YOHANES 7:30 - WUKE SUSI WATTI'U AL᷊AL᷊USASSA

³⁰ Su tempo udde i mangitou ma'apulu manametta Mawu Yesus, arawe tawedu waṛṛani mangagassa si Tou, ana waugu taambe nia'omanna tempone.

YOHANES 7:30 Referans Kwoze

YOHANES 10:39

I mangitou maddea'a lai manametta Mawu Yesus, arawe i Tou naatal᷊angnga wuassi mangitou.

YOHANES 8:20

Sarangkanambone udde niwisara Mawu Yesus su tempo i Tou tantal᷊anna mangngaṛṛa'a su Wal᷊e Mawu marani manga pangangadoannu roitta sasamba. Arawe tawe saran sangkatou apan nanametta si Tou, ana waugu taambe nia'omanna tempone.

YOHANES 7:6

“Taambe tempone si Ya'u,” unnu Mawu Yesus si mangitou, “arawe si yamiu, suapan tempo udde wotongnge.

YOHANES 7:32

Manga taumatam Farisi naaringikka ereapa taumata nambo udde uasasal᷊imburungnga su ola'u Mawu Yesus. Ana waugu udde su sampunna ringannu manga imam tembonanne, i mangitou nandolokku manga pira mandariaga Wal᷊e Mawu inai manametta Mawu Yesus.

YOHANES 11:57

I mangitou nabbisara aroddi ana waugu manga imam tembonanne wuṛṛu manga taumatan Farisi suete namarenta manungku taumata apan masingkattu tampa Mawu Yesus, ṛinone mabal᷊o tadea'u i Tou wotongnge sametanna.

YOHANES 9:4

Tantal᷊anna ta'e allo, i ite ṛinone mammanara manaran Tou apan nandolo-U. Ṛabbi sarun dumanta, wuṛṛu tawe saran sangkatou apan wotongnge maapammanara.

YOHANES 8:59

See manga taumatan Yahudi nanganute watu ipanuntungnga si Tou; arawe Mawu Yesus na'imbuni, see napul᷊ete nanantangngu Wal᷊e Mawu.

YOHANES 8:37

Atonna i Ya'u masingkatta manungku i yamiu indi papapulunni Abraham. Arawe i yamiu maapulu mamate si Ya'u, ana waugu i yamiu maddiri manarimmattu al᷊aṛṛa-U.

YOHANES 7:19

Wal᷊inewe i Musa suete nangonggolu Titan Ruata si yamiu? Arawe su wallatti yamiu tawedu tinumuṛṛutta Tita udde. Anio i yamiu maapulu mamate si Ya'u?”

YOHANES 7:8

Roote i yamiu sassane su ramea udde. I Ya'u tawe inai ana waugu tempone taambe nia'omanna si Ya'u.”

LUKAS 22:53

Miallo-miallo i Ya'u su sambau ringanni yamiu su Wal᷊e Mawu, arawe i yamiu tawe manametta si Ya'u. Arawe indite tempone i yamiu manametta, su tempo taṛṛinon ararandumma mappaamattu manarane.”

LUKAS 20:19

Manga hurun agama wuṛṛu manga imam tembonanne naasingkatta manungku sasumandingnga udde ipammasendekku Mawu Yesus si mangitou. Ana waugu udde i mangitou pia pandumma manametta si Tou orassa udde lai, arawe i mangitou matta'uttu taumata nambo.

MARKUS 11:18

Manga imam tembonanne wuṛṛu manga hurun agama naaringikka wisara udde. Ne i mangitou nanattakke maddea'a lal᷊anne ipamate Mawu Yesus. I mangitou matta'utti Tou, ana waugu awada'alla naherangnga naaringikka al᷊aṛṛang-Nge.

MATIUS 21:46

Nariaddi i mangitou mangke mappandumma manametta si Tou. Arawe i mangitou matta'uttu taumata nambo, ana waugu taumata nambo udde ma'ellega manungku Mawu Yesus ere sangkatou nabi.

YESAYA 46:10

Wuassu panattaṛṛanne i Ya'u namasingkattu manga apa apan sarun mariaddi sal᷊immurine, ro'en dorone i Ya'u mabbatti'a apa apan sarun mariaddi. Manga wisara-U: Putusang-Ku sarun maola'a, apulu-U sarun Ta'u olaanna!

DARALO 76:10

Napawe I'o dirumarisikka mamarikissa tadea'u manal᷊amatta taumata apan niallangnga su runia.

YOHANES 10:31

See manga taumatan Yahudi namurutta watu ipanuntungnga Mawu Yesus.

MATIUS 12:14

Arawe manga taumatan Farisi nanantangngu wal᷊em pattataṛṛamawuanna udde, see na'irete mamate Mawu Yesus.