YOHANES 5:28 - WUKE SUSI WATTI'U AL᷊AL᷊USASSA

²⁸ Arie i yamiu tumiangnga maaringikka manga olangnge indi, ana waugu tempone sarun a'omanna manungku taumata nambo apan natete maaringikka tingikke,

YOHANES 5:28 Referans Kwoze

SONDAPPA 20:12

Wuṛṛu i ya'u naasilo manga taumata nate, timmade dario'a, uarisikka su saruannu adderan araratuanna udde. Ne manga wuke niwu'ate. See sambau wuke apan baine niwu'ate, eteudde Wuken Taumata Wiakka. Wua'udde ṛuumanna niema'a su taumata nate, uasul᷊ungngu pallal᷊agune tumuṛṛuttu apan uawoṛṛetta sulal᷊ummu manga wuke udde.

YESAYA 26:19

Uman-Nu apan natete sarun mabbiakka apia, manga winal᷊unanni mangitou sarun mabbangunna apia. Taumata apan buatte nilabbinga sulal᷊ummu leta'a sarun mabbangunna wuṛṛu lumala'a. Naal᷊ihidda wal᷊angngukka apan ma'al᷊uassa runia, I'o napawiakku uman-Nu apan mal᷊annute nate.

FILIPI 3:21

Wadangngi ite apan lome wuṛṛu wotongnge maṛṛenessa indi, sarun wal᷊uanni Kristus maola'a ere wadang-Nge sassane apan mawantuga. I Tou wotongnge ma'ola'a udde ana waugu I Tou uatahuanna taṛṛino mapassuṛṛubawan sarangkanambone.

1 KORINTUS 15:22

Su ereapa anambon taumata nate ana waugu nareengnga su sambau ringanni Adam, aroddi lai sarangkanambone sarun iapaawiakka, ana waugu nareengnga su sambau ringanni Kristus.

HOSEA 13:14

Walahanna indi sarun tawe Ta'u iapasal᷊amatta wuassu taṛṛinon runian taumata nate. Ei papate, paasabbarea'e raddangngu! Amata'e manaranu apan maaṛṛimunsa'a udde! I Ya'u sarun umakkannu walahanna indi apia.

YOHANES 3:7

Arie pa'aherangnga amungkangngu i Ya'u mabbisara: i yamiu sarangkanambone ṛinone iasungkangnga apia.

YOHANES 5:20

Ana waugu Iamangnga mandangngu Ana'a wuṛṛu manantiro si Tou al᷊awo'u inolaan-Ne sassane. Ewe'e lai Iamangnga sarun manantiro si Tou manga inolaanna apan magewal᷊anna lai ma'oman sara i yamiu tumiangnga.

YOHANES 4:21

“Pangimante,” unnu Mawu Yesus si tou, “su sambau tempo taumata sarun massubba Iamangnga, wal᷊ine lai su wuidda indi, wuṛṛu wal᷊ine lai su Yerusalem.

WATTI'U MANGA RASUL 3:12

Napawe i Petrus naasilo manga taumata udde, i tou nabbisara si mangitou, “Ei manga taumatan Israel, anio manga tuṛṛangnga maggerangngu olangnge indi? Anio i yamiu sidutu ua'ellega si yami? Apa i yamiu massunna manungku taumata indi naamatta ana waugu taṛṛino wuassi yami ara'e ana waugu i yami matuṛṛutta Ruata?

DANIEL 12:2

Manambo suwallatti mangitou apan natete sarun tate mabbiakka apia; sambageanganna lai sarun aṛṛiaannu asasusa wuṛṛu atata'utta saran mal᷊annu-l᷊annu lai.

YOHANES 4:23

Arawe tempone sarun dumanta, nirumantate, manungku ringannu taṛṛino Ghaṛṛahon Ruata manga taumata saru massubba Iamangnga maola'a Ruatane apan atonna ere lai ipa'apulun Iamangnga.

YOHANES 5:25

Pangimante: Sarun rumanta tempone – ewe'e nia'omante lai tempone – taumata nate sarun maddaringikka tingikku Ana'u Ruata. Wuṛṛu taumata apan maddaringikka sarun masal᷊amatta.

WATTI'U MANGA RASUL 24:15

Ere lai i mangitou, i ya'u lai pia antimma su Ruata manungku anambon taumata sarun mabbiakka apia wuassu papate – taumata mapia, ara'e lai taumata lal᷊eo!