YOHANES 3:35 - WUKE SUSI WATTI'U AL᷊AL᷊USASSA

³⁵ Iamangnga mandangngu Anang-Nge, wuṛṛu suete nanantillu taṛṛino si Tou.

YOHANES 3:35 Referans Kwoze

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

YOHANES 5:22

Iamangnga sassane tawe makkuungngi sai-sai. Anambon taṛṛino ipakkuungnga suete tinantilla su Anang-Nge.

YOHANES 5:20

Ana waugu Iamangnga mandangngu Ana'a wuṛṛu manantiro si Tou al᷊awo'u inolaan-Ne sassane. Ewe'e lai Iamangnga sarun manantiro si Tou manga inolaanna apan magewal᷊anna lai ma'oman sara i yamiu tumiangnga.

LUKAS 10:22

Sarangkanambone suete tinantillu Iamangnga si Ya'u. Tawe saran sangkatou ma'aillal᷊a Ana'a tumba'u Iamangnga. Tawe saran sangkatou maaillal᷊a Iamangnga tumba'u Ana'a, wuṛṛu su manga taumata ete sisai Ana'a udde iapaasingkattu Iamangnga.”

YOHANES 17:2

Iamangnga suete nangonggolu taṛṛino su Ana'a ipamarenta anambon taumata, tadea'u i Tou mangonggolu wiakka tutune wuṛṛu saran mal᷊annu-l᷊annu su anambon taumata apan nionggolu Iamangnga si Tou.

MATIUS 11:27

See Mawu Yesus nabbisara, “Sarangkanambone suete tinantillu Mawu Iamangnga si Ya'u. Tawe sangkatou masingkattu Ana'a, tumba'u Mawu Iamangnga. Tawedu lai apan masingkattu Mawu Iamangnga, tumba'u Ana'a, wuṛṛu manga taumata, ete sisai Ana'a udde mamasingkattu Mawu Iamangnga.

EFESUS 1:22

Ruata napasuṛṛubbawan sarangkanambone udde su al᷊unggu parentan Kristus, wuṛṛu nangonggoli Kristus su jamaatta maola'a tembonannu al᷊awo'u jamaatta.

YOHANES 13:3

Mawu Yesus masingkatta manungku Iamangnga suete nanantillu al᷊awo'u taṛṛino si Tou. I Tou masingkatta lai manungku i Tou nirumanta wua dingannu Ruata wuṛṛu sarun mabelengnga lai ringannu Ruata.

1 PETRUS 3:22

wuṛṛu suete nasengkenga su surga. Orassa indi i Tou uataṛṛino suaddio'a ringannu Ruata wuṛṛu uaparenta anambon malaekatta, anambon tembonanne see lai anambon atatohassa.

1 KORINTUS 15:27

Sulal᷊ummu Wuke Susi uawoṛṛetta arendi, “Ruata suete na'ola'a al᷊awo'a su runia indi massuṛṛubawa si Tou.” Nasemakke manungku pandumannu wisara “al᷊awo'a” udde tawe nasutta Ruata sassane, apan na'ola'a al᷊awo'a masuṛṛubawa si Kristus.

DARALO 2:8

Padorongke, ne anambon walahanna Ta'u ionggola Si'o, wuṛṛu ahewallu runia Ta'u olaanna pussaanu.

IBRANI 1:2

Arawe su tempo panginsueanne indi Tou uahahattong kite sulal᷊ummu Anang-Nge. Sulal᷊ummu Anang-Nge indi Ruata nandiaddi ul᷊ilim pati'uppa. Wuṛṛu Ruata suete nanantuna lai manungku ete Anang-Nge indi apan manahuanna al᷊awo'u sarangkanambone.

YOHANES 17:26

I Ya'u suete napaal᷊iatta'u arannu Iamangnga si mangitou; wuṛṛu i Ya'u sidutu sarun ma'ola'a aroddi, tadea'u darangngun Iamangnga si Ya'u sidutu sulal᷊ummu naungngi mangitou, wuṛṛu i Ya'u mangke sambau ringanni mangitou.”

YOHANES 17:23

I Ya'u ringanni mangitou, wuṛṛu Iamangnga ringang-Ku; tadea'u i mangitou atonna-tonna sambau. Ne runia indi sarun maasingkatta manungku ete Iamangnga apan nandolo-U, wuṛṛu manungku Iamangnga mandangngu si mangitou ere lai Iamangnga mandangngu si Ya'u.

YOHANES 15:9

Ere lai Iamangnga marangngu si Ya'u, aroddi lai Ya'u marangngu si yamiu. Ṛinone i yamiu sidutu mabbiakka ere taumata apan arangnguang-Ku.

MATIUS 17:5

Tantal᷊anna i Petrus ta'e mabbisara, winabbawa apan masemakka atonna nangooppa si mangitou wuṛṛu wuassu winabbawa udde niaringiṛṛanna tingikka apan nabbisara, “Ete indi Ana'a arangnguang-Ku, i Tou ma'al᷊uassa naung-Ku. Daringiṛṛe i Tou!”

MATIUS 3:17

Wua'udde niaringikka tingikku Ruata nabbisara, “Ete indi Ana'u apan arangnguanna, i Tou ma'al᷊uassa naung-Ku.”

YESAYA 42:1

Wisara Mawu, “Eteindi allang-Ku apan bawawanang-Ku, taumata nipile-Ku apan ma'al᷊uassa naung-Ku. I Ya'u buatte nangonggollu taṛṛino-Ku si tou, ipangapiddu atatul᷊idda su anambon walahanna.

AMSAL 8:30

I ya'u su sandiṛṛan-Ne naola'a ana'a arangnguan-Ne, allo-allo ete i ya'u ana'a apan maal᷊uassa si Tou; i ya'u sidutu mannalangnga su saruan-Ne.

PANDARIADDI 41:55

Napawe tumana'u Mesir mannattake maapendamma lunussa, i mangitou nadorongnga anna su ratu. Ana see ratu nandolokki mangitou ringanni Yusuf wuṛṛu tinumuṛṛutta al᷊awo'u apa apan nirolokki Yusuf si mangitou.

PANDARIADDI 41:44

Unnu ratu si tou, “Tumba'u i ya'u ratu wuṛṛu i ya'u mamasingkatta manungku amungkangu tawe wuassu asingkannu tawe saran sangkatou su ahewallu Mesir wotongnge mammanara.”

DANIEL 7:14

I tou nionggol᷊annu aaddata wuṛṛu taṛṛino ere sangkatou ratu, na'oman sara manga taumata wuassu al᷊awo'u walahanna, ṛuangannu walahanna wuṛṛu wahasa mattaṛṛamawu si tou. Taṛṛinone sarun mattaṛṛangnga saran mal᷊annu-l᷊annu, pamamarentane tawe iawaddo.