YOHANES 6:27 - WUKE SUSI WATTI'U AL᷊AL᷊USASSA

²⁷ Arie pammanara ipaddea'a anna apan wotongnge masue wuṛṛu mawukku'a. Pammanarate tadea'u maasomba anna apan tawe mawukku'a wuṛṛu apan mangngonggolu wiakka tutune wuṛṛu saran mal᷊annu-l᷊annu. Anna udde sarun ionggolu Ana'u Taumata si yamiu, ana waugu i Tou suete nitenegu Ruata Iamangnga.”

YOHANES 6:27 Referans Kwoze

KOLOSE 3:2

Timmona'a ṛingiṛṛannu su inolaanna isudde, arie su manga inolaanna su runia.

YESAYA 55:2

Apa hunane mamalli sambau saranapa apan tawe maal᷊uassa naungnga, wuṛṛu mammanara hunan apa apan tawe maal᷊aidda? Tuṛṛutte parenta-Ku, ne i yamiu sarun umanna anna apan mapia, wuṛṛu mattemma anna uaimbe apan matemangnga.

YOHANES 6:54

Taumata apan umanna ṛeme-U wuṛṛu ma'inumma raṛṛa-U maatahuanna wiakka tutune wuṛṛu saran mal᷊annu-l᷊annu wuṛṛu i Ya'u sarun mapaawiakki tou apia su Allong Kiamatta.

2 TIMOTIUS 2:19

Arawe pinangiananne matohassa apan niola'u Ruata, tawe ia'io'a. Su wowone uawoṛṛetta arendi, “Mawu masingkattu manga taumata pussa'a-Ne”, wuṛṛu “Taumata apan mabbisara manungku i tou pussa'an Mawu, taumata udde ṛinone tate ma'ola'a inolaanne apan nassal᷊a”.

YOHANES 6:40

Atonna, eteudde apulun Iamang-Ku: Tadea'u anambon taumata maasilo Ana'a wuṛṛu mangngimanna si Tou maasomba wiakka tutune wuṛṛu saran mal᷊annu-l᷊annu, wuṛṛu iapaawiakka apia su Allong Kiamatta.”

ROMA 6:23

Ana waugu papate udde sombangngu paddarosa; arawe wiakka tutune wuṛṛu saran mal᷊annu-l᷊annu su sambau ringanni Kristus Yesus Mawun kite eteudde aonggolu Ruata si ite ringannu tawe bawal᷊inne.

YOHANES 10:28

I Ya'u mangngonggolu wiakka tutune wuṛṛu saran mal᷊annu-l᷊annu si mangitou, wuṛṛu sarangkal᷊o'engnge i mangitou tawe mate. Tawe saran sangkatou apan botongnge mangaṛṛo si mangitou wuassu lima-U.

YOHANES 6:51

Ete i Ya'u roti apan niumonto'a wuassu surga – roti apan mangonggolu wiakka. Taumata apan umanna roti indi sarun mabbiakka sarangkal᷊o'engnge. Roti apan Ta'u ionggolla ipabiakku taumata su runia eteudde ṛeme-U.”

WATTI'U MANGA RASUL 10:38

Yamiu masingkatta manungku Ruata suete namile Mawu Yesus taumata Nazaret udde wuṛṛu nangonggolu Ghaṛṛaho Ruata wuṛṛu taṛṛino si Tou. I yamiu masingkatta lai manungku Mawu Yesus u'amatta su al᷊awo'u tampa ma'ola'a apapia; i Tou mapaapian taumata apan niasuttannu Setanna, ana waugu Ruata uatantalongnga si Tou.

YOHANES 17:2

Iamangnga suete nangonggolu taṛṛino su Ana'a ipamarenta anambon taumata, tadea'u i Tou mangonggolu wiakka tutune wuṛṛu saran mal᷊annu-l᷊annu su anambon taumata apan nionggolu Iamangnga si Tou.

MATIUS 6:19

“Ariewe mangammullu darotongnga hunam badangngu su runia, isudde wiangnga wuṛṛu tain atta'a mandal᷊eo wuṛṛu manana'o rumanta manna'o.

YOHANES 6:58

Ete indi roti apan niumonto'a wuassu surga: wal᷊ine ere roti apan niannu iupungngu al᷊amonanu. Ana waugu napawe niumanna roti udde, i mangitou nate lai. Arawe taumata apan umanna roti indi sarun mabbiakka sarangkal᷊o'engnge.”

2 PETRUS 1:17

I yami poiaroddi su tempo i Tou niaddatanna wuṛṛu niwantuhannu Ruata Iamangnga. Su tempo udde niaringiṛṛana tingikka wuassu Apan Lembon Mawantuga, nabbisara si Tou, “Ete indi Ana'u arangnguang-Ku. I Tou maal᷊uassa naung-Ku!”

FILIPI 2:13

ana waugu Ruata sassane apan mammanara sulal᷊ummu ririnu ipa'ola'a si yamiu mawala wuṛṛu wotongnge maal᷊uassa naungngu Ruata.

YEREMIA 15:16

I'o mabbisara si ya'u, wuṛṛu naddaringikka suapan iwisara-Nu. I ya'u tatahuanannu, oh Mawu Ruata Apan Lembontaṛṛino, ana waugu udde manga wisara-Nu ma'al᷊uassa wuṛṛu maalal᷊umanna'a si ya'u.

MANNANASE 6:7

Taumata mammanara tumba'u ana waugu anna, arawe i tou tawe maapendamma mal᷊uassa.

1 PETRUS 1:24

Sulal᷊ummu Wuke Susi uawoṛṛetta arendi, “Anambon walahannu taumata ere nannal᷊o, wuṛṛu ahewallu awawantu-Ge ere wungan nannal᷊o. Nannal᷊o tinumolangnga, wungane lai natontonga;

LUKAS 3:22

wuṛṛu Ghaṛṛahon Ruata inumonto'a si Tou ere manu'a merpati. See inaringikka tingikku Ruata nabbisara, “Ete I'o Ana'a arangnguang-Ku. I'o ma'al᷊uassa naung-Ku.”

KOLOSE 1:29

Su ipaddea'a olangnge udde i ya'u mammanara ringannu maṛṛimadda. I ya'u mammanara ringannu ahewallu atatohassa apan nionggoli Kristus si ya'u wuṛṛu apan mammanara sulal᷊ummu wadangku ringannu napenen taṛṛino.

YOHANES 3:33

Taumata apan mangngimanna tatiala-Ne udde, mangnga'u manungku Ruata udde atonna.

WATTI'U MANGA RASUL 2:22

Manga tuṛṛangnga taumatan Israel! Padaringikka wisara'u indi: Mawu Yesus taumata Nazaret udde suete nionggol᷊annu Ruata manara hunang kamiu. Udde natualaga su manga al᷊aṛṛindu'a wuṛṛu inolaanna apan wahewalla apan niola'u Ruata su pattangngani yamiu sulal᷊ummu Mawu Yesus udde. Sarangkanambone udde tuṛṛangnga sassane masingkatta.

YOHANES 6:68

“Mawu,” wisaran Simon Petrus si Tou, “ringanni sai yami sarun inai? Wisara Mawu mangngonggolu wiakka tutune wuṛṛu saran mal᷊annu-l᷊annu.

LUKAS 9:35

Wua'udde wuassu winabbawa udde niaringiṛṛanna tinggikka mabbisara, “Ete indi Ana'u apan Ta'u pinile. Padaringikka si Tou!”

DARALO 40:7

Sasamba wuṛṛu aonggola ipaadiri-Nu, sasamba itattambunna wuṛṛu sasamba papappassa rosa tawe dorongan-Nu. Arawe I'o buatte nangonggolu tal᷊inga si ya'u, apan wotongnge maaringikka tingikku Mawu.

DARALO 2:7

Unnu ratu, “I ya'u maapulu mamasingkattu apa apan buatte nitantunu Mawu. wisara-Ne si ya'u, ‘I'o ana-U esakka, allo indi i Ya'u maola'a Iamangu.

IBRANI 12:16

Paariagai tadea'u tawe piaddu mabbiakka sussandaga ara'e tawe mangadata inolaannu Ghaṛṛaho, ere suete niola'i Esau. I tou nabbal᷊u'u watanganne ere sangkatou ana'a pahul᷊u, ana waugu tumba'u sanlama'a anna.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

IBRANI 4:11

Ana waugu udde, wette i ite maddea'a ringannu atonna-tonna ana see maasengkamma allom pangangillol᷊oanna apan suete nipa'iren Ruata udde. Arie pia sangkatou wuassi ite tawe maasomba ere i mangitou rorone, ana waugu tawe mangngimanna Ruata.

KOLOSE 2:22

Anambon atoranna udde eteudde al᷊awo'u inolaanna apan amungkangngu ipaatta, maola'a tate gunane lai. Udde tumba'u manga atoranna wuṛṛu al᷊aṛṛa'a apan niola'u taumata.

1 KORINTUS 9:2

Amungkangngu lai manga taumata waine maddiri manga'u si ya'u sangkatou rasul, adiongke i yamiu mangnga'u udde! Ana waugu wiakku ere sangkatou taumatan Saṛṛani maola'a tatiala manungku i ya'u sangkatou rasul.

1 KORINTUS 6:13

Piaddu lai mabbisara manungku anna tumba'u hunane su tianna, wuṛṛu tianna nissaddia pangadoannu anna. Arawe itarua udde tawe ipaattu Ruata. Wadangngu taumata tawe wotongnge ipaatta ipa'ola'a sandaga, ewe'e tumba'u hunane ipamantuga Ruata. Wuṛṛu Mawu sarun mappadul᷊i wadangnga udde.

ROMA 4:11

I tou nisunatta murine, wuṛṛu sunatti tou tumba'u maola'a sambau tatiala manungku Ruata buatte nanengkamma si tou maola'a taumata apan maal᷊uassa naungngu Ruata. I tou tinarimmattu Ruata su tempo i tou taambe tinumuṛṛutta atorannu sunatta. Wuṛṛu Abraham naola'a iamangngu manga taumata apan mangngimanna Ruata, wuṛṛu ana waugu i tou suete tinarimmattu Ruata maola'a sangkatou taumata apan maal᷊uassa naung-Nge, salaiwe i mangitou tawe tumuṛṛutta atorannu sunatta.

YOHANES 15:24

Unnu wisara su pattangnganni mangitou i Ya'u tawe na'ola'a apa apan taambe niola'u taumata waine, i mangitou tawe dosane. Arawe orassa indi i mangitou suete naasilo apa apan suete niola-U, wuṛṛu i mangitou maddanting-Ku wuṛṛu maddantinnu Iamang-Ku lai.

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

YOHANES 11:42

I Ya'u masingkatta I'o sidutu uararingikka si Ya'u, arawe I Ya'u mabbisara indi, hunane su manga taumata isindi; tadea'u i mangitou mangngimanna manungku ete I'o apan nandolo-U.”

YOHANES 8:18

Apan mangngonggolu tatiala su ola'u riri-U udde ruang katou – i Ya'u wuṛṛu Iamangnga apan nandolo-U.”

MARKUS 9:7

Wua'udde winabbawa nangooppa si mangitou wuṛṛu wuassu winabbawa udde inaringiṛṛanna tingikka nabbisara, “Ete indi Ana'u apan arangnguanna. Daringiṛṛe i Tou!”

MARKUS 1:11

Wua'udde niaringikka tingikku Ruata nabbisara, “Ete I'o Ana-U apan arangnguang-Ku. I'o ma'al᷊uassa naung-Ku.”

MATIUS 17:5

Tantal᷊anna i Petrus ta'e mabbisara, winabbawa apan masemakka atonna nangooppa si mangitou wuṛṛu wuassu winabbawa udde niaringiṛṛanna tingikka apan nabbisara, “Ete indi Ana'a arangnguang-Ku, i Tou ma'al᷊uassa naung-Ku. Daringiṛṛe i Tou!”

MATIUS 3:17

Wua'udde niaringikka tingikku Ruata nabbisara, “Ete indi Ana'u apan arangnguanna, i Tou ma'al᷊uassa naung-Ku.”

YESAYA 42:1

Wisara Mawu, “Eteindi allang-Ku apan bawawanang-Ku, taumata nipile-Ku apan ma'al᷊uassa naung-Ku. I Ya'u buatte nangonggollu taṛṛino-Ku si tou, ipangapiddu atatul᷊idda su anambon walahanna.

YAKOBUS 1:11

Su tempo matannallo lumapputa ringannu paddisa apan mal᷊oso, ne ahuranganna udde sarun tumolangnga ma'oman sara manontonga wungane wuṛṛu mawul᷊ite lai araṛṛansange. Aroddi lai taumata ala; i tou sarun maṛṛimunsa'a su tempo i tou mappaamattu manarane.

2 KORINTUS 4:18

Ana waugu i yami tawe ma'innunu manga inolaanna apan aasiloanna, arawe apa apan tawe aasiloanna. Apan aasiloanna tumba'u tal᷊an kadio'a, arawe apa apan tawe aasiloanna udde mal᷊annu-l᷊annu sarangkal᷊o'engnge.

MATIUS 8:20

Mawu Yesus sinumimbakka, “Serigala pia loṛṛangnge wuṛṛu manu'u winalanganna pia sal᷊akke, arawe Ana'u Taumata tawe tampa lallalowanganne.”

HABAKUK 2:13

Manga walahanna apan niawaddonu mattinsahadda tawe gunane, al᷊awo'u saranapa apan niapararisikki mangitou nasue niepoddu putungnga. Sarangkanambone uddewe apulun Mawu Apan Lembontaṛṛino.

AMSAL 9:5

“Wette umante ringangku wuṛṛu pattemate anggore apan ta'u niola'a.

MATIUS 25:46

Ne manga taumata udde sarun iṛṛuumanna ringannu ṛuumanna ma'oman sara mal᷊annu-l᷊annu, arawe manga taumata apan tuttuṛṛutta apulun Ruata sarun maapendamma pabbawiakka tutune saran mal᷊annu-l᷊annu.”

YOHANES 3:15

tadea'u taumata nambo apan mangngimanna si Tou maasomba wiakka tutune wuṛṛu saran mal᷊annu-l᷊annu.”

YOHANES 6:47

Paanaunge: Taumata apan mangngimanna, maatahuanna wiakka tutune wuṛṛu saran mal᷊annu-l᷊annu.

YOHANES 6:53

See Mawu Yesus nabbisara si mangitou, “Pangimante: Amungkangngu i yamiu tawe umanna ṛemessu Ana'u Taumata wuṛṛu ma'inumma raṛṛa-Ne, i yamiu atonna-tonna tawe mabbiakka.

YOHANES 6:62

Ereapa olangnge amungkangngu i yamiu maasilo Ana'u Taumata masengkengnga apia su tampane apan paarorone?

TAHIUL᷊E 30:13

Tampane lai wal᷊ine su samba'an tahal᷊oangnga, na'oman sara i yamiu maiwal᷊o, ‘Isai inai su samba'an tahal᷊oangnga mangal᷊appa wuatti ite, tadea'u i ite wotongnge maaringikka wuṛṛu tumuṛṛutta?’