YOHANES 4:48 - WUKE SUSI WATTI'U AL᷊AL᷊USASSA

⁴⁸ Mawu Yesus nabbisara su mammamanaran tembonanne udde, “Amungkangngu i yamiu tawe maasilo manga al᷊aṛṛindu'a, i yamiu tawe mangngimanna.”

YOHANES 4:48 Referans Kwoze

YOHANES 20:29

Ne Mawu Yesus nabbisara si tou, “I'o mangngimanna ana waugu naasilote si Ya'u? Asasal᷊amatta su taumata apan mangngimanna salaiwe tawe naasilo si Ya'u!”

IBRANI 2:4

Su liuddu udde, Ruata mannohassa tatiala manga taumata udde ringannu na'ola'a al᷊awo'u hatin al᷊aṛṛindu'a wuṛṛu manga inolaanna apan bahewalla see lai nattahia manga aonggolu Ghaṛṛahon Ruata tumuṛṛuttu apulu-Ne sassane.

1 KORINTUS 1:22

Taumatan Yahudi madorongnga al᷊aṛṛindu'a maola'a sambau tatiala, wuṛṛu taumatan Yunani tumba'u mappandumma apapanden runia indi.

DANIEL 4:2

I ya'u mappulu mabbatti'u ola'u al᷊aṛṛindu'a wuṛṛu tiala maatiangnga apan buatte niola'u Ruata Apan atanggaṛṛanne si ya'u.

WATTI'U MANGA RASUL 2:22

Manga tuṛṛangnga taumatan Israel! Padaringikka wisara'u indi: Mawu Yesus taumata Nazaret udde suete nionggol᷊annu Ruata manara hunang kamiu. Udde natualaga su manga al᷊aṛṛindu'a wuṛṛu inolaanna apan wahewalla apan niola'u Ruata su pattangngani yamiu sulal᷊ummu Mawu Yesus udde. Sarangkanambone udde tuṛṛangnga sassane masingkatta.

YOHANES 12:37

Salaiwe manambote al᷊aṛṛindu'a apan niola'u Mawu Yesus su saruanni mangitou, i mangitou tawe lai mangngimanna si Tou.

2 KORINTUS 12:12

Manga al᷊aṛṛindu'a wuṛṛu manga inolaanna apan tumaniten wahewalla wuṛṛu manga manara apan wahewalla buatte niapaasilo ringannu sabare si yamiu, ipattiala manungku i ya'u sangkatou rasul.

ROMA 15:19

wuṛṛu manga al᷊aṛṛindu'a wuṛṛu manga inolaanna apan wahewalla; sarangkanambone udde wuassu taṛṛinon Ghaṛṛahon Ruata. Watti'u Al᷊al᷊uassa su ola'u Mawu Yesus suete ta'u niapaasingkatta su anambon taumata, nanattaka wuassu Yerusalem na'oman sara watukku Ilirikum.

WATTI'U MANGA RASUL 14:3

Ana waugu udde i Paulus wuṛṛu i Barnabas natana'a mal᷊annu isudde. Wuṛṛu ringannu waṛṛani i mangitou mabatti'u wisara Mawu. Ne Mawu lai napaal᷊iatta'a manungku watti'i mangitou su ola'u darangngu-Ne udde atonna; i Tou nangonggolu taṛṛino si mangitou ma'ola'a al᷊aṛṛindu'a wuṛṛu inolaanna waine.

MARKUS 13:22

Ana waugu mananal᷊amatta awusu wuṛṛu manga nabi awusu sarun dumanta. I mangitou sarun ma'ola'a al᷊awo'u inolaanna wahahewa wuṛṛu al᷊awo'u al᷊aṛṛindu'a ipangawusu al᷊aṛṛana'u Ruata amungkangngu wotongnge.

MATIUS 24:24

Ana waugu sarun dumanta manga mananal᷊amatta awusu wuṛṛu manga nabi awusu. I mangitou sarun ma'ola'a al᷊awo'u inolaanna apan bahewalla, wuṛṛu manga al᷊aṛṛindu'a ipangawusu, amungkangngu wotongnge, al᷊aṛṛana'u Ruata lai.

WATTI'U MANGA RASUL 2:43

Manambo atonna al᷊aṛṛindu'a apan maarindu'a apan niola'u manga rasul udde na'oman sara manambo taumata naherangnga wuṛṛu nata'utta.

YOHANES 2:18

Manga tembonannu Yahudi sussimbakka Mawu Yesus, unni mangitou, “Annama'a pa'ola'a al᷊aṛṛindu'a maola'a sambau tatiala si yami manungku I'o pia taṛṛino ma'ola'a ereindi.”

LUKAS 16:31

Arawe i Abraham sinumimbakka, ‘Amungkangngu i mangitou maddiri madaringikka tita Musa wuṛṛu manga nabi, atonna-tonna i mangitou tawe mangngimanna lai, salaiwe pia taumata nate mabbiakka apia.’ ”

REENGANNA 14:11

Mawu nabbisara si Musa, “Ta'e pira tempo lai al᷊annune manga taumata indi lullawangnga si Ya'u? Sara tingngera i mangitou maddiri mangimanna si Ya'u, salaiwe i Ya'u buatte na'ola'a aroddi anambone al᷊aṛṛidu'a su wallati mangitou?

2 TESALONIKA 2:9

Taumata lal᷊eo udde sarun rumanta ringannu sambau taṛṛino apan wahewalla wuassu Setanna. I tou sarun ma'ola'a al᷊awo'u hatin al᷊aṛṛindu'a wuṛṛu manga inolaanna apan wahewalla napenen bawahia.

WATTI'U MANGA RASUL 15:12

Ne nallannabe manga taumata apan uaammulla isudde. Wua'udde i mangitou nadaringikka si Barnabas wuṛṛu si Paulus nabbatti'a apia su ola'u anambon al᷊aṛṛindu'a wuṛṛu manga inolaanna apan bahewalla apan suete niola'u Ruata sulal᷊ummi mangitou su wallattu manga taumatan walahanna waine apan wal᷊ine Yahudi.

WATTI'U MANGA RASUL 7:36

Ete i Musa udde apan namiaṛṛa'u walahannu Israel sinumabangnga wuassu Mesir ringannu na'ola'a al᷊aṛṛindu'a wuṛṛu inolaanna apan wahewalla su Mesir, su Tahal᷊oangnga Maṛṛamu wuṛṛu su wadda'a, appatu pul᷊o su tonnane al᷊annune.

WATTI'U MANGA RASUL 6:8

I Stefanus lembo nial᷊amatannu Ruata, na'oman sara i tou ma'ola'a manambo al᷊aṛṛindu'a wuṛṛu inolaanna apan wahewalla su wallattu tumana'u soa.

WATTI'U MANGA RASUL 5:12

Ana waugu pamamanara manga rasul, ne manambo al᷊aṛṛindu'a wuṛṛu manga inolaanna apan wahewalla nariaddi su wallattu lal᷊oṛṛon soa. Ringannu naungnga sambua anambon taumata apan mangngimanna na'ammulla su Panumbal᷊en Salomo su Wal᷊e Mawu.

WATTI'U MANGA RASUL 4:30

Onggol᷊aawe aakannu, tadea'u taumata marada'a iapaapia wuṛṛu manga al᷊aṛṛindu'a see inolaanna apan bahewalla mariaddi wuassu taṛṛino wuṛṛu atatohassa wuassu arannu Mawu Yesus, Allang-Ngu apan na'ukkassa udde.”

WATTI'U MANGA RASUL 2:19

I Ya'u sarun ma'ola'a manga al᷊aṛṛindu'a roso su langitta, wuṛṛu inolaanna apan wahewalla su runia; sarun pia ṛaṛṛa wuṛṛu putungnga, sawudda wuṛṛu timbulla.

YOHANES 15:24

Unnu wisara su pattangnganni mangitou i Ya'u tawe na'ola'a apa apan taambe niola'u taumata waine, i mangitou tawe dosane. Arawe orassa indi i mangitou suete naasilo apa apan suete niola-U, wuṛṛu i mangitou maddanting-Ku wuṛṛu maddantinnu Iamang-Ku lai.

LUKAS 10:18

Mawu Yesus sinumimbakka, “I Ya'u naasilo Setanna nanawo wuassu langitta naal᷊ihida sawallo.

MATIUS 27:42

“I Tou mannal᷊amatta taumata waine, arawe riri-Ne sassane tawe iasal᷊amatti Tou! Amungkangngu i Tou ratun taumatan Israel, mappianne i Tou orassa indi sumossokka wuassu alu arussa udde, wakkute udde i yami mangngimanna si Tou.

MATIUS 16:1

Pia manga pira taumatan Farisi wuṛṛu Saduki nirumanta ringannu Mawu Yesus, pandumanne mapaasal᷊an Tou. I mangitou maddorongnga si Tou ma'ola'a al᷊aṛṛindu'a ipattiala manungku atonna i Tou nirumanta wuassu Ruata.

DANIEL 6:27

I ya'u mamarenta su anambon taumata apan uatana'a su wageangngu araratuangku tadea'u mata'utta wuṛṛu mangaddatta Ruata apan sassubbanni Daniel! I Tou uddewe Ruata apan wiakka saran mal᷊annu-l᷊annu, maddatingngu pangudusannu runia i Tou uaparenta. Araratuan-Ne tawe mariaddi mate. Taṛṛino-Ne mangke tawe masue.

YOHANES 4:49

“Mawu,” sasimbakku mammamanaran tembonanne udde, “paal᷊ihakke rumanta tantal᷊anna ana'u taambe nate.”