YOHANES 8:26 - WUKE SUSI WATTI'U AL᷊AL᷊USASSA

²⁶ Ta'e manambo lai hatto su ola'i yamiu apan Ta'u iwisara wuṛṛu ipamarikissa. Arawe i Tou apan nandolo-U wotongnge apangimananna. Wuṛṛu i Ya'u mamasingkatta su runia apa apan Ta'u niaringiṛṛanna wuassi Tou.”

YOHANES 8:26 Referans Kwoze

YOHANES 15:15

I Ya'u tate lai mamago si yamiu allangnga, ana waugu allangnga wagga apa apan tantal᷊anna mammanarannu mawune. I yamiu wagoangkute hawe, ana waugu sarangkanambone apan niaringiṛṛang-Ku wuassu Iamangnga, suete Ta'u niapaasingkatta si yamiu.

YOHANES 8:40

I Ya'u mamasingkatta si yamiu atatul᷊idda apan niaringiṛṛang-Ku wuassu Ruata, arawe i yamiu maapulu mamate si Ya'u. I Abraham tawe inolaanne ereudde!

YOHANES 17:8

Suete Ta'u niapaasingkatta si mangitou wisaran Iamangnga apan nionggolu Iamangnga si Ya'u; wuṛṛu suete nisengkammi mangitou. I mangitou masingkatta manungku i Ya'u atonna-tonna nirumanta wuassu Iamangnga wuṛṛu i mangitou lai mangngimanna manungku ete Iamangnga apan nandolo-U.

YOHANES 7:28

Wua'udde, tantal᷊anna Mawu Yesus mangngaṛṛa'a su Wal᷊e Mawu, i Tou nangintul᷊i ringannu tingikka ma'ikkatta, “Nariaddi yamiu masingkatta isai i Ya'u indi, wuṛṛu wuassuapa i Ya'u nirumanta? I Ya'u tawe nirumanta ana waugu apulu-U sassane. I Ya'u nirolokki Tou apan pia taṛṛino wotongnge mandolo-U, wuṛṛu i Tou wotongnge apangimananna. Arawe i yamiu tawe maaillal᷊a si Tou.

2 KORINTUS 1:18

Ringannu arannu Ruata apan apangngimananna, paaire'u si yamiu wal᷊inewe “Ore” wuṛṛu “Tawe”.

YOHANES 16:12

Manambo lai Ta'u iwal᷊o si yamiu, arawe orassa indi yamiu tawe maasengkamma.

YOHANES 7:16

Mawu Yesus sinumimbakka, “Apan Ta'u ia'aṛṛa'a indi wal᷊inewe al᷊aṛṛa-U arawe al᷊aṛṛa'i Tou apan nandolo-U.

YOHANES 3:11

Pangimante: i yami mabbisara tumba'u apa apan asingkatanni ami, wuṛṛu i yami mattiala tumba'u su ola'u apa apan niasiloanni ami; arawe i yamiu maddiri mangngimanna tatiala wuassi ami.

YOHANES 8:25

“Ṛinone isai I'o?” aiwal᷊o mangitou. Mawu Yesus sinumimbakka, “Ipa'ura maggahatong kamiu apia!

YOHANES 8:27

I mangitou tawe maasunna manungku i Tou tantal᷊anna mabbisara si mangitou su ola'u Iamangnga.

YOHANES 18:20

Mawu Yesus sinumimbakka, “I Ya'u sidutu mabbisara ringannu uahahati su saruannu awadaalla. I Ya'u sidutu mangngaṛṛa'a su manga wal᷊em pattataṛṛamawuanna wuṛṛu su Wal᷊e Ruata, su tampan taumatan Yahudi wiasane maammula. Taambe saran paassa i Ya'u mabbisara ringannu itattullampingnga.