indi su taumata: “I yamiu sidutu maddaringikka, arawe tawe maasunna. I yamiu sidutu mannutukka, arawe wagga apate apan sarun mariaddi.”

2 TESALONIKA 2:10

I tou sarun mappaattu al᷊awo'u awusune apan lal᷊eo ipangal᷊iwu manga taumata apan sarun mate. I mangitou sarun mate ana waugu tawe maddaringikka wuṛṛu maddirin wattia'a apan naṛṛino wuassu Ruata apan wotongnge manal᷊amatta si mangitou.

YESAYA 29:10

Mawu na'ola'a si yamiu a'amatiil᷊anna wuṛṛu mattiilla mal᷊angnga. I Tou nanaappa mata manga nabi wuṛṛu nallindumma hati manga taṛṛa pasi'atta.

YEHEZKIEL 12:2

“Ei taumata apan mattate, i'o uatana'a suwallattu manga taumata mal᷊awangnga. I mangitou pia mata, arawe tawe maasilo; pia tal᷊inga, arawe tawe maaringikka, ana waugu i mangitou apulune lullawangnga.

MATIUS 15:14

Ariete maddaringikka manga taumatan Farisi udde. I mangitou udde mangngehetta taumata wuta; wuṛṛu amungkangngu taumata wuta mangehetta taumata wuta, itarua sarun manawo sulal᷊ummu loṛṛangnga.”

YOHANES 12:31

Tempone nia'omante runia parikisanna; orassa indi tembonannu runia tate ipaatta.