YOHANES 3:11 - WUKE SUSI WATTI'U AL᷊AL᷊USASSA

¹¹ Pangimante: i yami mabbisara tumba'u apa apan asingkatanni ami, wuṛṛu i yami mattiala tumba'u su ola'u apa apan niasiloanni ami; arawe i yamiu maddiri mangngimanna tatiala wuassi ami.

YOHANES 3:11 Referans Kwoze

YOHANES 8:38

Apa apan niasiloang-Ku wuassu Iamang-Ku eteudde apan iwabbisara-U. Arawe i yamiu tuttuṛṛutta apa apan iaaṛṛa'i iamangngu si yamiu.”

YOHANES 14:24

Taumata apan tawe mandangngu si Ya'u, tawe tumuṛṛutta al᷊aṛṛa-U. Al᷊aṛṛa'a apan niaringiṛṛanni yamiu udde, wal᷊ine wuassia-U, ewe'e wuassu Iamangnga apan nandolo-U.

YOHANES 12:49

Ana waugu i Ya'u tawe mabbisara wuassu apulu-U sassane; Iamangnga apan nanadolo-U, ete i Tou apan namarenta si Ya'u apa apan Ta'u iwisara wuṛṛu iapaasingkatta.

YOHANES 8:14

Mawu Yesus sinumimbakka, “Salaiwe i Ya'u mangngonggolu tatiala su ola'u riri-U sassane, tatiala-U udde atonna; ana waugu i Ya'u masingkatta wuassuapa i Ya'u nirumanta wuṛṛu watukku apa i Ya'u inai. I yamiu wagga wuassuapa i Ya'u nirumanta wuṛṛu watukku apa i Ya'u inai.

YOHANES 7:16

Mawu Yesus sinumimbakka, “Apan Ta'u ia'aṛṛa'a indi wal᷊inewe al᷊aṛṛa-U arawe al᷊aṛṛa'i Tou apan nandolo-U.

YOHANES 1:18

Tawe saran sangkatou apan suete naasilo Ruata, tumba'u ana'u Iamangnga tinggassa, apan uasul᷊ungngu Iamangnga wuṛṛu uaaukka atonna ringanni Tou. Ete i Tou apan napaal᷊iatta'u Iamangnga si ite.

2 KORINTUS 4:4

Monganna lal᷊eo apan uaparenta runia indi nakkapingnga ṛingirannu manga taumata apan tawe mangimanna udde. Monganna apan sidutu mannal᷊are si mangitou tadea'u i mangitou tawe maasilo semakka wuassu Watti'u Al᷊al᷊uassa udde, su ola'u awawantugi Kristus, apan naola'a lihiddu Ruata.

YESAYA 65:2

I Ya'u sidutu uasaddia manal᷊oho uma-U, arawe i mangitou apulune lumawangnga. Walahanna udde ma'ola'a al᷊al᷊eo wuṛṛu tuttuṛṛuta hol᷊agge sassane.

YOHANES 1:11

I Tou nirumanta su wanua-Ne sassane, arawe pabbawala-Ge maddiri manarimmatti Tou.

LUKAS 10:22

Sarangkanambone suete tinantillu Iamangnga si Ya'u. Tawe saran sangkatou ma'aillal᷊a Ana'a tumba'u Iamangnga. Tawe saran sangkatou maaillal᷊a Iamangnga tumba'u Ana'a, wuṛṛu su manga taumata ete sisai Ana'a udde iapaasingkattu Iamangnga.”

YESAYA 53:1

Walahanna udde sinumimbakka, “Isai mangimanna apa apan buatte niaringiṛṛanni yami? Ete sisai buatte niapal᷊iatta'a taṛṛino Mawu?

YESAYA 50:2

Anio wuassu uma-U tawe saran sangkatou sinumimbakka, sutempo i Ya'u mammaggo si mangitou? Apa i mangitou mal᷊annabba ana waugu massunna i Ya'u tawe mapaamallossa wuṛṛu maapanal᷊amatta si mangitou? Atonna-tonna, wuassu parenta-Ku tahal᷊oangnga nabbal᷊i mamara, manga sal᷊ukka Ta'u niola'a wadda'u anne, na'oman sara manga inassa nate wuṛṛu hal᷊urune mawukku'a.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

WATTI'U MANGA RASUL 22:18

I ya'u naasilo Mawu; i Tou nabbisara si ya'u, ‘Paal᷊ihakke manantangngu Yerusalem, ana waugu manga taumata isindi tawe madaringikka tatialanu su ola'u riri-U.’

YOHANES 5:43

I Ya'u nirumanta ringannu taṛṛinon Iamang-Ku, arawe i yamiu maddiri manarimma-U. Arawe amungkangngu taumata waine rumanta ringannu taṛṛinone sassane, i yamiu maapulu manarimmatti tou.

YOHANES 3:13

Tawe saran sangkatou apan suete nasengkengnga watukku surga, tumba'u i Tou apan sinumossokka su runia, eteudde Ana'u Taumata.

YOHANES 3:5

Mawu Yesus sinumimbakka, “Atonna-tonna wisara'U indi: amungkangngu taumata tawe iasungkangnga wuassu ua'e wuṛṛu Ghaṛṛahon Ruata, taumata udde tawe mawal᷊i su reengannu walahannu Ruata.

YOHANES 3:3

Mawu Yesus sinumimbakka, “Pangimante, tawe saran sangkatou apan botongnge maola'a lal᷊oṛṛon araratuannu Ruata, amungkangngu i tou tawe iasungkangnga apia.”

MATIUS 23:37

“Yerusalem, Yerusalem! Manga nabi suete nipatenu. Manga ralol᷊oṛṛannu Ruata suete tinuntungannu watu na'oman sara nate. Paapirate i Ya'u maapulu mangammullu tumana'u soa naal᷊ihidda ere inangngu manu'a mangooppa al᷊aṛṛanangnge sulal᷊ummu papaidde, arawe i yamiu madiri!

MATIUS 11:27

See Mawu Yesus nabbisara, “Sarangkanambone suete tinantillu Mawu Iamangnga si Ya'u. Tawe sangkatou masingkattu Ana'a, tumba'u Mawu Iamangnga. Tawedu lai apan masingkattu Mawu Iamangnga, tumba'u Ana'a, wuṛṛu manga taumata, ete sisai Ana'a udde mamasingkattu Mawu Iamangnga.

YESAYA 55:4

Mangke atonna, i tou Ta'u itenega piaṛṛa'a wuṛṛu panglima, tialan taṛṛino-U su manga walahanna.

SONDAPPA 3:14

“Su mala'ekattu jamaatta su Laodikia, woṛṛetta'a arendi: Ete indi tanata wuassu Awantuhanne Amin, Mattatiala apan matammuda wuṛṛu naṛṛino, punnu al᷊awo'u sarannapa apan niola'u Ruata.

YOHANES 3:12

I yamiu tawe mangngimanna amungkangngu i Ya'u mabatti'a si yamiu su ola'u inolaannu runia indi; ereapa i yamiu wotongnge mangngimanna, amungkangngu i Ya'u mabatti'a si yamiu su ola'u surga?

YOHANES 8:26

Ta'e manambo lai hatto su ola'i yamiu apan Ta'u iwisara wuṛṛu ipamarikissa. Arawe i Tou apan nandolo-U wotongnge apangimananna. Wuṛṛu i Ya'u mamasingkatta su runia apa apan Ta'u niaringiṛṛanna wuassi Tou.”