YOHANES 8:12 - WUKE SUSI WATTI'U AL᷊AL᷊USASSA

¹² Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

YOHANES 8:12 Referans Kwoze

YOHANES 12:46

I Ya'u nirumanta su runia indi maola'a sambau asasemakka, tadea'u anambon taumata apan mangngimanna si Ya'u tawe matana'a sulal᷊ummu ararandumma.

YOHANES 9:5

Tantal᷊anna i Ya'u ta'e su runia indi, ete i Ya'u asasemakku runia.”

YOHANES 12:35

Mawu Yesus sinumimbakka, “Tumba'u tantal᷊anna adio'a semakka udde su wallatti yamiu. Nariaddi amatte tantal᷊anna semakka udde ta'e pia, tadea'u i yamiu tawe aratingannu randumma. Taumata apan u'amatta su ararandumma wagga suapa pattudanne.

MATIUS 5:14

Ete i yamiu uddewe asasemakku runia. Soa apan uaaddo su wuidda tawe iawuni.

AYUB 33:28

Ruata naninga'u inai su runian taumata nate, na'oman sara i ya'u ta'e wiakka naddatingngu orassa indi.

YOHANES 3:19

I Tou niapaasal᷊a ana waugu inolaanna indi: Asasemakka udde nirumantate su runia, arawe taumata lembo maapulun ararandumma wuassu asasemakka, ana waugu pallal᷊agu mangitou lal᷊eo.

DARALO 18:28

Taumata apan naungnge mawawo I'o nanal᷊amatta, arawe taumata mawunga niapasuṛṛubawa-Nu.

YESAYA 9:2

Mawu, I'o nangonggolla si mangitou al᷊al᷊uassa apan bahewalla, I'o na'ola'a si mangitou huggio. I mangitou lullala'a ana waugu apapia-Nu, naal᷊ihidda taumata apan lulluassa sutempo mangitingnga, ara'e mattahia ul᷊e niaaṛṛo.

2 PETRUS 2:4

Manga mala'ekatta apan marosa lai tawe iwalan Duata mal᷊iu wuassu ṛuumanna, ewe'e iramme sulal᷊ummu naraka. I mangitou iwontola sulal᷊ummu rampissa apan maranduma wuṛṛu taṛṛanganna poiaroddi madatingngu Allo Pamarikisanna.

YESAYA 50:10

Ei i yamiu apan mangngaddatta Mawu, wuṛṛu maddaringikka wisaran allang-Nge, lal᷊anna apan amatanni yamiu asinungka marandumma, wuṛṛu tawe semakka apan mannemakka si yamiu; arawe pangimante Mawu; pangunsandakke su Ruatanu.

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

WATTI'U MANGA RASUL 13:47

Ana waugu indi parenta Mawu si yami: Mawu nabbisara, ‘I Ya'u suete namile si yamiu maola'a semakka su manga taumata waine apan wal᷊ine Yahudi, tadea'u i yamiu mangapiddu asasal᷊amatta su ahewallu runia.’ ”

DARALO 97:11

Semakka nilumapputte su taumata apan naungnge matul᷊idda, wuṛṛu lal᷊uassa su taumata apan mabbiakka su ṛinone.

WATTI'U MANGA RASUL 26:23

eteudde manungku Ratum Punnu Sal᷊amatta apan pina'iren Ruata udde ṛinone matataṛṛangnga, wuṛṛu maola'a taumata paarorone apan mabbiakka apia wuassu papate, tadea'u ringannu udde i Tou wotongnge mamasingkattu asasemakka – eteudde asasal᷊amatta – mapia su manga taumatan Yahudi aroddi lai su manga taumata apan bal᷊ine Yahudi.”

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

YOHANES 7:17

Taumata apan matuṛṛutta apulun Ruata, sarun maasingkatta tanne al᷊aṛṛa-U indi darantane wuassu Ruata ara'e wuassia-U sassane.

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

SONDAPPA 21:24

Manga walahanna su runia sarun umamatta sulal᷊ummu asasemakke, wuṛṛu manga ratu lai sarun mangapiddu pa'a'ala mangitou watukku soa udde.

LUKAS 2:32

naal᷊ihida semakka apan mannemakka lal᷊annu manga walahanna waine, ana see rumanta ringan-Nu; eteudde asasemakka apan mandantan awawantuga su al᷊aṛṛanang-Ngu Israel.”

HOSEA 6:3

Ana waugu udde wette i ite mattinsahadde atonna-tonna ma'illal᷊a Mawu. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

YUDAS 1:13

Ere lai lua'a mal᷊aragga su tahal᷊oangnga lullupa, aroddi lai i mangitou lullupa manga inolaanna apan maasili. I mangitou ere lai manga anumpitanna apan lullallele apan suete nisaddian Duata tampane sulal᷊ummu araranduma apan masaddatta ma'oman sara mal᷊annu-l᷊annu.

2 PETRUS 2:17

Manga huru awusu udde nal᷊ihida ere al᷊imatan kua'e apan namara wuṛṛu naal᷊ihida ere rallamma nitiuppu anginna al᷊isusu. Ruata suete nanaddia tampane, sambau tampa apan tumaniten maranduma.

YUDAS 1:6

Paanaunge lai manga mala'ekatta apan nalliu passarannu taṛṛino mangitou, naoman sara nanantangu tampa atatanaanni mangitou. Ruata namantungu manga mala'ekatta udde ringannu ṛate apan tawe mawu'a, sulal᷊ummu tampa apan marandumma su al᷊ungngu runia. Poiaroddi i mangitou siddutu tataṛṛanganna ma'oman sara i mangitou iṛṛu'umanna su Allo apan wahewalla udde.

DARALO 49:19

Ewe'e amungkangu pia sangkatou naauntunga sulal᷊ummu pabbiaṛṛanne, wuṛṛu mangke raddaloanna ana waugu naauntunga,

YOHANES 12:36

Pangimante su semakka udde, tantal᷊anna semakka udde ta'e ringanni yamiu, tadea'u i yamiu maola'a al᷊aṛṛana'u asasemakka.” Napawe Mawu Yesus suete nabbisara aroddi, i Tou nangingkatte wua isudde wuṛṛu maddirite mattingkapasilom batangan-Ne si mangitou.

1 YOHANES 1:6

Amungkangu i ite mabbisara manungku i ite mabbiakka uaaukka ringanni Tou, arawe i ite mabbiakka su araranduma, ne i ite nangawusu mawae ringannu wisara ara'e lai ringannu pallal᷊agu.