YOHANES 3:29 - WUKE SUSI WATTI'U AL᷊AL᷊USASSA

²⁹ Ma'a'awingnga wawine tatahuanannu ma'a'awingnga esakka. Hawe maa'awingnga esakka udde tumba'u uarisikka su sandiṛṛanne wuṛṛu uararingikka, wuṛṛu i tou lulluassa napawe naaringikke tingikku maa'awingnga esakka. Aroddi lai ya'u. Orassa indi ya'u lembon lulluassa.

YOHANES 3:29 Referans Kwoze

HOSEA 2:19

Israel, i'o sarun Ta'u olaanna awing-Ku, awingnga apan ṛinone saran mal᷊annu-l᷊annu. I'o sarun Ta'u iaakkanna wuṛṛu arangnguanna sidutu; i Ya'u sarun ma'ola'a pallal᷊agu matul᷊idda wuṛṛu satia.

MATIUS 9:15

Mawu Yesus sinumimbakka, “Ereapa su ṛingiṛṛanni yamiu? Wotongngewe manga raho su andeangngu awingnga massusa naungnge amungkangngu ma'a'awingnga esakka ta'e udde su sampunna ringanni mangitou? Asinungka tawe! Arawe sarun a'omanna tempone maa'awingnga esakka udde al᷊apanna wua dinganni mangitou. Su tempo udde nanattakke i mangitou mappuasa.

YESAYA 54:5

Mandariaddinu naola'a ere awingngu, Ruata na'ukkassu Israel uddewe Mananal᷊amannu. Mawu Apan Lembontaṛṛino, uddewe aran-Ne, i Tou Ruata uataṛṛino ahewallu runia.

SONDAPPA 21:9

Sangkatou wuassu wallatu sire pitu mala'ekatta apan suete nangagassa manga cawanna napenem pitu asasusa panginsueanne udde nirumanta ringangku wuṛṛu nabbisara, “Wette! I Ya'u sarun mamamtingiddu Ma'a'awingnga si'o eteudde awingngu Ana'u Domba.”

FILIPI 2:2

Ne, annama'a i yamiu atonna-tonna mapaal᷊uassu naungku ringannu manga inolaanna indi: Pabbiakke ringannu naungnga sambau, ringannu darangngu apan uasul᷊ungnga, ringannu ṛingiranna apan uasul᷊ungnga wuṛṛu tudda apan uasul᷊ungnga.

YOHANES 16:24

Na'oman sara orassa indi yamiu taambe nadorongnga manga apa sulal᷊ummu arang-Ku. Padorongke, ne i yamiu sarun manengkamma, tadea'u al᷊al᷊uannu udde masuungnga.”

1 YOHANES 1:4

I yami namoṛṛetu indi tadea'u naungngi ite atonna-tonna mal᷊uassa.

2 KORINTUS 11:2

I ya'u luṛṛintulunu, ere Ruata sassane lai luṛṛintulun kamiu. I yamiu ere sangkatou maṛṛuala apan ta'e susi wuṛṛu buatte nipa'ire'u iapaawingngu sangkatou umbasanna, eteudde Kristus.

LUKAS 15:6

see niapidda napul᷊e. Wua'udde i tou namago manga hawene wuṛṛu al᷊indonganne, wuṛṛu nabbisara, ‘Wette i ite lumuassa. Domba'u apan nawul᷊i niasombangante apia!’

ANTARI MAWANTUGA 5:1

I ya'u nirumanta su wawail᷊angku, tuari, pare'u, ta'u niammulla mur wuṛṛu rampa-rampa'u; ta'u nianna sal᷊akku langon pul᷊a wuṛṛu pul᷊a'u, ta'u niinumma susu wuṛṛu ua'e'u anggore Aante wuṛṛu pa'inumpe, manga hawe, pa'inumpe ma'oman sara iwu'annu paapulu.

MATIUS 25:1

“Napawe Ana'u Taumata rumanta ere Mawu, olangnge ere sulal᷊ummu sasumandingnga indi: Sire mapul᷊o maṛṛuala mamantuga ma'aawingnga, sangkatou-sangkatou nanganu sol᷊o, see inai manal᷊oho ma'aawingnga esakka.

YEREMIA 2:2

mangal᷊iatan batti'a indi su anambon taumata su Yerusalem, “Ei Israel, i Ya'u mannaungnga i'o aroddi asatiane sutempo i'o ta'e dario'a; aroddi ahewalle darangngunu sutempo i ite buatte naawingnga. Watukku wadda'u anne i Ya'u tatantalongannu u'amatta su wageangngu leta'a apan tawe nisuananna.

YESAYA 66:11

I yamiu sarun maatemma pa'aalane, naal᷊ihidda sangkatou ana'a sussusu inangnge.

ANTARI MAWANTUGA 3:11

Sabbangke, ei manga maṛṛualan Sion, pa'ellege si Ratu Salomo ringannu mahkota apan niluṛṛen inangngene, su allo nipaawinganne, su allo i tou lulluassa.

2 YOHANES 1:12

Ta'e manambo atonna apan ta'u iwal᷊o si yamiu, arawe pendamanna apianne tawe sulal᷊ummu suratta. I ya'u mangantimma wotongnge maatembo wuṛṛu maggahaton kamiu, tadea'u naungngi ite atonna-tonna lulluassa.

YOHANES 17:13

Orassa indi i Ya'u rumanta ringannu Iamangnga. Sarangkanambone indi iwal᷊o'u tantal᷊anna i Ya'u ta'e su runia; tadea'u i mangitou ringannu nasuungnga mamendamma al᷊al᷊uassa wuassia-U.

MATIUS 22:2

wisarane, “Amungkangngu Ruata mamarenta, olangnge ere sasumandingnga indi: Sangkatou ratu na'ola'a andeangngu awingngu anangnge esakka.

YOHANES 3:30

Ete i Tou apan ṛinone magewal᷊anna, wuṛṛu i ya'u ma'adio'anne.”

YOHANES 15:11

Sarangkanambone indi Ta'u iapaasingkatta si yamiu, tadea'u al᷊al᷊ua-U mangke pia sulal᷊ummu naungngu, wuṛṛu al᷊al᷊uannu maola'a masuungnga.