YOHANES 3:19 - WUKE SUSI WATTI'U AL᷊AL᷊USASSA

¹⁹ I Tou niapaasal᷊a ana waugu inolaanna indi: Asasemakka udde nirumantate su runia, arawe taumata lembo maapulun ararandumma wuassu asasemakka, ana waugu pallal᷊agu mangitou lal᷊eo.

YOHANES 3:19 Referans Kwoze

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

2 TESALONIKA 2:12

Sombange, anambon taumata apan maapulun dosa wuṛṛu tawe mangngimanna apa apan su ṛinone udde sarun iṛṛuumanna.

ROMA 2:8

Arawe manga taumata apan tumba'u maṛṛingiddu ririne sassane wuṛṛu maddiri tumuṛṛutta Ruata, ewe'e tuttuṛṛutta al᷊al᷊eo, manga taumata udde lembon aasa'uannu Ruata.

YOHANES 12:43

I mangitou lembo maapulu maasomba daralon taumata wuassu daralon Ruata.

ROMA 1:32

I mangitou masingkata manungku tumuṛṛuttu titan Duata, taumata apan ma'ola'a sarangkanambone udde ṛinone iṛṛuumanna pateanna. Salaiwe aroddi, i mangitou ta'e lai ma'ola'a inolaanna udde; wuṛṛu ewe'e inumire lai amungkangngu taumata waine ma'ola'a udde.

YOHANES 5:44

Ereapa i yamiu wotongnge apangimananna, amungkangngu i yamiu maddea'a daralo wuassu sansul᷊ungngu taumata, wuṛṛu tawe mappandumma maddea'a daralo wuassu Ruata apan Tinggassa?

2 PETRUS 3:3

Paarorone, i yamiu ṛinone masingkatta manungku su allo-allo pangudusanne, sarun rumanta manga taumata apan pabbawiakke paparentannu apulu naungngi mangitou sassane. I mangitou sarun mangal᷊uandaga si yamiu,

YOHANES 1:4

Ṛengetanna udde punnu wiakka, wuṛṛu wiakka udde mannemakka taumata.

LUKAS 12:47

Mangangimbe apan masingkattu apulu mawune, arawe tawe uasasaddia wuṛṛu maddiri tumuṛṛutta apulu mawune udde sarun heseṛṛanna ringannu ma'ikkatta.

1 PETRUS 2:8

wuṛṛu “Eteudde watu apan maatara taumata, watu apan naaema'a si mangitou.” I mangitou natara ana waugu i mangitou tawe mangngimanna wisaran Duata. Ete aroddi suete tinantunu Ruata su ola'i mangitou.

YOHANES 7:7

Runia indi tawe marantinni yamiu. Arawe i Ya'u atonna-tonna ia'arantinnu runia, ana waugu i Ya'u sidutu mabbisara runia manungku inolaanne lal᷊eo.

YOHANES 7:17

Taumata apan matuṛṛutta apulun Ruata, sarun maasingkatta tanne al᷊aṛṛa-U indi darantane wuassu Ruata ara'e wuassia-U sassane.

LUKAS 16:14

Manga taumatan Farisi naaringikka al᷊awo'u wisara apan niwisara Mawu Yesus. See i mangitou nilumagen Tou, ana waugu i mangitou wal᷊iun roitta.

AMSAL 2:13

I mangitou maddiri mallaṛṛenggenna lal᷊annu pabbiaṛṛanna apan suṛṛinone; i mangitou niumamatta su lal᷊anna apan marandumma wuṛṛu napenen dosa.

YOHANES 1:5

Semakka udde lullansiangnga sulal᷊ummu ararandumma, wuṛṛu ararandumma tawe maapadumma si Tou.

YOHANES 9:5

Tantal᷊anna i Ya'u ta'e su runia indi, ete i Ya'u asasemakku runia.”

YOHANES 12:31

Tempone nia'omante runia parikisanna; orassa indi tembonannu runia tate ipaatta.

YOHANES 12:46

I Ya'u nirumanta su runia indi maola'a sambau asasemakka, tadea'u anambon taumata apan mangngimanna si Ya'u tawe matana'a sulal᷊ummu ararandumma.

IMAMATTA 13:10

Amungkangngu tumuṛṛuttu parikissu imam su pisin taumata udde pia haṛṛuatta mawira apan nabbal᷊i pinsulla wuṛṛu waṛṛabbissa su wageangnge udde nabbal᷊i mawira,

ZAKARIA 14:19

Eteude ruumanna su Mesir wuṛṛu su anambon balahanna apan maddiri mallaghu ramean Andeangngu Rasannu Rongnga.