YOHANES 5:14 - WUKE SUSI WATTI'U AL᷊AL᷊USASSA

¹⁴ Wua'udde Mawu Yesus nassomban taumata udde sulal᷊ummu Wal᷊e Mawu, wuṛṛu nabbisara si tou, “Orassa indi i'o napiate. Arie pa'ola'a rosa apia, tadea'u tawe mamendamma rada'a lembon aral᷊eoanne.”

YOHANES 5:14 Referans Kwoze

YOHANES 8:11

“Tawe, Ama,” sasimbakke. “Aroddite,” unnu Mawu Yesus, “I Ya'u lai tawe makkuumannu. Orassa indi apul᷊ete, imbaṛṛangnga ma'ola'a rosa apia.”]

DARALO 118:18

Mawu buatte nanansara si ya'u ringannu lembone, arawe i Ya'u tawe tinantilli tou su papate.

NEHEMIA 9:28

Arawe napawe wanuane matammudde apia, i mangitou na'ola'e rosa apia. Ne I'o nanantilli mangitou lai su seetta apan mangngallangnga si mangitou. Arawe, sutempo i mangitou maatutukka wuṛṛu sumassilla, i mangitou sumal᷊ande Si'o maddorongnga iapasal᷊amatta. Ne wuassu surga I'o naddaringikka, wuṛṛu masokka-sokka I'o nantul᷊ungnga, ana waugu I'o tuttal᷊antuppi mangitou wuṛṛu lembon marangngu.

MATIUS 12:45

See i tou inaite wuṛṛu nangapiddu pitu ghaṛṛaho waine apan nangillembon aral᷊eone wuassi tou. Wua'udde i mangitou sinumuttate sulal᷊ummu taumata udde, see natana'a isudde. Wuṛṛu panginsueanne taumata udde niatambanna aral᷊eone wuassu paarorone. Udde lai sarun mariaddi su manga taumata lal᷊eo su tempo indi.”

IMAMATTA 26:27

Amungkangu buatte naapendamma ṛuumanna udde sarangkanambone i yamiu ta'e lai sidutu lullawanga si Ya'u wuṛṛu maddiri tumuṛutta si Ya'u,

MARKUS 2:5

Su tempo Mawu Yesus naasilo tumanitem bahewa pangangimanne, i Tou nabbisara taumata lome udde, “Ana'u, manga rosanu suete niampunganna.”

YESAYA 38:20

Mawu, I'o buatte napaapia'u, ne i yami mangantarin daralo su Wal᷊en-Nu ringannu mannengkella kecapi su al᷊o'engngu pabbiaṛṛanni yami.”

DARALO 27:6

Orassa indi i ya'u naauntunga su see'u apan uapal᷊iwutta si ya'u; ne ringannu u'uin lal᷊ala'a i ya'u mangonggolu sasamba aadiangkamanna su Wal᷊en-Nu; i ya'u maapulu mangantari wuṛṛu maddalo Mawu.

YOHANES 5:5

Su tampa udde pia sangkatou esakka apan marada'a tallutem pul᷊o ual᷊u su tonnane al᷊annune.

2 TAWARIKH 28:22

Sulal᷊ummu tempo apan masuṛṛippita udde, i Ahas ewe'e lai aatambanna rosane su saruannu Mawu.

DARALO 9:13

Ana waugu i Tou uanaungnga taumata apan uatatarangnga wuṛṛu tawe maabul᷊in sasal᷊iomanni mangitou; taumata apan lullawangnga sarun iṛṛuuman-Ne.

1 PETRUS 4:3

Su tempo apan nal᷊iu, iamu mal᷊annute maapulu ma'ola'a apa apan a'olaannu manga taumata apan tawe maaillal᷊a Mawu. I yamiu mabbiakka su al᷊al᷊eo. I yamiu tuttuṛṛuta apulu naungnga, mabbu'anna, maddamea, ma'inumma wuṛṛu massubba paal᷊uanna apan maarantinna.

IMAMATTA 7:12

Amungkangngu sasamba udde ionggola ipa'adiangkamanna, ne ringannu winatangnga udde ṛinone ionggola lai roti tawe ragine. Roti udde wotongnge maappala wuassu taponna nilo'annu lanan zaitun, wotongnge lai roti mamara manipissa apan niwuṛṛannu lana, ara'e kukisse wuassu taponna apan niola'a wuassu lanan zaitun.

YOHANES 5:13

Arawe taumata apan napiate udde wagga isai taumatane, ana waugu Mawu Yesus nattingkawul᷊ite su wallattu taumata nambo isudde.

IMAMATTA 13:20

maiparikissa. Amungkangngu attiawu aellehanna mallal᷊umanna wuassu pisi isudde wuṛṛu waṛṛabbisa su wageangnge udde nabbal᷊ite mawira lai, imam ṛinone mamasingkatta taumata udde ma'arantinna. Pinsulla udde panattaṛṛannu radda'a apan ma'ata'utta.

DARALO 18:22

I ya'u tuttuṛṛutta parentan Mawu wuṛṛu tawe tumal᷊iudda Ruata'u.