YOHANES 21:19 - WUKE SUSI WATTI'U AL᷊AL᷊USASSA

¹⁹ (Ringannu manga wisara udde Mawu Yesus mapaal᷊iatta'u ereapa i Petrus sarun mate ipamantuga Ruata.) Wua'udde Mawu Yesus nabbisara si Petrus, “Tantalongke si Ya'u!”

YOHANES 21:19 Referans Kwoze

2 PETRUS 1:14

Ana waugu i ya'u masingkatta manungku tate mal᷊annu lai ya'u sarun manantangngu runia indi, ana waugu Mawun kite Yesus Kristus suete namasingkatta si ya'u ringannu masemakka.

YOHANES 21:22

Mawu Yesus sinumimbakka, “Unnu wisara i Ya'u maapulu i tou matatana'a wiakka ma'oman sara i Ya'u rumanta apia, udde wal᷊ine manaranu. Arawe i'o tantalongke si Ya'u!”

MATIUS 10:38

Wuṛṛu taumata apan madiri mamasanna alu arussane wuṛṛu tumantalongnga si Ya'u, tawe maola'a mallal᷊aṛṛenggeng-Ku.

FILIPI 1:20

Lembon ipaapulu'u wuṛṛu aantimanna eteudde tadea'u imbaṛṛangnga i ya'u tawe maa'sue manara'u. Arawe i ya'u mangantimma tadea'u suapan tempo, nangillembo orassa indi, ya'u wotongnge maola'a waṛṛani ma'oman sara ringannu ahewallu apulun waddangku – mawae i ya'u wiakka ara'e i ya'u nate – Kristus mangke wabantuhanna.

YOHANES 12:33

I Tou nabbisara aroddi tadea'u mapaal᷊iatta'u ereapa olangnge i Tou mate.

1 SAMUEL 12:20

I Samuel sinumimbakke lai, “Arie mata'utta, salaiwe i yamiu buatte na'ola'a al᷊al᷊eo udde, imbaṛṛangnga manantangngu Mawu, ewe'e sidutu pattaṛṛamawu si Tou ringannu ahewallu naungngu.

YOHANES 18:32

Indi mariaddi tadea'u matipusse apa apan niapaasingkattu Mawu Yesus su ola'u i Tou sarun mate.)

YOHANES 12:26

Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

MATIUS 19:28

Mawu Yesus nabbisara si mangitou, “Pangimante: Su Runia apan Bakku, Ana'u Taumata sarun uma'ianna su adderan araratuanna apan mawantuga. Su tempo udde i yamiu mallal᷊aṛṛenggeng-Ku sarun uma'ianna su mapul᷊o dua adderan araratuanna wuṛṛu makkuungnga mapul᷊o dua walahannu Israel.

REENGANNA 14:24

Arawe tawe aroddi su allang-Ku i Kaleb. I tou sidutu matuṛṛutta si Ya'u. Ana waugu udde i Ya'u sarun mangapiddi tou watukku wanua apan buatte nisuttanni tou. Orassa indi taumatan Amalek wuṛṛu taumatan Kanaan uatana'a su ratakke udde. Arawe wageangngu leta'a udde sarun maola'a pussa'a walahanni Kaleb, allang-Ku udde. Tiṛṛabbi yamiu ṛinone mabelengnga wuṛṛu inai su wadda'a watukku Tongokku Akaba.”

MATIUS 8:22

Arawe Mawu Yesus sinumimbakka, “Tantalongke si ya'u, wuṛṛu wala'e taumata nate mallabingngu taumatane nate udde sassane.”

YOHANES 21:18

Mangke atonna wisara-U indi: Su tempo i'o ta'e dario'a, i'o sassane mamma'issa lawannu, wuṛṛu u'amatta su al᷊awo'u tampa ipaapulunu. Arawe amungkangngu i'o timmaddete, i'o mangngul᷊ukku limanu, wuṛṛu taumata waine mamma'issa si'o wuṛṛu mangapidda su tampa apan ipaadirinu.”