YOHANES 6:7 - WUKE SUSI WATTI'U AL᷊AL᷊USASSA

⁷ I Filipus sinumimbakka, “Roti aregane rua ṛasutta roitta sal᷊a'a, tawe maattiudda su manga taumata indi, salaiwe sangkatou tumba'u maabba'a adio'a.”

YOHANES 6:7 Referans Kwoze

MARKUS 6:37

Arawe Mawu Yesus sinumimbakka, “I yamiute sassane papaanni mangitou.” “Uare, apa i yami inai mamalli roti aregane rua ṛasutta roitta sal᷊a'a ana see mapaannu manga taumata indi?” aroddi unnu manga mallal᷊aṛṛenggennu Mawu Yesus.

YOHANES 12:5

“Anio lana mawangngi udde tawe niwal᷊u'a ringannu aregane tallu ṛasutta roitta sal᷊a'a, wuṛṛu roinne ionggolla su taumata asiangnga?”

MATIUS 18:28

Su tempo allangnga udde sinumabangnga, nassombaten hawene, sangkatou allangnga lai apan pia utangnge si tou manga pira ṛiwu. I tou nanamette hawene udde, nangattongnga, wuṛṛu nabbisara, ‘Waeṛṛe al᷊awo'u utangngu!’

2 MARARATU 4:43

arawe allanga udde nabbisara, “Tawe mattiudda su maṛasutta su atoune!” I Elisa sinumimbakka, “Tahiate tadea'u i mangitou umante, ana waugu Mawu nabbisara manungku i mangitou sarun umanna wuṛṛu napawe buatte niumanna ta'e pia lambene.”

YOHANES 1:43

Su allo tiṛṛabbine Mawu Yesus naṛṛawessa inai watukku Galilea. I Tou nassombam Filipus, wuṛṛu nabbisara si tou, “Wette tantalongke si Ya'u!”

YOHANES 1:44

I Filipus inasapputanne wuassu Betsaida, eteudde tampa atatanaanni Andreas wuṛṛu i Petrus.

YOHANES 1:45

I Filipus nassomba Natanael wuṛṛu nabbisara si tou, “Yami suete nassomban taumata apan iwabal᷊o Musa sulal᷊ummu Wuken Titan Ruata, wuṛṛu niapaasingkattu manga nabi. I Tou eteudde Mawu Yesus wuassu Nazaret ana'i Yusuf.”

YOHANES 1:46

Arawe i Natanael sinumimbakka, “Wotongngewe sambau apapia rumanta wuassu Nazaret?” “Wette pa'ellega sassane,” sasimbakki Filipus.

YOHANES 1:48

“Ereapa Iamangnga maaillal᷊a si ya'u?” aiwal᷊o Natanael su Mawu Yesus. Mawu Yesus sinumimbakka, “Tantal᷊anna i Filipus taambe namaggo si'o, i Ya'u naasilote si'o su al᷊ungngu alu ara udde.”