YOHANES 21:17 - WUKE SUSI WATTI'U AL᷊AL᷊USASSA

¹⁷ Su atallune Mawu Yesus naiwal᷊o si tou, “Simon ana'i Yona, atonna i'o marangngu si Ya'u?” I Petrus nasusa naungnge ana waugu Mawu Yesus naiwal᷊o si tou na'oman sara atallune. Ne i Petrus sinumimbakka apia, “Mawu, Mawu masingkattu sarangkanambone. Mawu masingkatta manungku i ya'u marangngu Mawu!” See Mawu Yesus nabbisara si tou, “Padul᷊ianete manga domba-U.

YOHANES 21:17 Referans Kwoze

YOHANES 13:38

Mawu Yesus sinumimbakka, “Atonna i'o mal᷊uassa mate ana waugu i Ya'u? Paanaunge, tantal᷊anna manu'a taambe inumu'u, paatallute i'o nabbisara manungku i'o wagga-U!”

MARKUS 14:72

Orassa udde lai manu'a inumu'u aruane. Wuṛṛu Petrus naanaungnga manungku Mawu Yesus suete nabbisara si tou. “Tantal᷊anna manu'a taambe inumu'u paarua, i'o paatallute massinaadu riri-U.” Ne Petrus lulluaite ringannu massusa atonna.

YOHANES 16:30

wuṛṛu i yami masingkatta manungku Mawu masingkattu sarangkanambone. Ipa'ura lai taumata maiwal᷊o manga apa su Mawu. Ana waugu udde i yami mangngimanna Mawu nirumanta wua dingannu Ruata.”

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

EFESUS 4:30

Arie mapaasusa naungngu Ghaṛṛahon Duata. I yamiu suete nissaṛṛani ringannu Ghaṛṛahon Duata. Ghaṛṛaho udde lai maola'a sambau wataṛṛu manungku Allon Paddarame sarun rumanta ringanni yamiu.

WATTI'U MANGA RASUL 15:8

Wuṛṛu Ruata apan masingkattu naungngu taumata suete napaal᷊iatta'a manungku i Tou manengkamma si mangitou; i Tou napaal᷊iatta'u olangnge udde ringannu nangonggolu Ghaṛṛahon Ruata si mangitou ere lai suete nionggolla si ite.

YOHANES 15:10

Amungkangngu i yamiu tuttuṛṛutta manga parenta-U, i yamiu sidutu matammuda su darangngu-U ere lai sidutu matuṛṛutta su darangngun Iamangnga ana waugu tuttuṛṛutta manga parenta-Ne.

YOHANES 14:15

“Amungkangngu i yamiu marangngu si Ya'u, i yamiu sarun tumuṛṛutta manga parenta-U.

DARALO 17:3

Amungkangu I'o manal᷊u'atta naungku wuṛṛu rumanta manaṛṛassida si ya'u sutempo ṛabbi, I'o sarun maasingkatta manungku naungku matul᷊idda; wisara'u nassul᷊ungngu ṛingirangku.

2 PETRUS 3:1

Manga tuṛṛangnga apan arangnguanna! Ete indi sura'u aruane si yamiu. Sulal᷊ummu suratta darua indi, ya'u mangke mappandumma mapaasabangu manga ṛingiranna apan mapia si yamiu.

1 PETRUS 1:6

Ana waugu udde ṛinone i yamiu lumuassa, salaiwe orassa indi tumba'u tal᷊an kadio'a i yamiu sarun masusa ana waugu i yamiu naapendama anambon hatin bawono'a.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

WATTI'U MANGA RASUL 1:24

See i mangitou inumal᷊iomanna. I mangitou nabbisara, “Mawu, I'o masingkattu naungngu awadaalla. Yudas suete niaddo wuassu manarane sangkatou rasul wuṛṛu see natete. Nariaddi pantingira'a si yami isai wuassu wallattu ruang katou indi apan pileannu Mawu onggol᷊annu manara ipallol᷊ossa si Yudas.”

YOHANES 18:27

See i Petrus nassinaadde apia, “Tawe” – wuṛṛu naṛṛino su orassa udde lai manu'a niumu'u.

YOHANES 18:4

Mawu Yesus masingkattu sarangkanambone apan sarun mariaddi su watangan-Ne. Ne i Tou nangundanite manga taumata udde wuṛṛu naiwal᷊o, “I yamiu maddea'a sisai?”

YOHANES 12:8

Taumata asiangnga sidutu su wallatti yamiu, arawe i Ya'u tawe.”

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

LAL᷊ALLU 3:33

i Tou tawe ringannu naungnga mal᷊uassa mamalan kite uatataṛṛangnga wuṛṛu massusa.

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

1 TAWARIKH 29:17

I ya'u masingkatta I'o mannal᷊u'atta naungngu taumata wuṛṛu maapulun taumata apan naungnge waresi. Ringannu asasaṛṛionto'a wuṛṛu al᷊al᷊uassu naungnga sarangkanambone indi ta'u ionggolla Si'o. I ya'u buatte na'ellega ereapa al᷊aṛṛanang-Ngu apan uasemodda isindi uaapiddu aonggolli mangitou Si'o ringannu al᷊al᷊uassu naungnga.

1 MARARATU 17:18

Ana see unnu wawine wal᷊u udde si Elia, “Allangngu Ruata, anio Iamangnga na'ola'a olangnge indi su saruangku? Apa Iamangnga rumanta tadea'u Ruata manaungnga rosa'u, na'oman sara ana'u rinone mate?”

YOSUA 22:22

“Apan Lembon Taṛṛino eteudde Mawu! Apan Lembon Taṛṛino eteudde Mawu! I tou masingkatta anio yami na'ola'a inolaanna indi, wuṛṛu yami maapulu tadea'u i yamiu lai maasingkatta! Unnu wisara na'ola'a inolanna indi ringannu pandumma lumawangnga Mawu ara'e ana waugu yami tate lai mangimanna si Tou, wala'e yami mate orassa indi!

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.

2 SAMUEL 7:20

Apa lai apan botongnge ta'u iwal᷊o Si'o? I'o masingkattu sarangkanambone su ola'u allang-Ngu indi.

YOHANES 21:18

Mangke atonna wisara-U indi: Su tempo i'o ta'e dario'a, i'o sassane mamma'issa lawannu, wuṛṛu u'amatta su al᷊awo'u tampa ipaapulunu. Arawe amungkangngu i'o timmaddete, i'o mangngul᷊ukku limanu, wuṛṛu taumata waine mamma'issa si'o wuṛṛu mangapidda su tampa apan ipaadirinu.”

1 TAWARIKH 17:18

Apate lai apan ta'u iwisara Si'o, oh Mawu Ruata? I'o masingkattu sarangkanambone su allang-Ngu indi, arawe I'o nangonggolu a'addatta si ya'u.

YOHANES 4:16

“Roote, waggoi awingngu, see pabelengnga apia isindi,” unnu Mawu Yesus.

WATTI'U MANGA RASUL 11:10

I ya'u naasilo sondappa udde na'oman sara paatallu sinul᷊e, wua'udde sarangkanambone nasengkengnga watukku surga.