YOHANES 8:32 - WUKE SUSI WATTI'U AL᷊AL᷊USASSA

³² ne i yamiu sarun maaillal᷊a Ruata apan naṛṛino, wuṛṛu ana waugu udde i yamiu sarun ipallossa.”

YOHANES 8:32 Referans Kwoze

ROMA 8:2

Ana waugu titan Ghaṛṛahon Duata apan na'ola'a si ite mabbiakka su sambau ringannu Mawu Yesus Kristus apan suete napaal᷊iu'u wuassu tita apan maarosa wuṛṛu maa'ate.

YOHANES 8:36

Ana waugu udde, amungkangngu ana'a mamallossi yamiu, i yamiu atonna-tonna mapallossa.

YOHANES 17:17

Olaawe i mangitou pussa'an Iamangnga sassane sulal᷊ummu atatul᷊idda; wisaran Iamangnga eteudde atatul᷊idda.

1 PETRUS 2:16

Ṛinone i yamiu mabbiakka ere taumata walate apulune, arawe arie mappaatu apulu naungngu udde ipallindumma al᷊al᷊eo, ewe'e pabbiakke ere sangkatou allangngu Ruata.

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

ROMA 6:22

Arawe orassa indi yamiu buatte niapaal᷊iu wuassu rosa, wuṛṛu naola'e allangngu Ruata. Auntungannu eteudde manungku i'o mabbiakka tumba'u hunane su Ruata wuṛṛu su olangnge udde sarun mandantan wiakka tutune wuṛṛu saran mal᷊annu-l᷊annu.

YESAYA 61:1

Taṛṛino Mawu Apan Atanggaṛṛanne indi si ya'u; i Tou namile wuṛṛu nandolo'u iappa'apiddu watti'u al᷊al᷊uassa su taumata asiangnga wuṛṛu iappa'apia taumata apan naungnge natumma'a; iappapasingkatta su taumatan ṛuumanna manungku i mangitou mal᷊ihakke ipallossa, wuṛṛu su manga taumata sulal᷊ummu tuttupanna manungku i mangitou sarun iapasabbangnga.

DARALO 25:5

Aṛṛa'e wuṛṛu tantiroiwe i ya'u su ipabbiakka tuttuṛuṛutta apulu-Nu, ana waugu ete I'o Ruata apan nanal᷊amatta si ya'u, i ya'u sidutu uaantimma Si'o.

YAKOBUS 1:25

Titan Duata nasuungnga wuṛṛu pia taṛṛinone mamallosu taumata. Wuṛṛu taumata apan mammarikissa wuṛṛu mannutukka mapia-pia lapiddu tuttuṛṛutta tita udde, wuṛṛu wal᷊inewe tumba'u maddaringikka see timbul᷊iananna, taumata udde sarun al᷊amatannu Ruata sulal᷊ummu al᷊awo'u inolaanne.

GALATIA 5:1

I ite orassa indi nal᷊iute, ana waugu Kristus buatte namallosi ite! Ana waugu udde paa'agassa apapallosa udde, wuṛṛu ariete pattingka allangnga apia.

YAKOBUS 2:12

Pabbisarate wuṛṛu pa'ola'e ere taumata apan sarun parikisanna tumuṛṛuttu titan Duata apan mamallosu taumata.

GALATIA 5:13

I yamiu suete niwagoanna maola'a taumata apan napallose. Arawe arie mappaattu apapallosi yamiu udde sidutu ma'ola'a apulun naungngi yamiu sassane. Arawe ṛinone i yamiu sidutu uaa'akkana wuṛṛu sidutu uaa'imbe.

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

YOHANES 7:17

Taumata apan matuṛṛutta apulun Ruata, sarun maasingkatta tanne al᷊aṛṛa-U indi darantane wuassu Ruata ara'e wuassia-U sassane.

HOSEA 6:3

Ana waugu udde wette i ite mattinsahadde atonna-tonna ma'illal᷊a Mawu. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

ROMA 8:15

Ana waugu Ghaṛṛaho apan buatte nionggolu Ruata si yamiu, tawe ma'ola'a si yamiu allangnga, ma'oman sara i yamiu mabbiakka sulal᷊ummu atata'utta. Arawe Ghaṛṛahon Duata udde nandiaddi si yamiu maola'a al᷊aṛṛana'u Ruata. Wuṛṛu ringannu taṛṛinon Ghaṛṛahon Duata udde, i ite mammago Ruata “Iamangnga, o Iamangku!”

YOHANES 16:13

Arawe amungkangngu Ghaṛṛaho udde rumanta, eteudde i Tou apan napaal᷊iatta'u atatul᷊iddu Ruata i yamiu sarun ehetan-Ne iapaaillal᷊a anambon apan taṛṛino. I Tou tawe mabbisara wuassu riri-Ne sassane arawe mamasingkattu apa apan suete niaringiṛṛanne, wuṛṛu i Tou namasingkatta si yamiu apa apan sarun mariaddi su allon sal᷊immurine.

YESAYA 30:21

Amungkangngu i yamiu sumewadda wuassu lal᷊anna, su liuddu sarun aringiṛṛanna tingik-Ke apan mabbisara, “Eteindi lal᷊anne; amatte su lal᷊anna indi.”

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

AMSAL 1:23

Paddaringikka si ya'u amungkangu i ya'u managgu si'o, ne ete si'o sarun ta'u iapal᷊iatta'a lal᷊oṛṛon naungku wuṛṛu ta'u iaṛṛa'a asingka'u.

2 TIMOTIUS 3:7

Manga wawine udde sidutu mammiaṛṛa'a, arawe tawe saran paassa maasunna al᷊aṛṛa'a apan atonna wuassu Ruata.

YESAYA 35:8

Poiaroddi sarun pia lal᷊anna wahewalla, “Lal᷊anna matuddan asasal᷊amatta” aranne. Taumata marosa sarun tawe umamatta poiaroddi, taumata woddo sarun tawe mangal᷊iwun taumata umamatta isudde.

DARALO 119:45

Ne i ya'u sarun mabbiakka ringannu tawe sal᷊awange, ana waugu mattinsahadda tuttuṛutta al᷊aṛṛanang-Ngu.

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

AMSAL 1:29

I yamiu naal᷊ihidda taumata apan maddiri maasomba asingkatta, wuṛṛu maddiri tumuṛṛutta Mawu.

YOHANES 6:45

Sulal᷊ummu Wuke Manga Nabi uawoṛṛetta arendi, ‘Anambon taumata sarun tantiroannu Ruata.’ Nariaddi anambon taumata apan madaringikka Iamangnga wuṛṛu mangngurumma wuassi Tou, rumanta ringang-Ku.

YESAYA 54:13

Anambon tumanangngu nabbal᷊i mallal᷊aṛṛenggeng-Ku, i mangitou sarun tawe su awussa ewe'e su lal᷊umanna'a.

YESAYA 2:3

i mangitou sarangkanambone mabbisara, “Wette i ite sumaate su Wuiddu Mawu, watukku wal᷊en Duatan Israel. I Tou sarun mangaṛṛa'a si ite manara apan ṛinone olaanni ite. I ite sarun manantuṛṛutta lal᷊an-Ne, ana waugu al᷊aṛṛa'u Mawu darantane wuassu Yerusalem, i Tou mabbisara wuassu Sion.”

MATIUS 11:29

Tuṛṛutte parenta-U wuṛṛu pattannote pallal᷊agu-U. Ana waugu i Ya'u indi masaṛṛionto'a wuṛṛu mawawo naungnge, ne i yamiu sarun maapendamma asasunge atatahul᷊andimma.

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

1 KORINTUS 7:22

Ana waugu sangkatou allangnga apan buatte nangimanna Mawu, naola'e taumatan Mawu. Wuṛṛu sangkatou apan napallose apan mangngimante Mawu, naola'e allangngi Kristus.

2 YOHANES 1:1

Su Inangnga apan suete nipilen Duata, wuṛṛu su manga al᷊aṛṛana'u Inangnga. Suratta indi wuassi ya'u, piaṛṛa'u jamaatta apan atonna-tonna marangngu si yamiu. Wal᷊ine tumba'u i ya'u, arawe anambon taumata apan maaillal᷊a Ruata apan naṛṛino, marangngu si yamiu lai.

IMAMATTA 25:41

Su tempo udde i tou wuṛṛu manga anangnge wotongnge manantangngu wal᷊enu wuṛṛu mabelengnga ringannu amonanne wuṛṛu watukku leta'u iupungngu al᷊amonane.