YOHANES 3:8 - WUKE SUSI WATTI'U AL᷊AL᷊USASSA

⁸ Anginna tuttiupa watukkuapa ipa'apul᷊une; i ite ma'aringikka tingikke, arawe i ite wagga wuassuapa rarantane wuṛṛu watukku apa amatanne. Aroddi lai taumata apan niasungkangngu Ghaṛṛahon Ruata.”

YOHANES 3:8 Referans Kwoze

1 KORINTUS 2:11

Ana waugu masingkatu lal᷊oṛṛo naungngu sangkatou eteudde ghaṛṛahon taumata udde sassane, are? Aroddi lai ola'u Ruata. Apan masingkattu lal᷊oṛṛo naungngu Ruata tumba'u Ghaṛṛahon Duata sassane!

WATTI'U MANGA RASUL 2:2

Inaṛṛombanganne niaringiṛṛanna tingikka wuassu langitta naal᷊ihida anginna ma'ikkatta. Wal᷊e aianannu manga taumata udde mangke napenen tingikka.

YEHEZKIEL 37:9

Ruata nabbisara si ya'u, “Ei taumata apan mattate, pabbisarate su anginna. Wal᷊oa'e manungku i Ya'u, Mawu Apan Atanggaṛṛanne namarenta si tou tadea'u rumanta wuassu al᷊awo'u pappi'uanne, tadea'u maniuppu sasangngo sulal᷊ummu manga waddangnga apan nate udde tadea'u i mangitou mabbiakka apia.”

1 YOHANES 2:29

I yamiu masingkatte manungku Kristus mabbiakka tuttuṛṛuta apulun Duata. Ana waugu udde i yamiu ṛinone masingkatta lai manungku suapan taumata apan mabbiakka tuttuṛṛuta apulun Ruata eteudde lai ana'u Ruata.

WATTI'U MANGA RASUL 4:31

Napawe i mangitou suete inumal᷊iomanna, tampa i mangitou uaammulla udde inumio'a. I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara ringannu waṛṛani atonna, su ola'u watti'u Ruata.

1 KORINTUS 12:11

Sarangkanambone udde mammanarannu Ghaṛṛaho apan sambau udde lai; sangkatou-sangkatou nionggol᷊annu al᷊amatta uapapaṛṛala tumuṛṛuttu apulun Ghaṛṛaho udde sassane.

YOHANES 1:13

apan niasungkangnga wal᷊ine wuassu taumata, ana waugu wiakka wakku udde punnene wuassu Ruata.

DARALO 107:29

Tandi'a apan mandasakka nirolokku Mawu niapal᷊enakka, manga lua'a lai nallannabba.

DARALO 107:25

Wuassu parenta-Ne tinumiuppe anginna al᷊isusu wuṛṛu tahal᷊oangnga nattandi'e.

DARALO 135:7

Wuassu pentakku runia i Tou nandantan winabbawa, i Tou na'ola'a sawallo hunan kuranna. Ana see i Tou namarenta anginna tadea'u sumabbangnga wuassu tampa pangaddoanne.

MANNANASE 1:6

Anginna tumiuppa watukku timukka, ana see sumingangu watukku sawannakka; i tou mangke tuttiri, ana see mabbelenga apia.

YOHANES 3:7

Arie pa'aherangnga amungkangngu i Ya'u mabbisara: i yamiu sarangkanambone ṛinone iasungkangnga apia.

YOHANES 3:9

“Ereapa udde wotongnge mariaddi?” aiwal᷊o Nikodemus.