YOHANES 4:42 - WUKE SUSI WATTI'U AL᷊AL᷊USASSA

⁴² I mangitou nabbisara wawine udde, “Orassa indi yami mangngimanna, wal᷊inewe ana waugu wisaranu si yami, arawe ana waugu i yami sassane suete naaringikka si Tou, wuṛṛu masingkatta manungku i Tou atonna Punnu Sal᷊amattu Runia.”

YOHANES 4:42 Referans Kwoze

1 YOHANES 4:14

I yami sassane suete naasilo Ana'u Ruata, wuṛṛu i yami namasingkata manungku i Tou nirolokku Iamangnga maola'a Ratun Punnu Sal᷊amattu runia indi.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

1 TIMOTIUS 4:10

Ana waugu udde i ite mammanara maṛṛimadda, ana waugu i ite pia antimma atonna su Ruata apan wiakka; eteudde Punnu Sal᷊amattu anambon taumata, nangillembo taumata apan mangngimanna.

2 KORINTUS 5:19

I yami namasingkata manungku sulal᷊ummi Kristus, Ruata napaaukku taumata apia ringannu watangan-Ne. Ruata na'ola'a udde ringannu tawe naṛṛingiddu pasasal᷊a apan buatte niola'u taumata su saruannu watangan-Ne. Wuṛṛu i yami suete nirolokku Ruata iapapasingkatu Watti'a udde.

WATTI'U MANGA RASUL 4:12

Tumba'u sulal᷊ummu Mawu Yesus sassane taumata masal᷊amatta. Ana waugu su ahewallu runia indi su wallattu taumata tawe saran sangkatou taumata waine maasomba taṛṛino wuassu Ruata ipanal᷊amatta si ite.”

YOHANES 17:8

Suete Ta'u niapaasingkatta si mangitou wisaran Iamangnga apan nionggolu Iamangnga si Ya'u; wuṛṛu suete nisengkammi mangitou. I mangitou masingkatta manungku i Ya'u atonna-tonna nirumanta wuassu Iamangnga wuṛṛu i mangitou lai mangngimanna manungku ete Iamangnga apan nandolo-U.

YOHANES 4:29

“Wette pa'ellega taumata apan suete namasingkatta si ya'u al᷊awo'u arariaddianna apan suete niola'u. Asinungka i Tou Ratum Punnu Sal᷊amatta?”

YESAYA 45:22

Ei, anambon tumana'u runia, pabbelengke ringang-Ku tadea'u i yamiu iapaasal᷊amatta, ana waugu tumba'u i Ya'u Ruata, tawe baine!

LUKAS 2:32

naal᷊ihida semakka apan mannemakka lal᷊annu manga walahanna waine, ana see rumanta ringan-Nu; eteudde asasemakka apan mandantan awawantuga su al᷊aṛṛanang-Ngu Israel.”

YOHANES 11:17

Napawe Mawu Yesus na'omate su tampa udde, i Lazarus appate allo al᷊annune nilabingnga.

MATIUS 1:21

I Maria sarun mangunsiwen sangkatou ana'a esakka. I'o sarun managgon arannu ana'a udde Yesus, ana waugu I tou sarun manal᷊amatta al᷊aṛṛanang-Nge wuassu rosa mangitou.”

YESAYA 52:10

Mawu napal᷊iatta'u taṛṛino-Ne su saruannu matan anambon walahanna. Ne ahewallu runia sarun maasilo asasal᷊amatta wuassu Ruatan kite.

YOHANES 4:41

Wua'udde niatambanna lai anambone taumata mangngimanna Mawu Yesus ana waugu apa apan niaṛṛang-Nge sassane si mangitou.

WATTI'U MANGA RASUL 5:31

Ruata suete nangonggolu aiananna wuṛṛu taṛṛino apan matanggakka si Tou eteudde Piaṛṛangnge wuṛṛu Punnu Sal᷊amatta; tadea'u walahannu Israel onggol᷊annu tempo mawal᷊u wuassu manga rosane wuṛṛu ampunganna.

WATTI'U MANGA RASUL 13:23

Ete wuassi papapulunni Daud udde Ruata nangonggolla su walahannu Israel sangkatou Ratum Punnu Sal᷊amatta su ereapa suete pina'ire. Wuṛṛu ete Mawu Yesus udde Ratum Punnu Sal᷊amatta.

1 YOHANES 2:2

Ringannu pamamanaran Yesus Kristus uddewe manga rosan kite niampunganna. Wuṛṛu wal᷊ine tumba'u manga rosan kite sassane, ewe'e rosan anambon taumata lai.