YOHANES 6:35 - WUKE SUSI WATTI'U AL᷊AL᷊USASSA

³⁵ “Ete i Ya'u roti apan mangonggolu wiakka,” unni Mawu Yesus si mangitou. “Taumata apan rumanta ringang-Ku tawe amal᷊unusanna sarangkal᷊o'engnge. Wuṛṛu taumata apan mangngimanna si ya'u tawe marou lai sarangkal᷊o'engnge.”

YOHANES 6:35 Referans Kwoze

SONDAPPA 22:17

Ghaṛṛahon Ruata wuṛṛu Ma'a'awingnga Wawine nabbisara, “Wette!” Suapan taumata apan naaringikka indi ṛinone lai mabbisara, “Wette!” Isai apan marou, ṛinone i tou rumanta! Wuṛṛu isai apan maapulu, ṛinone i tou manganu ua'e apan mangonggolu wiakka udde ringannu tawe bawaekke.

YOHANES 6:41

Manga taumatan Yahudi manattakke sussawutulla su saruannu Mawu Yesus, ana waugu i Tou nabbisara: “I Ya'u roti apan niumonto'a wuassu surga.”

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

SONDAPPA 7:16

I mangitou tate maapendama mal᷊unussa ara'e marou; matannallo ara'e paddisa mapal᷊atta tate maal᷊oso si mangitou,

YOHANES 6:37

Anambon taumata apan nionggolu Iamangnga si Ya'u sarun rumanta ringang-Ku. I Ya'u tawe mapawelengngi sai-sai apan rumanta ringang-Ku.

MATIUS 11:28

Rantate ringang-Ku i yamiu sarangkanambone apan nal᷊otakke, wuṛṛu uapendamma winabbawa mawakkatta; i Ya'u sarun mappaaul᷊eng kamiu.

LUKAS 6:25

Nasilakate i yamiu apan mal᷊aida orassa indi; ana waugu i yamiu sarun amal᷊unusanna! Nasilakate i yamiu apan lullage orassa indi; ana waugu i yamiu sarun masusa wuṛṛu lumuai!

YOHANES 6:65

See Mawu Yesus nabbisara apia, “Ana waugu udde i Ya'u mamasingkatta si yamiu manungku tawe saran sangkatou apan maaranta ringang-Ku, amungkangngu Iamangnga tawe mamala.”

YOHANES 5:40

Arawe i yamiu maddiri rumanta ringang-Ku tadea'u maasomba wiakka apan tawe panguddusanne.

YOHANES 4:15

Wisaran bawine udde, “Mawu, i ya'u onggol᷊eng kua'e udde, tadea'u i ya'u tate lai marou; wuṛṛu tate mabelengnga isindi mania ua'e.”