YOHANES 5:1 - WUKE SUSI WATTI'U AL᷊AL᷊USASSA

¹ Wua'udde pia ramean Yahudi, ne Mawu Yesus inaite watukku Yerusalem.

YOHANES 5:1 Referans Kwoze

TAHIUL᷊E 16:16

Anambon esakku taumatan Israel rinone rumanta massubba Mawu Ruatanu su tampa apan buatte nipile-Ne paatallu santonna, eteudde su Allo Ramean Paskah, su Andeangngu Pangangitinga wuṛṛu Andeangngu Rasannu Rongnga. Suapan taumata ṛinone mangapiddu sasambane,

SASABANGNGA 34:23

Paatallu santonna anambon taumata esakka ṛinone rumanta massubba si Ya'u, Ruatan Israel.

YOHANES 2:13

Napawe Allo Wahewam Paskah Yahudi maranite, Mawu Yesus inaite watukku Yerusalem.

GALATIA 4:4

Arawe napawe su temponete, Ruata mandolokku Anang-Nge su Runia. Anang-Nge udde niasungkanga wuassu sangkatou wawine wuṛṛu mabbiakka su al᷊ungngu parentan titan agama.

MATIUS 3:15

Arawe Mawu Yesus nisumimbakka, “Wala'e aroddi su orassa indi. Ana waugu ringannu aroddi i ite ma'ola'a al᷊awo'u apa apan ipaapulun Ruata.” Nariaddi Yohanes nanaṛṛanite Mawu Yesus.

TAHIUL᷊E 16:1

“Laghua'e Paskah sulal᷊ummu wul᷊anna Abib ipangaddata Mawu Ruatanu, ana waugu sulal᷊ummu wul᷊anna udde, su tempo ṛabbi, i Tou namallossi yamiu wuassu Mesir.