YOHANES 9:29 - WUKE SUSI WATTI'U AL᷊AL᷊USASSA

²⁹ I yami masingkatta manungku Ruata suete nabbisara si Musa. Arawe su ola'u taumata udde, i yami wagga wuassuapa inarantan-Ne.”

YOHANES 9:29 Referans Kwoze

YOHANES 8:14

Mawu Yesus sinumimbakka, “Salaiwe i Ya'u mangngonggolu tatiala su ola'u riri-U sassane, tatiala-U udde atonna; ana waugu i Ya'u masingkatta wuassuapa i Ya'u nirumanta wuṛṛu watukku apa i Ya'u inai. I yamiu wagga wuassuapa i Ya'u nirumanta wuṛṛu watukku apa i Ya'u inai.

WATTI'U MANGA RASUL 26:22

Arawe na'oman sara orassa indi ya'u mangke su lu'addu Ruata, na'oman sara lai ya'u wotongnge dirumarisikka isindi mangonggolu tiala'u su anambon taumata – timmade ara'e dario'a. Apa apan iwabatti'u indi tawe paddaṛṛalanne wuassu apa apan suete niapasingkattu manga nabi wuṛṛu i Musa;

WATTI'U MANGA RASUL 22:22

Manga taumata ta'e sidutu uararingikka si Paulus mabbisara, arawe su wisara apan pangudusanne i mangitou inumui ma'ikkatta, “Pate taumata ereudde. Tawe ṛinone i tou mabbiakka!”

WATTI'U MANGA RASUL 7:35

I Musa indi Musa apan tawe nia'um balagu Israel wuṛṛu nito'e ringannu wisara indi, ‘Isai suete namile si'o maola'a piaṛṛa'a wuṛṛu mallaṛṛuungngi yami?’ Arawe ete i tou taumata apan nirolokku Ruata maola'a piaṛṛangnge wuṛṛu mananal᷊amatta, ringannu sasumbala mala'ekatta apan nirumanta ringanni tou su anggaṛṛumunanne apan lukkenggamma udde.

YOHANES 9:24

See i mangitou namago apia taumata apan tanginna wuta udde, wuṛṛu nabbisara si tou, “Passalute manungku i'o mabbisara su ṛinone. I yami masingkatta taumata udde taumata marosa.”

YOHANES 9:16

Manga pira su wallattu manga taumatan Farisi udde nabbisara, “Tawe mariaddi taumata na'ola'a indi darantane wuassu Ruata, ana waugu i Tou tawe mallaghun allon Sabatta.” Arawe taumata waine lai mabbisara, “Tawe mariaddi taumata marosa wotongnge maaola'a manga al᷊aṛṛindu'a ereindi?” See nasapputte patatatiakka su wallattu addapatti mangitou.

YOHANES 7:27

Arawe amungkangngu Ratum Punnu Sal᷊amatta udde rumanta, tawe saran sangkatou maasingkatta wuassuapa atatanaan-Ne! Sumbal᷊i i ite masingkatta wuassuapa darantane taumata indi.”

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

LUKAS 23:2

Isudde i mangitou mapaasal᷊an Tou. I mangitou mabbisara, “I yami naaratingnga taumata indi mangngal᷊iwun lal᷊oṛṛon soa. I Tou mandolokku taumata tadea'u tawe mamaekka wose su Kaisar, ana waugu i Tou mabal᷊o manungku ete i Tou i Kristus, sangkatou ratu.”

MATIUS 26:61

I mangitou nabbisara, “Taumata indi mabbisara, ‘I Ya'u wotongnge mapaaṛṛa'an Bal᷊e Mawu, wuṛṛu sulal᷊ummu tallu allo wotongnge mapararisikka apia.’ ”

MATIUS 12:24

Su tempo manga taumatan Farisi naaringikka aroddi, i mangitou sinumimbakka, “Taumata indi tumba'u wotongnge mallimbuakka ghaṛṛaho lal᷊eo, ana waugu i Beelzebul, tembonannu manga ghaṛṛaho lal᷊eo, suete nangagillu taṛṛino udde si Tou.”

MALEAKHI 4:4

Naungete manga al᷊aṛṛa'u allang-Ku Musa, naungete manga tita wuṛṛu manga parenta apan Ta'u nionggolla si tou su Wowon Sinai tadea'u tattuṛṛutannu anambon umattu Israel.

DARALO 106:16

Su wadda'a udde i mangitou naungnge lal᷊eo si Musa wuṛṛu si Harun allang-Nge apan susi.

DARALO 105:26

Ana see i Tou nandolokki Musa allang-Nge wuṛṛu i Harun taumata nipile-Ne.

DARALO 103:7

I Tou napal᷊iatta'u ṛiin-Ne si Musa wuṛṛu manga inolaan-Ne su walahannu Israel.

DARALO 22:6

I mangitou sussal᷊ande Si'o wuṛṛu niapaal᷊iu; i mangitou mangngantimma wuṛṛu tawe niapadio'a naungnge.

2 MARARATU 9:11

I Yehu nabelengke apia ringannu manga hawene, ana see i mangitou naiwal᷊o, “Pia batti'a apa? Taumata wewa udde na'ura ringannu?” “Ah, i yamiu masingkatte,” sasimbakki Yehu.

1 MARARATU 22:27

Doloṛṛa'a i mangitou mantaṛṛon tou sulal᷊ummu tuttupanna, wuṛṛu mangonggolla si tou anna wuṛṛu ua'e addio'a ma'oman sara i ya'u mabbelengnga ringannu sal᷊amatta.”

TAHIUL᷊E 34:10

Su Israel tate lai nabi ere i Musa apan uahahatti uasasaruannu Mawu.

REENGANNA 16:28

Ana see i Musa nabbisara, “Ringannu indi yamiu sarun maasingkatta manungku Mawu buatte nandolo'u niapaola'a sarangkanambone indi wuṛṛu manungku udde wal᷊ine apulu'u sassane.

YOHANES 7:28

Wua'udde, tantal᷊anna Mawu Yesus mangngaṛṛa'a su Wal᷊e Mawu, i Tou nangintul᷊i ringannu tingikka ma'ikkatta, “Nariaddi yamiu masingkatta isai i Ya'u indi, wuṛṛu wuassuapa i Ya'u nirumanta? I Ya'u tawe nirumanta ana waugu apulu-U sassane. I Ya'u nirolokki Tou apan pia taṛṛino wotongnge mandolo-U, wuṛṛu i Tou wotongnge apangimananna. Arawe i yamiu tawe maaillal᷊a si Tou.

YOHANES 9:30

Taumata udde sinumimbakka, “Ma'atiangnga atonna manungku i yamiu wagga wuassuapa inarantan-Ne, wuṛṛu see i Tou suete na'ola'a si ya'u naasilo.

IBRANI 1:1

Su tempo rorone Ruata masokka uahahatton iupungngi ite sulal᷊ummu manga nabine ringannu mappaattu anambon dal᷊anna.

IBRANI 1:2

Arawe su tempo panginsueanne indi Tou uahahattong kite sulal᷊ummu Anang-Nge. Sulal᷊ummu Anang-Nge indi Ruata nandiaddi ul᷊ilim pati'uppa. Wuṛṛu Ruata suete nanantuna lai manungku ete Anang-Nge indi apan manahuanna al᷊awo'u sarangkanambone.