YOHANES 6:36 - WUKE SUSI WATTI'U AL᷊AL᷊USASSA

³⁶ “Arawe ere sueten Ta'u niapaasingkatta si yamiu, salaiwe i yamiu suete naasilo si Ya'u, i yamiu tawe mangngimanna.

YOHANES 6:36 Referans Kwoze

YOHANES 12:37

Salaiwe manambote al᷊aṛṛindu'a apan niola'u Mawu Yesus su saruanni mangitou, i mangitou tawe lai mangngimanna si Tou.

YOHANES 6:26

Mawu Yesus sinumimbakka, “Atonna i yamiu madde'a si Ya'u wal᷊inewe ana waugu i yamiu naasunnate pandumannu manga al᷊arindu'a apan Ta'u niola'a, arawe ana waugu i yamiu suete inumanna na'oman sara nal᷊aidda.

LUKAS 16:31

Arawe i Abraham sinumimbakka, ‘Amungkangngu i mangitou maddiri madaringikka tita Musa wuṛṛu manga nabi, atonna-tonna i mangitou tawe mangngimanna lai, salaiwe pia taumata nate mabbiakka apia.’ ”

YOHANES 15:24

Unnu wisara su pattangnganni mangitou i Ya'u tawe na'ola'a apa apan taambe niola'u taumata waine, i mangitou tawe dosane. Arawe orassa indi i mangitou suete naasilo apa apan suete niola-U, wuṛṛu i mangitou maddanting-Ku wuṛṛu maddantinnu Iamang-Ku lai.

YOHANES 6:64

Arawe pia lai su wallatti yamiu apan tawe mangngimanna.” (Mawu Yesus massingkatte ro'en paarorone isai-sai apan tawe mangngimanna wuṛṛu isai-sai sarun mamate si Tou.)

YOHANES 6:40

Atonna, eteudde apulun Iamang-Ku: Tadea'u anambon taumata maasilo Ana'a wuṛṛu mangngimanna si Tou maasomba wiakka tutune wuṛṛu saran mal᷊annu-l᷊annu, wuṛṛu iapaawiakka apia su Allong Kiamatta.”

YOHANES 6:30

“Amungkangngu aroddi,” unni mangitou, “tatiala apa apan ionggolli Iamangnga tadea'u i yami maasilo wuṛṛu mangngimanna Iamangnga? Apa apan sarun olaannu Iamangnga?

YOHANES 6:37

Anambon taumata apan nionggolu Iamangnga si Ya'u sarun rumanta ringang-Ku. I Ya'u tawe mapawelengngi sai-sai apan rumanta ringang-Ku.